Еицырдыруа аҧсуа поет Терент Ҷаниа ихыҵит ҧшьынҩажәа шықәса.

10.02.2017
593

Еицырдыруа аҧсуа поет Терент Ҷаниа ихыҵит ҧшьынҩажәа шықәса. Асахьаркыратә литература аусхк аҟны илшамҭа дуқәа рзы Аҧсны Ахада Иусҧҟала, Терент Михаил- иҧа ианашьоуп Ахьӡ- аҧша аорден ахҧатәи аҩаӡара.

Аиубилиар дидикылеит, имшира идиныҳәалеит Аҧсны Ахада Рауль Ҳаџьымба. Асахьаркыратә литература абзиабаҩцәа иажәеинраалақәеи, егьырҭ иҩымҭақәеи рыла изныкымкəа иргәырҕьахьеит ҩажәа инареиҳаны ашәҟәқәа авторс ирымоу Терент Ҷаниа. Иара иахьагьы дыҕәҕәаӡа дыҟоуп.

Аиубилиар иирамш идныҳәало Рауль Ҳаџьымба иазгәеиҭеит, аҧсуа сахьаркыратә литература аус аҟны иџьабаа шмаҷым атәы. Атәыла Ахада иҟаиҵаз азҿлымҳара иҭабуп ҳәа ахҳәаауа, Терент Михаил- иҧа иҳәеит, агәахәара бзиа шинаҭаз иџьабаа ахә ҳаракны иахьыршьаз.

 Апоет Терент Ҷаниа убасгьы Аҧсны Абыргцәа Рхеидкыла далоуп. Рауль Ҳаџьымба иҳәеит, ахеидкыла инанагӡо аусқәа рҟны иара иҧышәа акыр шаҵанакуа. Аиҧылараҿы Рауль Ҳаџьымба аиубилиар Терент Ҷаниа инапаҟны ииҭеит Аҳәынҭқарратә ҳамҭа Ахьӡ- Аҧша аорден ахҧатәи аҩаӡара, иара убасгьы агәаларшәагатә ҳамҭа.

 Д. Инаҧшьба, Роберт Ломиа,АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
21 Ииун 2018
119
Аҭыжьымҭаҿы:Избан амшын аҭалара зрыцҳарахаз?. Актулара злоу анҵамҭа.
21 Ииун 2018
69
Аҟәа иазгәарҭеит  Урыстәыла  Абжьаҟазаратә Мчқәа ҳтәыла  ралагалара амш.  
20 Ииун 2018
117
Аҭыжьымҭаҿы:Аиубилеитә рыцхәқәа рымҩаҧгара аҽазыҟаҵара иазкны Аҧсны Ахада аилацәажәара мҩаҧигеит.
20 Ииун 2018
162
Убри азы аӡбамҭа идикылеит Аҧсны аҵареи аҭҵаарадырреи рминистр Адгәыр Какоба.
Загрузка плеера
Алаҳәарақәеи адныҳәаларақәеи
АГТРК