Аҳәынҭқарратә телерадиоеилахәыра аканал Жәлар реизарахь акандидатцәа зегьы аефиртә аамҭа еиҟараны ирнаҭоит.

13.02.2017
408

Аҳәынҭқарратә телерадиоеилахәыра аканал Жәлар реизарахь акандидатцәа зегьы аефиртә аамҭа еиҟараны ирнаҭоит, абри атәы ҳәан Аҧсуа телехәаҧшраҿы имҩаҧгаз апресс-конференциаҿы. Иара убасгьы уаҟа  ирзааҭгылан ателедебатқәа рымҩаҧгашьа аформақәа, урҭ рысценарии.  

Аҧсуа телехәаҧшра аканал аҿы ателедебатқәа хацыркхоит февраль ҩажәи акы инаркны. Акандидатцәа зегьы  аефиртә аамҭа еиҟараны ирыҭахоит. Хәыда-ҧсада жәаа минуҭ рзалхуп. Урҭ рахьтә жәохә минуҭ ателедебатқәа, х-минуҭк – агитациатә роликқәа. Ахә зыхшәаатәу аефир акәзар,  уи уажәнатә иалагар алшоит. Иара шьақәгылахоит хә-минуҭк иҟоу  агитациатә роликқәеи, адырраҭара алахәхаразы  – жәа-минуҭки рыла.

Ателедебатқәа мҩаҧысуеит алхырҭатә ҭыҧ хада аҿы иқәгылоу адепутатрахь акандидатцәа рыбжьара, Алхратә компаниа аламҭалаз Аҧснытәи ателерадиолахәыра аканал аҿы имҩаҧгахоит ҩажәи жәохә ефир ателедебатқәа, алхырҭатә ҭыҧ хадақәа  шаҟа ыҟоу аҟара. Урҭ реишьҭагылашьеи аефир ахь ианҭыҵуа амши алырхуеит алхратә комиссиа хадаҿы аҵәҭаҧсарала. Ателедабатқәа цалоит есыҽны ахәылбыҽха асааҭ жәба инаркны жәеиза рҟынӡа. Уи ахыҧхьаӡареи аамҭеи рхьыҧшхоит алхырҭатә ҭыҧқәа рҿы акандидатцәа рхыҧхьаӡара. Ажәакала, ҽнак ателедебатқәа ирыҭахоит сааҭки бжаки,- ҳәа азгәеиҭеит Инал Лазба.
Апресс-конференциаҿы иазааҭгылан убасгьы акандидатцәа зегьы ирымоу аамҭа рхы иархәаны, рыпрограмма иахцәажәар, рхы ӡырыгар, рпартиа атәы, мамзаргьы актуалра зҵоу азҵаарақәа рзы ргәаанагара рҳәарц шыҟало.

Агитациатә роликқәа ракәзар, ироуа х-минуҭқ ахыхь ателерадиоеилахәыра ирнаҭоит ахәҧса зыхшәаатәу аефир зықь мааҭ минуҭк азы, аха уи хә-минуҭк иреиҳамхароуп. Ҳара ҳканал аҿы иара аролик ахаҭа аҟаҵара иартәоит жәаҩа нызқь мааҭ. Дара аефир ахь иҭыҵлоит хҧа инаркны жәеиза рҟынӡа. Иара убас, аҧсуа радио аҿы  акандидатцәа хәыда-ҧсада аамҭа рымоуп хәба-хәба минуҭ.

Иҳәатәуп, уажәтәи ателедебатқәа рҿы алхыҩцәа рызҵаара ишиашоу аҭиира шрылымшо. Згәаанагара зҳәарц зҭаху, Аҧсуа телехәаҧшра асаоциалтә ҳақәа рҿы иҟоу аофициалтә даҟьахь инаишьҭроуп. Урҭ азҵаарақәа темала еихшаны адепутатцәа ирыдгалахоит.

Аефир ахь аҭыҵра амши аамҭеи алнахуеит алхратә комиссиа хада аҵәҭаҧсара инақәыршәаны, акандидатцәа аефир ахь аҭыҵра мышкы шагу рҽанырҵароуп.

Сима Аргәын, Алыкьса Агәхаа, АТ.


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
18 Август 2017
13
18 Август 2017
7
Мызкы иназынаҧшуа Тҟәарчал ақалақь Џьанҭоу аҳабла аҟны аҧшаарақәа мҩаҧыргоит Урыстәылеи Аҧсныи рархеологцәа.
18 Август 2017
4
Аиҧылараҿы ирылацәажәон ацәгьоурақәеи, ашәарҭадареи рызҵаарақәа.
17 Август 2017
235
Загрузка плеера
Алаҳәарақәеи адныҳәаларақәеи
АГТРК