Аҭаацәараҿы аҩбатәи ахшара инаҩс ииз ирзыршәоит шә-нызықь мааҭ аҧара.

13.02.2017
339

Аҭаацәараҿы аҩбатәи ахшара инаҩс ииз ирзыршәоит шә-нызықь мааҭ аҧара.  Уи зыбзоуроу, ҳҭыжьымҭақәа рҿы ишазгәаҳҭахьоу еиҧш ,  агәыҳалалратә фонд «АзҳАра»  аусура ауп.  Иахьазы жәаха ҭаацәара рбанктә хыҧхьаӡаларҭахь аҧара ииаргахьеит. Аӡәырҩы иарбан шәыҟәқәоу еизгатәу, мамзаргьы иабанеитәу ҳәа азҵаара рызцәырҵуеит. Агәыҳалалратә фонд “АзҳАра” аофис ыҟоуп Аҟәа, Сахаров имҩаду, арепатриациа ахыбраҿы.  

Агәыҳалаларатә фонд «АзҳАра» аиҿкааҩцәа хықәкыс ирымоуп Аҧсны адемографиатә проблема аӡбара ацхраара. Аҧсуа ҭаацәарақәа реизҳаразы, ахәыҷырацәа рхылҵларц азы ирымазароуп изықәгәыҕуа, иҕәҕәоу афинанстә шьаҭа. Убри ауп хықәкы хадасгьы иҟаз адепутат Леонид Чамагәуа хантәаҩыс дызмоу афонд анеиҿыркаауазгьы. Жәлар Реизара адепутат иҳәоит, ари аҩыза ажәалагала апарламент адепутатцәа зегьы еицҿакны адгылара шарҭаз. Афонд ахь  арзаҳал алазҵаз рхыҧхьаӡара макьана ирацәаӡам, шәкәкы-шәкы нызықь мааҭ рырҭахьеит жәаха ҭаацәара. Ахәаҧшразы ишьҭоуп даҽа жәибжь рзаҳал.

Афонд аусура ахацыркразы ихымҧадатәыз афинансқәа ахыҧхьаӡалараҿы ацхыраара ҟазҵо аилакқәеи аиҿкаарақәеи рхыҧхьаӡара рацәоуп. Имаҷҩым мызктәи зыулафахәы уи иахызыҧхьаӡало аҳәынҭқарратә усбарҭақәа рнапхгаҩцәагьы. Аҧсны жәлар реизара адепутатцәагьы мызктәи руалафахәы еидкыланы  афонд ахыҧхьаӡаларҭахьы ииаргеит. Иара убасгьы афонд аҟынтә есымза иазыҧҵәоу аамҭа нҵәаанӡа аҭаацәарақәа х-нызықь мааҭ ацхыраагӡагьы роулоит.

Леонид Чамагәуа иҳәоит,   ауааҧсыра иаарышьҭуа аҧарақәа еиҳахар ишышьҭырхуа аҭаацәара ирзыршәогьы. Араҟа иазгәаҭатәуп, макьана аҩбатәи инахыс ииуа зегьы ирзыршәо ҧарак шакәу. Даҽакала иуҳәозар, аҧшьбатәи иакәзаргьы, ажәабатәи иакәзаргьы ииз, аҭаацәа шә-нызықь  мааҭ роуп ирзыршәо. Аха, ари азҵаара аӡбара афонд анапхгара хықәкыс ирымоуп. Дара ирҳәоит, агәыҕра шыҟоу хә-ҩык иреиҳаны измоу аҭаацәарақә ирзыршәоугьы мышкызны еиҳахап ҳәа.

Леонид Чамагәуа иазгәеиҭоит афонд “Азҳара” хықәкыс ишамоу ирымоу афинанстә лшарақәа иахьынӡауала реизырҳара, урҭ ахшара рацәа змоу аҭаацәара рызшәаразы.  Иара иҳәоит, ибзианы  ишеиликаауа ишыҟоу шә-нызықь мааҭ ззы иҧара дуум ауаагьы. Аха, хҩык, ҧшьҩык мамзаргьы уи еиҳаны ахшара зааӡо аҭаацәара рзы ари цхыраагӡа дууп.

Агәыҳалалратә фонд “АзҳАра “ ахантәаҩы иҳәоит иахьатәи аамҭазы аҳәынҭқарра аҿаҧхьа иҵарны иқгәылоу, нас ҳәа иахымгакәа зыӡбара лассы иалагатәу зҵаараны ишыҟоу адемографиа аҭагылазаашьа. Аҧшқа ибара иахьа ус имариаӡам. Ирацәоуп ииҭаху, ари  аус аҟны ахшара рацәа змоу аҭаацәарақәа аҳәынҭқарра ацхыраара ду рыҭаразы алшарақәа амаӡам. Аха, “Азҳара” еиҧш иҟоу агәыҳалалратә фондқәа русура аҵакы хадоуп.  

Мчыбжьқәак раҧхьа Агәыҳалалратә фонд “Азҳара” аусзуҩцәа даҽа ф-ҭаацәарак рнапаҿы ирырҭеит рбанктә хыҧхьаӡалараҭахь шә-нызықь мааҭ шиагоу зыршаҳаҭуа ашәҟәқәа. Дара авидеокамера рҽацәыҧхьаркуеит, ирҭахӡам ацәажәара. Аха, ус хаҭала ианҳацәажәо ирҳәоит, арҭ аҧарақәа рыхшара ишрыхҭнырҵо. Иҭабуп ҳәагьы рарҳәоит афонд аиҿкааҩцәа.

Елана Лашәриа,  Ельдар Дамиров, АТ


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
25 Апрель 2017
88
25 Апрель 2017
85
Нестор Лакоба ихьӡзху Гәдоуҭатәи актәиабжьаратә школ аҿы еиҵагылоу абиҧара рааӡараҿ атрадициа беиақәа амоуп.
25 Апрель 2017
104
Раҧхьаӡа акәны ахатәы бызшәала еиқәыршәаз, «Аҧсуа тест-ахаҭара азҵаара» аӡыргара мҩаҧган    Аҧснытәи Аҳәынҭқарратә Университет апедагогикатә факультет аҟны
25 Апрель 2017
77
Алахьеиқәҵареи агәырҕьареи зцу амш. Мшаҧныҳәа иашьҭанеиуа ажәбатәи амш азы аиашахаҵаратә дин    ныҟәызго ақьырисанцәа иазгәарҭоит «Радоница»
25 Апрель 2017
117
Аҧсны  Ахада Рауль Ҳаџьымба  иахьа даҭааит  Пицунда  - Мысратәи   аҳәырҧсарра,уи аҭагылазаашьа   зеиҧшроу  
25 Апрель 2017
82
Аҧсшьара мшқәа рзы иҟаз амшцәгьа ахҟьа-ҧҟьақәа раҧыхразы аусурақәа мҩаҧысуеит
Загрузка плеера
Спикер шестого созыва Парламента Абхазии Валерий Кварчия ответил на вопросы журналистов.
Алаҳәарақәеи адныҳәаларақәеи
АГТРК
        Вставить Flash