Аҧсны илеиз асы аҧырхага анаҭеит аҳҭны қалақь аҭыҧ ҧшӡарақәа иреиуоу аботаникатә баҳчагьы.

17.02.2017
343

Аҧсны илеиз асы аҧырхага анаҭеит аҳҭны қалақь аҭыҧ ҧшӡарақәа иреиуоу аботаникатә баҳчагьы. Убас асы иахҟьаны абаҳча злабеиоу аҵлақәеи аҵиаақәеи ааха роуит.  Аботаникатә институт  аиҳабы Едуард Гәбаз иажәақәа рыла, аҧхасҭа иҵегь еиҳахон згәы былуа ауаа рыцхыраара акәмызҭгьы. Аҵлақәа ашәыб рықәхраҿы асоура ишааҟәыҵыз еиҧш, абаҳчахь иааиз рыбжьара иҟан Аҧснытәи аҳәынҭқарратә университет астудентцәа, ааигәа инхо ауаа, аҿартә еиҿкаарақәа рхаҭарнакцәа.

Аботаникатә баҳча  аусзуҩцәа, араҟа изызҳауа аҵиаақәа ахьҭақәа рааира заа иазыҟарҵоит, иҭарыҳәҳәоит. Аха, ари аҩыза асоура аӡәгьы дазыҧшымызт. Аботаникатә институт аиҳабы  Едуард Гәбаз иажәақәа рыла, ааха зауз аҵлақәа еиҭашьақәгыларгьы, уаанӡатәи рыҧшӡара рцәыӡуеит. Избан акәзар еизеиҟараны изызҳауаз, асы ахьанҭара ззымычҳакәа ихжәаз  рымахәқәа  рцымхәра азымҳар ауеит. Арҭ акыр зхыҵуа ҵлақәоуп. Ааха зауз аҵлақәа рыбжьара иҟоуп аевкалиптқәеи, акаламқәеи. Акаламқәа ҕәҕәала ихынааит, аха аботаникцәа ражәақәа рыла, ааҧынразы урҭ рхала рыҽдыриашоит.

Аботаникатә баҳча иамоу аҧхасҭа акыр еиҳахар ауан аинститут аусзуҩцәа ианаамҭаз аӡынра аҽазыҟаҵаразы аусурақәа мҩаҧырымгазҭгьы.  Аҵлақәа ахьҭаҳәҳәаз анаҩсгьы, рызҳашьала маҷк иадымхаргьы  ихынааз аҵиаақәа ириашаны  аҵаргәақәа рыҭан. Уи иабзоурахеит асы хьанҭа анрықәҳагьы аҵлақәа ахьхымжәаз. Едуард  Гәбаз  иазгәеиҭоит,  зыбҕьы  каҧсо аҵлақәа ари аҭагылазаашьа еиҳа еиҕьны  ишырхырго. Избан акәзар, аӡын аамҭазы ицәҳәу урҭ рымахәқәа асы уамак ирықәгылаӡом. Даҽа усуп аҧсаҵлахкқәа рахь иаҵанакуа еснагь ииаёцәоу аҵиаақәа. Урҭ ашәыб рықәхоит. Убри аҟынтә ацхыраара рҭахуп, рымахәқәа ршәшәатәуп.

Аҧхасҭа аиуит аӡахәа пақәа реилаҵәарала  иҟаҵаз аҵаларҭа ҧшӡагьы. Уи еилыхны аиҭашьақәыргылара ауеит, убри аҟынтә ихьаам иҳәоит Едуард Гәбаз. Хышәи ҩынҩажәи жәаба шықәса зхыҵуа Кавказтәи аҭәаҵла акәзар, уажәтәи асоурақәа раан аҧхасҭа амаиуӡеит, избанзар аихатәы шахеиларҳәқәа рыла заа амахәқәа ҿарҳәахьан. Февраль жәохә рзы асы анауз аботаникатә институт аусзуҩцәа рыдагьы,  абаҳчаҿы аус руан аҳәынҭқарратә инстиут астудентәца, аҿартә еиҿкаарақәа рхаҭарнакцәа, иара убасгьы ааигәа инхо, мамзаргьы аҵиаақәа бзиа избо, згәы рзыбылуа ауаа. Едуар Гәбаз иазгәеиҭоит, аамҭа кьаҿк иалагӡаны зегьы еицхырааны ашәарҭара иҭагылаз аҵлақәа ашәыб шрықәхыз.

Иазгәаҭатәуп, асы  ааха шанаҭаз аботаникатә институт ахыбра ахаҭагьы. Ахыб аҟны иамоу ақәаӡыеизгарҭақәа ыхәеит. Урҭ  иҳаракны иамоуп, убри аҟнытә ахатәы мчқәа рыла рыҧсахра ауӡом, иааҧхьатәуп аспециалистцәа.Аботаникатә институт аҿы амшцәгьақәа рыхҟьа-ҧҟьақәа раҧырҟәҟәааразы аусрақәа ирыцҵоуп. Араҟа изызҳауа ашәаҧыџьаҧ иахылаҧшуеит, игәарҭоит икылыҧхаз амра иарӡыҭуа асы аҵлақәа рықәҵра ишаҿу, урҭ ахьанҭара анрықәҵ рымыхәқәа шдыриашо уҳәа. Аҧшӡара иҭалаҳау, адунеи акәакьқәа зегьы рҟынтәи шә-нызықь цырала аҵиаахкқәа ахьеизго аботаникатә баҳча Аҧсны аҭыҧ ҧшӡара хадақәа иреиуоп. Есышықәса иара иаҭаауеит зықьҩыла ауаа. Ари аҭыҧ аҧсшьаҩцәа аҭаара иалагоит аҧхаррақәа шааҟалаз. Убри аҟынтә ирласны аинститут аусзуҩцәа ааҧынтәи-аҧхынтәи акурорттә сезон аҽазыҟаҵара иалагоит.

Елана Лашәриа, Беслан ЏЬынџьал, АТ.



Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
21 Ноиабр 2017
125
Аҭыжьымҭаҿы:Афестиваль « КУНАКИ»   аусура  хнаркəшеит, аха  агран – при  занаршьаша   аусумҭа  ҳәа  акагьы  рзалымхит.
21 Ноиабр 2017
96
Сынтәатәи афестиваль аҿы иалкаан ф-фильмк. Убри аан, сынтəа агран-при алкаамызт.
21 Ноиабр 2017
101
Уи азкуп археорлог-кавказҭҵааҩ МихаилҬраҧшь и-шәышықәсхыҵра .
21 Ноиабр 2017
75
Ирылацәажәон Аҧсны инхо Урыстәыла атәылауаа амедицинатә ҧгаҧса рыҭарарзы аиқәшаҳаҭра анагӡашьа азҵаарақәа.
21 Ноиабр 2017
88
Ирылацəажəеит Санкт- Петербург имҩаҧысыз жәларбжьаратәи акультуратә форум алҵшәақәа.
20 Ноиабр 2017
135
Аҭыжьымҭаҿы:Иҵит ҩажәи хәба шықәса Аҧсны аҳәынҭқарратә шәарҭадаратә маҵзура аҳәаахьчаҩцәа ргәыҧ аҧҵоижьҭеи.
Загрузка плеера
Алаҳәарақәеи адныҳәаларақәеи
АГТРК