Аҟәатәи ареспубликатә хәышәтәырҭаҿ иҳаҩсыз ашықәс иалагӡан иҟаҵази раҧхьаҟатәи руснагӡатәқәеи ирзааҭгылон аихшьаалатә еилацәажәараҿы.

17.02.2017
697

Аҟәатәи  ареспубликатә хәышәтәырҭаҿ иҳаҩсыз ашықәс иалагӡан  иҟаҵази раҧхьаҟатәи руснагӡатәқәеи ирзааҭгылон аихшьаалатә еилацәажәараҿы.  Уи далахәын Аҧсны ахада ихаҭыҧуаҩ  Витали Габниа.
Аилацәажәараҿы   ареспубликатә хәышәтәырҭа еиуеиҧшым аҟәшақәа реиҳабацәа ҩнызқьи жәафтәи  ашықәс аусура алҵшәақәа ртәы иазааҭгылон. Ишьақәырҕәҕәан ахәышәтәырҭа ҩнызқьи жәибыжьтәи ашықәс азы аусуратә план. Амедицинатә реабилитациа аҟәша аиҳабы ихаҭыҧуаҩ Сергеи Верзилин иажәахә аҿы дазааҭгылеит аҵыхәтәантәи хышықәса ирылагӡаны имҩаҧгаз  аусура асатистикатә рбагақәа рылкаа. Уи иажәақәа рыла, арҭ ашықәсқәа ирылагӡаны ареспубликатә хәышәтәырҭаҿы аусура иалагаз аспециалистцәа рхыҧхьаӡара акырӡа иазҳаит.

Сергеи Верзилин иажәақәа рыла,  Аҧсны ауааҧсыра изаамҭанытәиу амедицинатә цхыраара рыҭара азы арсепубликатә хәышәтәырҭаҿы иаҧҵоуп иахәҭоу аҭагылазаашьақәа зегьы. Иубаратәы иҟоуп,есышықәса ахәышәтәырҭа алшарақәа шеиҳахо. Аҳақьым иааигаз арбагақәа рыла , иҳаҩсыз ашықәс азы ахәышәтәырҭаҿ зҽызхәышәтәуаз Аҧсны ауааҧсыра рхыҧхьаӡара жәаха процент рыла иазҳаит  ҩнызқьи жәиҧшьтәи ашықәс иаҿурҧшауазар.Иазгәаҭан, иҳаҩсыз ашықәсқәа ирылагӡаны иҟалаз аҧсыҭбарақәа реиҳарак зыхҟьаз ауаҩы  иҩныҵҟатәи  ирҳәарахқәа рчымазара шакәу. Убасгьы ирацәаҩны рыҧсҭазаара иалҵит еиуеиҧшым ашьа ачымазарақәа  ирыхҟьаны. Ҩнызқьи жәафтәи ашықәс азы иит зқьи ҧшьышә-ҩык инареиҳаны ахәыҷқәа.Урҭ рахьтә ҿыц ииз аӡҕабцәа рхыҧхьаӡара жәаҩык рыла еиҳауп аҷкәынцәа раасҭа.

Ашықәс алҵшәақәа рыдагьы , ҟәша-цыҧхьаӡа аусзуҩцәеи  атехникатә  ресурсқәеи шырзымхо   атәы иазааҭгылан аилацәажәарҿы .

Аилацәажәараҿы иазгәаҭан,  Аҧсны ахшараура иазыҧшу анацәа реиҳарак  Урыстәылаҟа  ишцо  . Аҧсны ахада ихаҭыҧуаҩ Витали Габниа иазгәеиҭеит ,ас еиҧш иҟоу аҭагылазаашьа зыхҟьоу ареспубликатә хшараиурҭа иахәҭоу афинанстәи атехникатәи цхыраара ахьамам  азы шакәу. Уи еизаз аҳақьымцәа ақәиргәыҕит , аҳәынҭқарра иалшо зегь шыҟанаҵо  ари аҭагылазаашьа аиҕьтәразы.

Н.Ақаҩба Б.Чхьынџьериа, АТ



Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
5
Уаҟа ахәаҧшцәа идырбан Фазиль Искандер иҩымҭала иқәыргылоу аспектакль «Ажьақәеи арқьымаҭқәеи ».
64
Аҭыжьымҭаҿы:Адепутатцәа ирыӡбеит апарламент аилатәарақәа ишиашоу ицо аефир ала дырбара.
32
Аҧсны аҵара аминистрра Аиааира 25 шықәса ахыҵреи ҳтәыла ахьыҧшымра азхаҵара аиужьҭеи 10 шықәса аҵреи инарымаданы, еиҿнакааз ашколхәыҷқәа рсахьаркыратә ҧхьара аконкурс.
148
Аҳəынҭстандарт аинспекторцәа – аилахәыра «Север-1 » иатәу афатә аалыҵқәа рышьҭаҵарҭа агәаҭарақәа ирыхрыжьит .
Алаҳәарақәеи адныҳәаларақәеи
АГТРК