69 шықәса дшырҭагылаз иҧсҭазаара далҵит ҳтәыла асанитартә ҳақьым хада Владимир Берулаа.

17.02.2017
548

Хынҩажәи жәба шықәса дшырҭагылаз иҧсҭазаара далҵит ҳтәыла  асанитартә ҳақьым хада Владимир Берулаа. Иара изанааҭ иҧсҭазаара зегьы адиҳәалеит, аҿк чымазарақәа рзы аспециалист бзиа,  аус иуан аҵыхәтәантәи амшқәа рҟынӡа.

Владимир Берулаа иусурҭатә уадаҿ иаартны иқәуп ашәҟәы, амшынҵаҿы иҟаҵоуп азгәаҭақәа, абыржәымзар абыржәы ауада аҧшәма  дааҩналошәа. Иара иҧсҭазаара далҵит иаалырҟьан, агәамбзеира даргәамҵуа дыҟамызт.  «Макьана агәра ҳазгом,» - рҳәоит аус ицызуаз.

Владимир Берулаа Ростовтәи аҳәынҭқарратә амедицинатә институт далгахьан, ахәыҷтәы ҳақьым изанааҭ ала. Аамҭаказы аус иуан Москва ақалақьтә хәыштәырҭақәа руак аҿы, Аҟәаҟа данааи ареспубликатә диспансер аҿы аепидемиологиатә ҟәша аиҳабыс  аусура далагеит, анаҩс  Аҟәатәи ақалақьтә аҿкы чымазарақәа рхәышәтәырҭаҿы аус иуан. Владимир Берулаа дыздыруаз иазгәарҭон, иара иеиҧш зус аҿы  зҧышәа ҳаракыз аҳақьым дышмаҷыз. Зқьи жәшәи ҧшьынҩажәи жәба шықәса раахыс иара Аҧсны асанитартә ҳақьым хадас аус иуан, аамҭаказы уи аҭыҧ аанижьит, аха анаҩс деиҭахагылеит ҳтәыла асанитартә епидимиологиатә маҵзура.
Џьамал Баирамови Владимир Берулааи ҩынҩажәа шықәса ҵуеит еибадыруеижьҭеи, иара иҟамзаара сара сзы цәыӡ дууп, – иҳәоит Џьамал Баирамов. «Иацы ҳааиҧырҵи,т иахьа дшыҟам атәы саҳаит, – азгәеиҭоит илаҕырӡқәа изнымкылауа. Иара, ахәыҷқәа аӡәырҩы рыҧсҭазаара еиқәирхахьеит.  Тҟәарчал аӡрыжәтә иахҟьаны ауаа бааҧсыла  аҿк чымазара анрылаҵәа, Владимир Берулаа иаразнак ишьақәиргылеит уи зыхҟьаз, – игәалаиршәоит Џьамал Баирамов.

Владимир Берулаа ихҵоуп “Асовет Еидгыла агәабзеирахьчараҿы зҽалызкааз”, ҳәа аҳаҭыртә хьӡы .
Альбина Жьиҧҳа, Асҭамыр Гәажәба ,АТ  


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
17 Маи 2018
63
Жәларбжьаратәи амузеиқәа рышм аҽны аҵх агәанынӡа Аҟәа иаартызаауеит амузеиқәа хҧа.
17 Маи 2018
112
Аҳәынқарра Ахада иҟаиҵаза Аусҧҟа инақәыршәаны, аибилеи аҳаҭыр азы гәыҧҩык адипломантцәа чынла иҳаракын.
16 Маи 2018
119
Аҧсны аҵареи аҭҵаарадырреи рминистрра атəыла Ахада иахь иҟарҵаз аҳəара инақəыршəаны, урҭ раахəаразы аҧара рзоужьын Аҧсны Ахада ифонд аҟынтə.
16 Маи 2018
110
Аҟəатəи ақалақьтə еизара аҟны ари азҵаара ӡбаахаанӡа уаанӡатəи ахəҧсала аус рулоит..
Загрузка плеера
Алаҳәарақәеи адныҳәаларақәеи
АГТРК