Аҧсуа ашахмат асыҩцәа ақәҿиарақәа аадырҧшуеит.

17.02.2017
439

Аҧсуа ашахмат  асыҩцәа   ақәҿиарақәа аадырҧшуеит. Уажә ааигәа урҭ рҽалыркааит Москва-опен атурнир ду аҟны. Ус еиҧш аихьӡара мрагыларатәи ҳгәылацәа ршьара иқәнарҟьеит. Ажәабжь иацылҵоит Асҭанда Оҭырҧҳа.

Ашахматқәа ҳтәылаҿы аҿиарА еснагь ирыман. Уажә ааигәа Аҟәатәи аклуб ааӡамҭацәа Москва имҩаҧысуаз атурнир ду иалахәын. Иазгәаҭатәуп, ҳазлацәажәо атурнир ишеизнаго хыҧхьаӡара рацәала адунеи зегь аҟынтә иреиҕьу ашахмат асыҩцәа. Ашахматқәа Жәларбжьаратәи рфедерациа ахада Кирсан Илиумжинов  дидикылеит Аҧсуа делегациа анапхгаҩы, иагьианаишьеит Аҧсны ашахматқәа рырҿиараҟны илагалазы аҳаҭыртә бҕьыц. Ари ажәабжь рылаҵәеит амассатә информациа ахархәагақәа рҿы, иара убас КИРСАН ТУДЕИ Илиумжинов исаит аҟны.  Уи аҭагылазаашьа иаргәамҵит Қырҭтәылатәи аделегациа. Қырҭтәыла ашахмат азы афедерациа ахада Гиа Георгаӡе ФИДЕ жәларбжьаратәи аилак ахь ашәҟәы наишьҭит. Уи излаҳәо ала, Илиумжинов иҟаиҵаз ашьаҿақәа ҭакҧхықәрадоуп. Убри аамҭазы иазгәаҭатәуп, Қырҭҭтәыла имҩаҧысран ишыҟоу Европеи Адунеизегьтәии рчемпионатқәа. Урҭ ҳара ҳкоманда, хымҧада, иалахәхаӡом.  Қырҭтәыла анапхгара изныкымкәа рҽазыршәахьеит еиуеиҧшым аусхкқәа рҟны Аҧсуа командақәа аҧынгылақәа рыҭара, аха урҭ реиҳарак лҵшәадоуп, - иҳәеит Баграҭ Хәытаба.

Аҧсны адәныҟатәи аусқәа рминистрра ари аҭагылазаашьа ахҳәаа азыҟанаҵеит.

Иазгәаҭатәуп, ашахматқәа рфедерациа ашықәс иалагӡаны имаҷымкәа аиҧыларақәеи аиндаҭларақәеи шымҩаҧырго. Иреиҳау рҟынтә иалкаатәуп сынтәа жәиҧшь шықәса зхыҵуа АҦСНЫ-ОПЕН атурнир ду. Зегь реиҳа угәы шьҭызхуа ҭагылазаашьоуп, ҳара ҳтурнир рхы аладырхәырц азы иахьеизо Беларуссиа, Казахстан, Урыстәыла уҳәа аҳәынҭқаррақәа рҟынтә аспорсменцәа.

Асҭанда Оҭырҧҳа, Давид Ҳашыг ,АТ



Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
18 Ианвар 2018
113
17 Ианвар 2018
109
Аҭыжьымҭаҿы: Иаарту аицәажәара. Аҧсны ахадеи Гагра арион активи реиҧылара.
17 Ианвар 2018
97
Аҧсуа ҳәынҭқарратә аҿартә театр актиорцәеи уи ақәыргылаҩцәеи аспектакль аус адулараан ирҧылоз ауадаҩрақә ртəы иазааҭгылеит апресс-конференциаҿы.
17 Ианвар 2018
98
Абиуџьети , ашәахтәи, акредити рзы аилак имҩаҧнагаз аиҧылара иалахәын аусдкылаҩцәа.
17 Ианвар 2018
87
Уи инақәыршәаны Аҧсны атәылауаа зегьы ҩышә-нызқь рҟынӡа аҧара кредитла иргартә алшара роуеит .
17 Ианвар 2018
108
Гагра имҩаҧысит атәыла Ахадеи, аиҳабыреи, Жәлар реизара адепутатцәеи, ауаажәларреи злахәыз аизара.
16 Ианвар 2018
136
Загрузка плеера
Алаҳәарақәеи адныҳәаларақәеи
АГТРК