Амассатә информациа ахархәагақәеи иахьатәи ҳаамҭеи.

20.02.2017
809

«Амассатә информациа ахархәагақәа-  амилаҭтә қьабзқәеи, ҳаамҭазтәи ахдырреи, акультуреи»,-   абас ахьӡын Аҧснытәи аҳәынҭқарратә университет аҿы имҩаҧысыз аконференциа. Уи иалахәын Урыстәылантәи Ҭырқәтәылантәи иааҧхьаз еицырдыруа аҵарауаа, афилософцәа,  ажурналистцәа.    Аусмҩаҧгатә еицеиҿыркааит аҳәынҭқарратә университети, жәларбжьаратәи афонд Аҧсныи. Уи ауниверситет ҧшьынҩажәи хәба шықәса ахыҵра иадҳәалоуп.

Амассатә информациа ахархәагақәа асоциалтә еихшараҿы иааныркыло аҭыҧи, урҭ  ауаажәларра рҭахрақәа рхарҭәаараҿы аинформациа аганахь ирымоу  ауадаҩрақәеи, насгьы аполитикатәи, акультуратәи, аекономикатәи зҵаарақәа рыӡбараҿы урҭ иаанрыкыло аҭыҧи. Абри атема акәын изызкыз «астол гьежь» аусура. Уи аартуа, Аҧснытәи ҳәынҭқарратә университет ажурналистика акафедра аиҳабы Гәырам Амқәаб  иҳәеит, аусмҩаҧгатә амҽхак ҭбааны, ахықәкы акәзар ихаданы ишиҧхьаӡо.  Асасцәа бзиала шәаабеит ҳәа раҳәо иазгәеиҭеит “астол гьежь” аусура ишалахәу Урыстәылеи Ҭырқәтәылеи рҟынтәи ааҧхьара зыҭаз  аҵарауаа, ажурналистцәа ҿарацәа реиҵааӡара знапы алаку, насгьы Аҧсны амассатә информациа ахархәагақәа рхаҭарнакцәа.

“Астол гьежь” аусура аҵакы хада аманы иҧхьаӡоит ауниверситет аректор, академик Алеко Гәарамиагьы. Иара иҳәеит, ари аусмҩаҧгатә ҳтәылаҿы иреҳиау аҵараиурҭа ҧшьынҩажәи хәба шықәса ахыҵра ишазку. Убри аан иазгәеиҭеит, Аҧснытәи Аҳәынҭқарратә университет  амилаҭ рхақәиҭратә қәҧара иалҵшәаханы аҧсуаа ироуз  шакәу.Араҟа аханатә зышьаҭа кыз атрадициа бзиақәа иахьагьы имырӡӡакәа еихаҳауа ишаарго.

Аҵарауаа рықәгыларақәа рҿы ирзааҭгылан ҳаамҭазы ажурналитсцәа русураҿы хра злоу азҵаарақәа. Иалацәажәан адунеи аҿы имҩаҧысуа аглобалтә процессқәа рҿы ҳаамҭазтәи амассатә информациа ахархәагақәа иааныркыло аҭыҧ. Иазгәаҭан атемақәа. Урҭ иреиуан аҩажәи актәи ашәышықәсазы амилаҭтә ҵасқәа рыҿиашьа, амилаҭтә  культура шьаҭас измоу амассатә информациа ахархәагақәа рыцхыраарала  ауаажәларра реидкылара алыршара, ҷыдала иазааҭгылан аҧсуа қьабзқәа рҳәаақәа ирҭагӡаны амедиакультура аҿиашьа атәгьы.

“Астол гьежь” аҿы иахәыҧшын  Москвантәи иаашьҭыз авидеонҵамҭа. Уи аҟны иазааҭгылоуп  алацәажәаразы иалху атема  ҳаамҭазы шаҟа  актулра амоу. Аурыс ҵарауаа ирҳәеит ргәаанагарақәа. Ирҭиит  изызҿлымҳаз азҵаарақәа. Аиҧылара мҩаҧысуан аинтерес аҵаны. Аусмҩаҧгатә аиҿкааҩцәа ируаку, Жәларбжьаратәи афонд Аҧсны ахада ихаҭыҧуаҩ Максим Ҕәынџьиа иҳәеит, ҳаамҭазы адунеи аҿы имҩаҧысуа аполитикатә хҭысқәа зегьы ҳасаб рзуны, асеиҧш х-ганк ахьеиқәшәо, иахьеицәажәо астол гьежьқәа русура аҵакы дуны ишиҧхьаӡо. Аҵарауаа рықәгыларақәа мҩаҧысуан х-сааҭк инарзынаҧшуа. Араҟа иззааҭагылаз атемақәеи,иҟаҵаз алкаақәеи кьыҧхьхоит Урыстәылатәи аҭҵаарадырратә журналқәа руак аҿы.

Елана Лашәриа, Ҭемыр Гогохьиа, АТ.




Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
22 Маи 2018
54
Астудиа «Ама Рекордс» амузыкантцәа ҿыц аус рыдырулеит ижәытәӡатәиу аҧсуа жәлар рашәақәа.
22 Маи 2018
65
Уи авторс дамоуп, апрофессор, ажурналист, афилологиатә наукақәа рдоктор Екатерина Бебиаҧҳа.
22 Маи 2018
44
Ашкол анапхгара ауадақәа руак аҿы еиҿыркааит Кьыршьал Чачхалиа ифотоцәыргақәҵа.
22 Маи 2018
49
Урҭ аҕба маҷқәеи анышьқәеи зырныҟәо азин рымоу ирымаму еилыркаауеит.
21 Маи 2018
17
Аҭыжьымҭаҿы:Аибашьра аасҭа еицәахаз. Аҧсны иазгәарҭоит Кавказтәи аибашьра иалаӡыз ргәаларшәара амш.
21 Маи 2018
11
Иҟаҵатәузеи ақалақь ахьчаразы? Иактуалтәу анҵамҭа.
Загрузка плеера
Алаҳәарақәеи адныҳәаларақәеи
АГТРК