Аекономика арҿиаразы Аҧсны Ахада иҟны иаҧҵоу ахеилак аилатәара мҩаҧысит.

21.02.2017
693

Аекономика арҿиаразы Аҧсны Ахада иҟны иаҧҵоу ахеилак аилатәара мҩаҧысит. Уи аартуа Рауль Ҳаџьымба иҳәеит, Москватәи аконсалтингтә еилазаара алархәны аекономика аминистрра аус зыднаулаз апроектқәа алҵшәа бзиа аарышьҭып ҳәа дшахәаҧшуа. 

2025 шықәсанӡа Аҧсны аекономика арҿиаразы 25 шьаҿа. Абас ахьӡуп атәыла Ахада иҟны аекономика азҵаарақәа рзы иаҧҵоу аусутә гәыҧ еиқәнаршәаз апроект. Иара аус адырулон шықәсык. Имҩаҧысит уи аӡыргара. Аекономика аминистр Адгәыр Арӡынба иҳәеит, Аҧсны Ахада инапынҵа анагӡаразы имаҷым аусурақәа мҩаҧган иҟарҵаз алкаақәа шыцхыраагӡа духо аҳәынҭқарразы ҳаҧхьаҟа. Беслан Агрба, Москва инхо аҧсуаа рхеилак аиҳабы, аекономика арҿиаразы аусутә еилазаара ҳәаақәиҵон. Иазгәеиҭеит, атәыла аизҳазыҕьаразы апрограмма анагӡара иаҵанакуа шмаҷым.

Аекономика арҿиаразы апрограмма аус адырулон Москватәи аконсалтингтә еилазаара аиҳабы Александр Идрисов напхгара ззиуаз агәыҧ. Иҳәеит дара рхы ишадырхәаз Аҧсны Ахада иҟны иаҧҵоу астратегиатә шьақәгылашьа. Иазгәаҭатәуп, аекономика ашьҭыхраҿы ишхадоу атуризми, ауҭраҭых ааӡареи, аҩыҟаҵареи, аҧсыӡааӡареи рырҿиара. Ишьақәыргылоуп уи иабзоураны заҟаҩы аусурҭа роуа. Ареспублика аекономика арҿиаразы еиқәыршәоу апрограмма анагӡара знапы ианыло Аҧсны аиҳабыра роуп. Дара уи иалагаанӡа ахәҭақәа зегьы ҭырҵаароуп. Еиҳа иҕәҕәоуи, иҧсыҽуи аганқәа ҳасаб рзуны.

 Д.Инаҧшьба, А.Агәхаа,АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
23
Аклассикатә музыка аконцерт аҟны еизгаз 117 нызқь мааҭ агәыҳалалратә фонд «Ашана» иахыҧхьаӡалахоит.
25
Уи абзоуроуп аилахәыра «Аҟәафон » иҟанаҵаз афинанстә цхыраара .
27
Ари атема иазкны анҵамҭа аззырхиоз ҳкорреспондент, дазымхәыцкәа лхы иалырхәаз архивтә кадрқәа, ашкол анҭыҵ иҭыхыз ракәын.
41
Лыхнашҭа ауааҧсыра рацәан. Зехьынџьара еиҿкаан еиуеиҧшымыз ажәытә хәмаррақәа.
Алаҳәарақәеи адныҳәаларақәеи
АГТРК