Февраль 21, Аҧсны Жәлар рышәҟәыҩҩы , алитература ашьаҭаркҩы Дырмит Гәлиа даниз амш ауп.

21.02.2017
677

Февраль 21, Аҧсны Жәлар рышәҟәыҩҩы , алитература ашьаҭаркҩы Дырмит Гәлиа даниз амш ауп. Ари арыцхə аҳаҭыр азы ашәҟәыҩҩы анышә дахьамадоу, иара убас ибаҟа амҵан ашәҭ шьыҵәрақәа шьҭарҵарц уахь имҩахыҵит аҳәынҭқарра Ахада Рауль Ҳаџьымба, аиҳабыра рхаҭарнакцәа, ашәҟәыҩҩцәа, аҵарауаа, ашколхәыҷқәа.

Аҧсуа Жәлар рҩыра, рлитетратура ркьыҧхь, рнаука рҭоурыхҭҵаара , ртеатр, ркультура , иашьаҭаракҩу Дырмит Гәлиа диижьҭеи сынтәа иҵит 143 шықәса. Иара Аҧсуа Жәлар рҭоурых аҿы иааникыло аҭыҧ акырӡа иҳаракуп. Есышықәса Жәлар рпоет, анышә дахьамадоу, иара убас ибаҟа ахьгылоу Аҟәа ақалақь аҿы еизоит хыҧхьаӡара рацәала ауааҧсыра. Сынтәа раҧхьаӡа акәны Дырмит Гәлииа иира амш азы даҽа ныҳәакгьы азгәаҭан Аҧсны, уи Ахатәы бызшәа жәларбжьаратәи амш ауп.

Ари амш азы абызшәатә политиказы аҳәынқарратә еилакы ашколхәыҷқәа алархәны имҩаҧыргеит акциа. Уи хықәкыс иаман абызшәазы аҳәамҭақәа зну аҩырақәа кны ақалақь анысра. Ашколхәыҷқәа Ахьӡ Аҧша абаҳчаҿы ашәҭ шьыҵәрақәа шьҭарҵеит. Анаҩс рымҩа хан Баграт Шьынқәба ибаҟахьы. Араҟагьы ашәҭ шьыҵәрақәа шьҭаҵан. Ашколхәыҷқәа ракәзар ирҳәоит, ас еиҧш иҟоу акциақәа лассы - лассы ишымҩаҧгалатәу , уи дара идеилныркаауа шмаҷым. Аҟәа ақалақь аҵара аусбараҭа аиҳабы Лиудмила Адлеиба иазгәалҭеит, ахәыҷқәа рхатәыбызшәа дырҵареи уи агәыбылра дыркреи знапы иану аиҳабыратәи абиҧарақәа шракəу. «Абызшәатә политиказ аҳәынқарратә еилакы абызшәа аҿиаразы инаныгӡо ароль шмаҷым . Зегьы ҳаидгылар - алыҵшәа бзиа ҟалоит,»- лҳәеит лара. Аҟәа ақалақь ашколқәа рҵаҩцәа злахәыз ари акциа хыркәшан Дырмит Гәлиа ибаҟа аҭаарала . Жәлар рпоет Дырмит Иасыф -иҧа Гәлиа ибаҟа иаҭааит атәыла ахада Рауль Ҳаџьымба, Аҧыза-министр Беслан Барцыц, аиҳабыра рхаҭарнакцәа, ашәҟәыҩҩцәа аҵарауаа, ашколхәыҷқәа , ауаажәларра рхаҭарнакцәа. Анаҩс ашколхәыҷқәа Дырмит Гәлиа иажәеинраалақәа ирыҧхьеит.

Есышықәса традициала ишаҧу еиҧш , еизаз зегьы Дырмит Гәлиа иҩны- амузеи ахь имҩахыҵит. Араҟа уи аусзуҩцәа аҭааҩцәа рзы афотоцәыргақәҵа аздырхиеит. Ацәыргақәҵаҿы Дырмит Гәлиа илитература - мемориалтә музеи аиҳабы Светлана Қорсаиа илҳәеит, асассцәа рыдкылараан Гәлиаа рҭаацәара рыҩнашәқәа еснагь ишаартыз. Аҿартә театр актиорцәа Дырмит Гәлиа иҩымҭа «Анаурқәа» ирылхны ақәыргыламҭа ддырбеит аҩны-амузеи иаҭааз.

 Фатима Гьергьиаҧҳа, Беслан Џьынџьал, АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
18 Маи 2018
24
Уи еизнагеит апоет иажәеинраалақәа бзиа избо ашәҟәыҩҩцәеи, аҵарауааи, ауаажәларатә усзуҩцәеи, арҵаҩцәеи, аҵаҩцәеи.
18 Маи 2018
39
Уи аҳәаақәа ирҭагӡаны, Москватәи аҳәынҭқарратә университет аушьҭымҭацәа Вардаиаҧҳа Валериеи Громова Анастасиеи иаздырхиаз апроект иазааҭгылеит.
17 Маи 2018
87
Жәларбжьаратәи амузеиқәа рышм аҽны аҵх агәанынӡа Аҟәа иаартызаауеит амузеиқәа хҧа.
17 Маи 2018
132
Аҳәынқарра Ахада иҟаиҵаза Аусҧҟа инақәыршәаны, аибилеи аҳаҭыр азы гәыҧҩык адипломантцәа чынла иҳаракын.
Загрузка плеера
Алаҳәарақәеи адныҳәаларақәеи
АГТРК