Ацәыргақәҵатә зал аҿы еиҿкаан Адгəыр Амҧари Баҭал Џьапуеи реиццәыргақәҵа.

21.02.2017
463

Аҟәатәи асахьаҭыхыҩцәа рцәыргақәҵатә зал аҿы аиҭашьақәыргыларақәа ирылгажьҭеи уамак ҵуам. Уи аамҭа иалагӡаны, иахьатәи ацәыргақәҵа раҧхьатәихеит.  Ацәыргақәҵатә зал аҿы еиҿкаан Адгəыр Амҧари Баҭал Џьапуеи реиццәыргақәҵа. Уи шымҩаҧысыз еилыркаауан ҳҭыхратә гәыҧ.

Абстракциатә ҟазара астиль ала ишьақәгылаз аҿыханҵеи, аграфикеи роуп азал аҿы еизгаз. Ацәаныррақәа, аҧшшәқәа рыхәмарра, ацәаҳәақәа рҭыхшьа, абарҭ зегь аарҧшхоит абстракттә ҟазараҿы. Ахәаҧшцәа рзыҳәан, аусумҭақәа реиҧшымзаара еилдыргарц, урҭ рхатә фантазиа шеиҧшым еилыркаарц  ауп изеиҿыркаауа  ҩыџьа асахьаҭыхыҩцәа реиццәыргақәҵа. Ацәыргақәҵа аартуа, азал аиҳабы иҳаҭыҧуаҩ, асахьаҭыхҩы  Витали Џьниа иазгәеиҭеит, ас  еиҧш иҟоу аҭыхымҭақәа рцәыргара, асахьаҭыхцәа рзыҳәа акыр шаҵанакуа.

Зҭыхымҭақәа ықәзыргылаз, асахьаҭыхыҩцәа руаӡәк, Батал Џьапуа иусумҭақәа рҿы  атематика еиуеиҧшым. Имоуп иара ажәлар ркультура, аҵасқәа, амифқәа, аҧсабара зныҧшуа аҭыхымҭақәа. Урҭ зегь ирныубаало акакәӡам. Иусумҭақәа рыла иубарҭоуп, иҿаҧхьа иқәиргыло адҵа шынаигӡо. Доусы аҭыхымҭа дшахәаҧшуа еиҧш ауп, асахьаҿы иаарҧшу шидикыло иҳәеит, Батал Џьапуа.

60 инареиҳаны аусумҭақәа еизгоуп араҟа. Абстракттә стиль ала  иҭыхуа  асахьаҭыхыҩцәа маҷӡам, аха урҭ аусумҭақәа рцәыргара ус имариаӡам. Асахьаҭыхҩы Адгәыр Амҧар иакәзар, иусумҭақәа ҩышықәса инареиҳаны аус рыдиулон.  Иара иаҳа ицааиуа  ҳәа ииҧхьаӡо аграфика ауп, аҿыханҵа аасҭа. Иуна Ҧациа  иахьа лырҵаҩы иҭыхымҭақәа дрыхәаҧшырц дааит. Асахьаҭыхра лнапы алакуп. Лара лажәақәа рыла, лырҵаҩы Адгәыр Амҧар истиль даараӡа  илгәаҧхоит. Илҭахуп, иара дызлаҭыхуа астиль ларгьы дазааигәахарц.

Ацәыргақәҵа хаҭала даҭааит  Аҧсны ахада Рауль Ҳаџьымба. Араҟа иҟан  аҿыханҵеи, аграфикеи иазҿлымҳау рыдагьы асахьаҭыхыҩцәа, аинтиллигенциа , ауажәларра . Урҭ ирҳәон иргәаҧхаз, дара ргәанала иаҳа иаҧсоу ҳәа иалыркааз атәы.

Аҟәатәи асахьаҭыхыҩцәа рцәыргақәҵатә зал аиҭарҿыцрақәа ирыбзоураны, уи иамоуп алшара иазҧхьагәаҭоу еиуеиҧшым аекспозиақәеи апроектқәеи реиҿкаара азы. Ари азал ҧшӡаҿы  рҭыхымҭақәа адунеи ахь рцәыргара ахьалыршахо асахьаҭыхыҩцәа гәырҕьарак  ирзаҩызахеит. Адгәыр Амҧари Баҭал Џьапуеи рҭыхымҭақәа ирызҿлымҳау рзыҳәан,  аиццәыргақәҵа аартызаауеит ҩымчыбжь.

Наала Чхьынџьериаҧҳа, Ҭемыр Гогохьиа, АТ.


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
18 Ноиабр 2017
23
17 Ноиабр 2017
87
Аҭыжьымҭаҿы:Зыргылара иаҿу аобиектқәа ргәаҭаразы. Усутә визитла Аҧсны даҭааит Лев Кузнецов.

17 Ноиабр 2017
91
Гиви Аиба ҩынҩажәа шықәса инарзынаҧшуа Аҟәатәи аботаниктә баҳча напхгара аиҭон.
17 Ноиабр 2017
88
Уи хықәкыс иамоуп Аҧсни Нхыҵ –Кавкази еидызкыло азеиҧш культуратә аинформациатә , агуманитартә қәыҧшылара арҕәҕәара амеханизмқәа аус рыдулара .
17 Ноиабр 2017
98
Уи хациркит Басараиа имҩаду аҿы иҟоу аҩнеихагылақәа фба рҿы иқәдыргылаз алифтқәа русушьа агәаҭара ала.
17 Ноиабр 2017
80
Аҳәынҭқарратә ҳәааҿы иара диҧылеит Аҧыза-министр Беслан Барцыц.
16 Ноиабр 2017
172
Аҭыжьымҭаҿы:Акаҭа ахаҧеит. Лыхны ақыҭан икыуп аҩнатә ҧсаатә ҭаха рызымҭоз агыгшәыг.
Загрузка плеера
Алаҳәарақәеи адныҳәаларақәеи
АГТРК