«Ашәа еицаҳҳәап» ахҧатәи асезон аҩбатәи аконцерт қәҿиарала имҩаҧысит.

21.02.2017
641

«Ашәа еицаҳҳәап» ахҧатәи асезон аҩбатәи аконцерт қәҿиарала имҩаҧысит. Иара еицырдыруа ашәаҳәаратә гәыҧ «Аҧсны 67» - 50  шықәса ахыҵра иазкын.  Аӡәырҩы бзиа еицырбо агәыҧ инанагӡоз ашәақәа рҳәон аҧсуа естрада ашәаҳәаҩцәа қәыҧшцәа.

«Наныкьара», «Фама» «Ашәҭқәа» - хәыҷи-дуи еицырҳәо арҭ  аҧсуа шәақәа ҩаҧхьа асцена аҟнытә  игоит. Уи   гәахәара дууп зегьы рзы. Ашәаҳәаратә гәыҧ «Аҧсны 67» ҳтәылаҿ мацара акәымкəа,  иара анҭыҵгьы ирдыруеит.

Ҳмилаҭтә ҟазшьа ӡырызгоз ари агәыҧ аира хҭыс дуун аҧсуа естрадазы, имариаз ашәақәа иаразнак азыӡырҩцәа игәныркылон,  иахьагьы 50 шықәса раҧхьа еиҧш, ашәа рҳәоит, избанзар асцена рыҧсҭазаароуп. Апроект «Ашәа еицаҳәап» аконцерт аадыртит агәыҧ «Аҧсны 67»  

Ашәҳәаратә инструменталтә Ансамбль «Аҧсны 67» – ҩынҩажәи жәаба шықәса ахыҵра иазкын апроект «ашәа еицаҳҳәап» еиҿнакааз аконцерт. Ас еиҧш ахшыҩҵак лызцәырҵит Аҧсны Жәлар рартистка Лиудмила Гәынҧҳа,  апроект “Ашәа еицаҳҳәап”  автор Хьыбла Мықәҧҳа уи гәахәарыла илыдылкылеит.
Еицырдыруаз ашәақәа нарыгӡон  апроект алахәылацәа, урҭ ацхыраара рырҭон Аҧсуа драматә театр актиорцәа. Аконцерт  ахәаҧшцәа  ракәзар, ирдыруаз ашәақәа  гәахәарыла  ирыцырҳәон, агәыҧ «Аҧсны 67» асолитсцәа ргәы шьҭнахит

Апроект аспонсор хада «А-мобаил» ахаҭарнакцәа  аконцерт аиҿкаара гәахәарыла ирыдыркылеит. Алегендартә гәыҧ аиубилеи азгәаҭара иахьахәҭакхаз еигәырҕьоит, хҭыс дууны ирыҧхьаӡоит.

Аҧсуа шәа ахәылҧаз кәҿиарала имҩаҧысит, аконцерт иахәаҧшыз зегьы агәахәара ду рнаҭеит. Рнапеинҟьабжь акыраамҭа  еихымсыҕьуамызт. Аҧсны 67 асахьаркыратә напхгаҩы ҳтәыла зҽаҧсазтәыз артист Нодар Саҕариа аконцерт аиҿкааҩцәа иҭабуп ҳәа реиҳәеит .

Авокалтә- инстуменалтә ансамбль «Аҧсны 67» ашәақәа аҧсуа естардаҿы наунагӡа иаанхоит,  дара еиҵагылоу абиҧарақәа еицырҳәоижьҭеи ҩынҩажәа жәаба шықәса ҵит.

Альбина Жьиҧҳа, Саид Агәхаа ,АТ      


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
18 Маи 2018
24
Уи еизнагеит апоет иажәеинраалақәа бзиа избо ашәҟәыҩҩцәеи, аҵарауааи, ауаажәларатә усзуҩцәеи, арҵаҩцәеи, аҵаҩцәеи.
18 Маи 2018
39
Уи аҳәаақәа ирҭагӡаны, Москватәи аҳәынҭқарратә университет аушьҭымҭацәа Вардаиаҧҳа Валериеи Громова Анастасиеи иаздырхиаз апроект иазааҭгылеит.
17 Маи 2018
87
Жәларбжьаратәи амузеиқәа рышм аҽны аҵх агәанынӡа Аҟәа иаартызаауеит амузеиқәа хҧа.
17 Маи 2018
132
Аҳәынқарра Ахада иҟаиҵаза Аусҧҟа инақәыршәаны, аибилеи аҳаҭыр азы гәыҧҩык адипломантцәа чынла иҳаракын.
Загрузка плеера
Алаҳәарақәеи адныҳәаларақәеи
АГТРК