Асахьаркыратә ажәа азҟаза Мушьни Миқаиа 85 шықәса ихыҵит.

22.02.2017
577

Апоет, апрозаик Мушьни Миқаиа 85 шықәса ихыҵит. «Аҧсуа литература аизырҳареи, амилаҭтә сахьажәа аӡыргареи рзы» апоет «Ахьӡ -Аҧша» аорден аҩбатәи аҩаӡара ианашьан, Аҳәынҭқарра Ахада иусҧҟа инақәыршәаны.

Уи инапаҿы ииҭеит аҳәынҭқарра ахада иабжьгаҩ Владимир Занҭариа. Мушьни Миқаиа арҿиара инапы алеикит дышқәыҧшӡаз раҧхьатәи иажәеинраалақәа кьыҧхьын жәаф шықәса анихыҵуаз. Апоезиа акыр аџьабаа азибахьеит, инапы иҵиххьо арҿиамҭақәагь маҷым. Иахьа уажәраанӡа тәамҩахәк ҟамҵакәа аусура даҿуп .Сынтәа акьыҧхь абеит «Ашацәа ртәарҭа»- захьӡу ироман. 

Апоет 85- шықәса ихыҵра идырныҳәаларц иҭааит аус ицзухьоу, ирҿиара бзиан издыруа иҩызцәа. Атәыла Ахада иусҧҟала «Ахьӡ-Аҧша» аорден аҩбатәи аҩаӡара инапаҿы иҭо Аҳәынҭқарра ахада иабжьгаҩ Владимир Занҭариа иазгәеиҭеит Аҧсуа литература аҿиараҿы апоет илагала шмаҷым атәы. «Апоет, апрозаик, Мушьни Миқаиа иҩышьа аформа акагьы иалаҩашьом, инапы злаикуа зегьы иқәҿиоит,»-ҳәа азгәеиҭеит академик Шьоҭа Салаҟаиа. Аҧсны ашәҟәыҩҩцәа Рассоциациа ахьӡ ала аиубилиар дидныҳәалеит уи ахантәаҩы Мушьни Лашәриа. Апоет, апрозаик, Мушьни Миқаиа ианашьаз Аҳәынҭқарратә ҳамҭазы ҭабуп ахиҳәааит .

 «Сџьабаа ахә ҳаракны иршьеит сырҿиаратә мҩаҿы уи аҟара сылымшазарагьы,» ҳәа азгәеиҭеит апоет. 70 -шықәса инареиҳаны арҿиара знапы алаку Мушьни Ирод-иҧа иахьагьы тәамҩахә имам, игәҭакқәагьы рацәоуп. «Ауаҩы изы еиҳау аҳамҭа арбан, иузааигәоу ауаа анувагылоу. Аҧсҭазаара акырынтә скыднаҟьахьеит, уи саӡрыжәит. Снапы иҵысхуа зегьы сара иснырны ауп ишыҟасҵо,»- иҳәоит аиубилиар .

 Фатима Гьергьиаҧҳа, Роберт Ломиа, АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
19 Февраль 2018
63
Аҭыжьымҭаҿы:Имҩаҧысит Жәлар реизара асессиа изаамҭанытәым аилатәара.
19 Февраль 2018
45
Иара еиҿкаан АҞәа иҟоу «Москва аҩни» араион ахадареи рымч ала.
19 Февраль 2018
65
Иазгәаҭаны ирымоуп х-километрак рҟынӡа амҩа аҟаҵара.
19 Февраль 2018
48
Ааҧынтәи асессиа актәи аилатәараҿы Аконституциатә усӡбарҭа ахәбатәи аӡбаҩыс далхын Алиса Бигәаа.
16 Февраль 2018
110
Аҭыжьымҭаҿы:Аҟәатәи араионтә еизара адепутатцәа араион ахада икандидатура иадгылеит.
16 Февраль 2018
100
Аспециалистцәа ражәақәа рыла, апальма зфо абжы ҟаҧшь уажәнатә иаанкыламзар, егьырҭ аҭыҧқәа рахь ииасыр алшоит.
Загрузка плеера
Алаҳәарақәеи адныҳәаларақәеи
АГТРК