Аҧсны еицырдыруа ауаа рбаҟақәа рпроектқәа ирылацәажәон акомиссиа ҷыда аилатәара аҟны.

22.02.2017
687

Аҧсны зҽалызкааз,еицырдыруа ауаа рбаҟақәа рыпроектқәеи, рыргылареи ицәырырго азҵаарақәа ирылацәажәон, Аҳәынҭқарратә комиссиа аилатәара аҟны. Акомиссиа, амонументалтә ҟазаразы Аҧсны аиҳабыра реилазаараҿы иаҧҵоуп. 

Аилатәараҿы имаҷым изхәаҧшыз апроектқәа, урҭ рахьтә иҟоуп ирыдыркылаз, иҟоуп изықәшаҳаҭымхаз. Амонументалтә ҟазаразы иаҧҵоу Аҳәынҭқарратә комиссиа напхгара азиуеит аҧыза- министр Беслан Барцыц. Иара алахәылацәа роуп напышьҭыхрала изыӡбо ахәаҧшразы ирыдыргало абаҟақәа рыпроеткқәа рынагӡара иаҧсоу иаҧсаму. Акомиссиа алахәылацәа ахәаҧшит еицырдыруа ауаажәларратә усзуҩы, аҵарауаа аҧсуа институт адиректор Гьаргь Ӡиӡариа ибаҟа апроект. Уи автор, аскульптор Геннади Лакоба аконкурс иазирхиет ҩ- проектк. Џьарак Гьаргь Ӡиӡариа дтәоуп, аҩбатәи аҟны дгылоуп. Акомиссиа алахәылацәа ргәаанагарақәа анеибырҳәа анаҩс еицҿакны рнапы иҩахеит Гьаргь Ӡиӡариа ибаҟа апроект азы. Иара ахьыргылахо аҭыҧ азы аӡбамҭа рыдыркылароуп Аҟәа ақалақь ахада.

Амонументалтә комиссиа аилатәараҿы убасгьы ирыхәаҧшит аҧсуа поет Иуа Коҕониа ибаҟақәа рпроектқәа. Урҭ авторцәас ирымоуп аскульпторцәа Станислав Иванбеи, Амиран Адлеибеи. Аскульпторцәа иҟарҵаз абаҟақәа еиҧшӡам. Амиран Адлеиба иусумҭаҿы Иуа Коҕониа дгылоуп. Станислав Иванба иҭыхымҭаҿы апоет дтәоуп. Арҭ апроектқәа рзы акомиссиа алахәылацәа ргәаанагарақәа рҽыршеит. Абжьыҭара иаанарҧшит аҩ- баҟак рпроектқәа адгылара шырмоуз. Ари азҵаара еиҭазыхынҳәуеит акомиссиа анаҩстәи аилатәараҿы.

Акомиссиа аилатәараҿы убасгьы ирылацәажәеит ар раҧхьагылаҩцәа Сергеи Дбари, Сулҭан Соснолиеви рбаҟақәа рықәыргылара азҵаара. Макьана уи аҭыҧ шьақәыргылам. Мап ацәкын афырхацәа раллеиа аҟаҵаразы ажәалагала. Акомиссиа аилатәараҿы убасгьы ирыхәаҧшит абаҟақәа рыргыларазы иаашьҭыз егьырҭ ажәалагалақәагьы . Урҭ рахьтә иҟоуп изықәшаҳаҭхаз, иҟоуп анаҩстәи аилатәарахь ииаргаз.

 Д.Инаҧшьба, А. Агәхаа, АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
15
Ари атема иазкны анҵамҭа аззырхиоз ҳкорреспондент, дазымхәыцкәа лхы иалырхәаз архивтә кадрқәа, ашкол анҭыҵ иҭыхыз ракәын.
27
Лыхнашҭа ауааҧсыра рацәан. Зехьынџьара еиҿкаан еиуеиҧшымыз ажәытә хәмаррақәа.
25
Ари ацәыргақәҵаҿы асахьақәа ахәшьара рырҭон зҧышәа ҳараку асахьаҭыхҩцәа.
36
Урҭ рҟны еуеиҧшым атемақәа ирылацәажәон Аҧсныи Урыстәылеи рхаҭарнакцәа .
Алаҳәарақәеи адныҳәаларақәеи
АГТРК