Очамчыра араион Аҭара ақыҭан амца ацраланы иблит аҭаацәа рацәа зыҩназ ҩ-еихагылак змаз аҩны.

22.02.2017
1289

Очамчыра араион Аҭара ақыҭан амца ацраланы иблит аҭаацәа рацәа зыҩназ ҩ-еихагылак змаз аҩны.
Амцарцәаҩцәа имҩаҧыргаз раҧхьатәи агәаҭарақәа рыла, амцакра ахҟьеит аҩны аҭуан аҿы иқәыз афымцацәаҳәақәа иашамкəа ахархәара ахьрызуз.

Амцакра аныҟалоз аамҭазы аҧшәмацәа Амирани Нанеи Кәыҵниаа аҩны иҟамызт. Ҧшьҩык ахшара зааӡо аҭаацәа ран аус луеит Кындыҕ ауҭраҭых ааӡарҭаҿы. Аҧшәма хаҵа аџьырмыкьахь хәаахәҭра дыҟан. Аҩны амца акит асааҭ жәаҩа реиҧш. Усҟан ахшара еиҳабацәа ҩышықәсеи бжаки зхыҵуа рашьа хәыҷы ддырцәарц иаҿын. Аҩны амца шакыз ангәарҭа дара аҧшқа дрыманы адәахьы идәылҵит. Иаразнак адырра ҟаҵан абылраҽацәыхьаратә усбарҭахь. Амцарцәаҩцәа арыцҳара ахьыҟалаз аҭыҧ ахь иааит аамҭа кьаҿк иалагӡаны. Аха иҟалаша ҟалахьан. Аҩны блит, ишырҳәо еиҧш, минуҭқәак ирылагӡаны.

Абасала, зхатә џабаала ҧшьҩык ахшара зааӡо Амирани Нанеи Кәыҵниаа еимгеимцарак иалагӡаны ирцәыблит ҩ-еихагылак змаз аҩны. Аҭаацәа ду хыҵакырҭа рымамкәа иаанхеит.

Арыцҳара ахьыҟалаз аҭыҧ ахь инеит Очамчыра араион анапхгара.  Араион ахада актәи ихаҭыҧуаҩ Славик Қәычбериа иҳәеит, аҭагылазаашьа  атәыла анапхгара рҟынӡа ишнарго. Иара убасгьы иҳәеит, ҧсыхәа ахьынӡамоу абылра иақәшәаз аҭаацәара ацхыраара шрыҭахо атәы.

А.Қорсаиа,А.Маланиа, АТ



Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
19 Ианвар 2018
107
Аҭыжьымҭаҿы:Анцәа аӡы иӡаахра.  Аҧсны ақьырсианцәа иазгәарҭеит аныҳәа хадақәа ируаку.
19 Ианвар 2018
259
“ Қьалашьбеи” иахәаҧшырц еизаз ауаа, аспектакль гәахәарыла ирыдыркылеит, рыгәгьы арҧшааит .
19 Ианвар 2018
287
Шәҩык автоинспекциа аусзуҩцәа злахәыз ареидқәа мҩаҧган мызкы иалагӡан, акциа алҵшәақәа ҳасаб рзуны агәаҭарақәа ирыцҵазарц азыӡбан.
19 Ианвар 2018
104
Уи мҩаҧигеит Аҧсны Аишахаҵаратә уахәама аиҳабы Аб Бассариан Аҧлиа
19 Ианвар 2018
100
Аиҳараҩык уахь инеиуеит Иҧшьоу Василиск иӡыхьцқьа аҟнытә аӡы ргарцаз.
18 Ианвар 2018
216
Загрузка плеера
Алаҳәарақәеи адныҳәаларақәеи
АГТРК