Даҽа шәҟәык аӡыргара мҩаҧысит Аҟәа.

22.02.2017
745

Даҽа шәҟәык аӡыргара мҩаҧысит Аҟәа. Ричард Ҷкадуа  иажәабжьқәа реизга «Чан»  аҭыжьра алыршахеит Аҧсны раҧхьатәи амобилтә еимадара «Аҟәафон» ацхыраарала. Аӡыргара иалахәын арҿиара знапы алаку ауаа, автор иҩызцәа.Аӡыргара иаҭааит ҳҭыхратә гәыҧгьы.

Иӡыргаз Ричард Ҷкадуа, иажәабжьқәа реизга «ЧАН» еиднакылоит шәкы инарзынаҧшуа ахҭыс кьаҿқәа. Урҭ иаадырҧшуеит автор игәалашәарақәа, ихәыцрақәа, дахьиз, дахьааӡаз итәыла акультура. Ажәабжьқәа реизга «ЧАН» аҿы саанкылаӡом, исҭахуп ахәыҷқәа рзы алакәқәа рыҩра  салагарц, аха уи макьана азхәыцра САҿуп иҳәоит, Ричард ҶКАДУА.

Иара автор ихаҭа излаиҳәаз ала, ихатә цәаныррақәеи, игәҭыхақәеи, ихшыҩзцарақәеи роуп иааирҧшуа ишәҟәқәа рҿы. Прозаикк иаҳасабалагьы, ҩнызқьи жәаф шықәсазы иҩымҭақәа анылахьан,  Нальчик иҭыҵуа алитературатә журнал аҿы. Раҧхьатәи иажәеинраалақәа реизга «Шаги слов» ҭыҵит ҩнызқьи ҩба шықәсазы.

Ажәабжьқәа реизга  автор ишәҟәы аӡыргара, идырныҳәаларц еизеит иҩызцәа, иҭынхацәа, арҿиара аусзуҩцәа.
Аҧсуа театр актиор Лаврик Ахбеи ашәҟәы автори еибадыруажьҭеи кыр ҵуеит. Иара агәахәара инаҭеит иахьатәи ахҭыс.

Амилаҭтә библиотека аиҳабы Борис Ҷолариа, Ричард Ҷкадуеи иареи хаҭала изеибадырӡомызт, исахьаркыратә ажәа раҧхьаӡа акәны дахьаршанхаз агазеҭ аҿоуп.  

Ажәабжьқәа реизга «ЧАН» аӡыргара алыршахеит, амобилтә еимадара «АҞӘАФОН» ацхыраарала.  Дара роуп ашәҟәы аҭыжьраҿгьы ацхыраара азҭаз. Ашәҟәы аӡыргара аҳәаақәа ирҭагӡаны, амобилтә еимадара «АҞӘАФОН»  еиҿыркаахьаз Аҧсны аҭоурых адырразы акциа аҟны аиааира згаз иранашьан Аҧсны аҭоурыхи акультуреи ирызку ашәҟәқәа.

Наала Чхьынџьериаҧҳа, Ҭемыр Гогохьиа, Леон Адлеиба, АТ.




Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
29
Ишҧеиҿкааз ари аҧсшьаратә сезон азы Риҵатəи амилаҭтə ҳәырҧсарра аусура?
35
Иара еиднакылеит аиҳабыратә абиҧарақәа ирыҵаркуа апоетцәа реиҧш, аҿарацәа ражәеинраалақәагьы.
37
Урҭ еиқәыршәаны иаарҭиит амаҭәа ҭзыжьуаҬырқәтәылатәи анаплакқәа ааба.
33
Ари арыцхә инамаданы, Аҧсны Аҧыза- министр Валери Бганба идикылеит Ареспублика Аҳәынҭстатитсика аусбарҭа аусзуҩцәа.
Алаҳәарақәеи адныҳәаларақәеи
АГТРК