Очамчыра араион анхамҩа аҭагылазаашьа гәеиҭон Аҧсны Аҧыза- министр Беслан Барцыц.

23.02.2017
345

Иҳаҩсыз ашықәс азы аинвестициатә программа анагӡашьа алкаа аҟаҵареи, ҳазну ашықәсазтәи аинвестициатә программа ахырхарҭақәеи рылацәажәаразы Очамчыра араион даҭааит Аҧсны Аҧыза- министр Беслан Барцыц. Иара ицын Аҧыза- министр ихаҭыҧуаҩ Беслан Ешба, ақыҭанхамҩа аминистр Даур Ҭарба, аргыларатә усбарҭақәа рнапхгаҩцәа.

Раҧхьа Беслан Барцыц аилацәажәара мҩаҧигеит араион анапхгара рхаҭарнакцәа алархәны. Очамчыра - ақыҭанхамҩатә аалыҵқәа аазрыхуа ареспублика араионқәа ируакуп. Аибашьра ашьҭахьтәи аамҭа аҧхасҭа маҷымкәа ишазыннажьызгьы , уажәы аиҭашьақәыргыларатә усурақәа ирҿуп аҳәынҭқарра иҟанаҵо ацхыраареи, аинвесстициатә программеи рхархәарала. 

Араион ахада Хьрыҧс Џьапуа иҳәеит, иҳаҩсыз ашықәс азы рҿаҧхьа ишьҭаз аекономикатә дҵақәа рынагӡара шрылшаз. Хьрыҧс Џьапуа иазгәеиҭеит, араион абиуџьет ахархәарала иаҵаз аусқәа шмаҷым. Иара убасгьы ахархәара азун аинвестициатә программала ареспублика иаиуз ацхыраара. Иҳәеит, ҩышықәса ирылагӡаны иҟоу аҧсахрақәа шмаҷым. Урҭ алыршан Аҧсны анапхгара рыбзоурала. Аха, иҟоуп иӡбатәу аусқәагьы. Дара рынагӡара алырышахароуп сынтәеи иааиуа егьырҭ ашықәсқәеи рзы. Аҧсны Аҧыза- министр Беслан Барцыц иазгәеиҭеит, уаанӡа араион азы еиқәыдршәахьаз апрограммақәа ирыбзоураны аҧсахрақәа шыҟоу араион аекономикеи ақыҭанхамҩеи русхкқәа рҟны. Беслан Барцыц иҳәеит, ааглыхреи ақыҭанхамҩеи инарымаданы азҿлымҳара шаҭатәу аҧхын аҧсшьара аиҿкаара аус. Иара уажәнатә аҽазыҟаҵара иалагатәуп. Иҳәеит ҩнызқьи жәибыжь шықәсазы ишазгәаҭоу ахәыҷбаҳчеи абжьаратә школи рхыбрақәа араион аҟны рыргылара. Сынтәагьы аинвестициатә программа аҟнытә Очамчыра араион ацхыраара азыҟаҵахоит. Беслан Барцыц иазгәеиҭеит, иҳаҩсыз ашықәс азы ареспубликаҿы амшцәгьақәа иҟарҵаз аҧхасҭа ишартәаз шәи ҩажәа миллион мааҭ. Ари ахыҧхьаӡара иалоуп ацхыраара ззыҟаҵаз анхацәагьы. 

Аилацәажәара анаҩс Аҧыза- министр идырбеит араион афымцатә усбарҭа ииаргараны иахьыҟоу ахыбра. Иара иаҭахыуп аиҭашьақәыргылара. Беслан Барцыц иҳәеит, ари аус аҟны аиҳабыра ацхыраара шыҟарҵо. Асовет ааамҭазы Очамчыра иргылаз аҟашәеилаҵа алагарҭа азауад ухы иаурхәаратәы иҟам. Араҟа аҧшлагарҭа анаплак ҿыц дыргылеит. Уажәы амыругақәа шьақәдыргылоит. Иаарласны аусура иалагароуп. Аҧыза- министр еиликаауан аҳәынҭқарра ирзоунажьыз аҧара рызхо ирзымхо. Анаплакы аусура ианалагалак шыықәсык араҟа ирлагоит ҩажәа нызқь тонна инарыцны ачашыла. Очамчыра ақалақь иахьаҵанакуа амшын аҧшаҳәа арбгара иаҿуп. Есышықәса уи аҳәаақәа рыҽдырҭбаауеит. Беслан Барцыц иазгәеиҭеит, ари апроблема аиҳабыра ишырдыруа. Уажәы аҟазацәа аус шыруа ахарџь ашьақәыргыларазы. Анаҩс аусурақәа еиҿыркаараны ишыҟоу. Иҳаҩсыз ашықәс азы ақыҭақәа Ҷлоуи Мықәи иара убасгьы Очамчыра ақалақьи рышҟа аӡымҩангага ҿыцқәа рышьҭаҵара иалагеит. Уажәы аус руеит ақалақь азааигәара. Аҧыза- министр еиликаауан русура еиҵазырхо апроблема ыҟоу иҟаму. Дара иазгәарҭеит, ҩымз ирылагӡаны русурақәа шыхдыркəшо атәы. Арҭ аусурақәа нарыгӡоит аинвестициатә программа аҳәаақәа ирҭагӡаны. Аҧыза- министр Беслан Барцыц убасгьы даҭааит Мықә ақыҭа. Араҟоуп аӡеизгарҭа хада ахьыҟоу. Ааигәа иара акәша- мыкәша рыцқьаны иҭаахыркааит. Беслан Барцыц иазгәеиҭеит, ари аҭыҧ ахьчара ишахәҭоу еиҧш аиҿкаара аҭахны ишыҟоу.Уажәы аҷаҧшьаҩцәа рзы ахыбра ҿыц ргыланы иалгахьеит.

Аибашьра еилгеижьҭеи Мықә ачаисовнхара аҟны инхо шәи ҩажәа ҭӡы инареиҳаны аӡыржәтә азы апроблема рыман. Иҳаҩсыз ашықәс азы ихыркəшахеит аӡымҩангагақәа рышьҭаҵара. Уи иабзоураны анхацәа рыҩнаҭақәа рышҟа аӡы неиуа иалагоит. Ари аусгьы ҟаҵан аинвестициатә программа аҳәаақәа ирҭагӡаны. Аҧыза- министр Беслан Барцыц Очамчыра араион аҿы иҟазаара иалагӡаны убасгьы дырыҭааит Кындыҕи Аӡҩыбжьеи аус зуа ақыҭанхамҩатә наплакқәа.

Д.Инаҧшьба, А. Агәхаа, АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
20 Ноиабр 2017
105
Аҭыжьымҭаҿы:Иҵит ҩажәи хәба шықәса Аҧсны аҳәынҭқарратә шәарҭадаратә маҵзура аҳәаахьчаҩцәа ргәыҧ аҧҵоижьҭеи.
20 Ноиабр 2017
185
1992 шықәса, ноиабр 20 рзы Атәылахьчара аминистрра аҟны еиҿкаан аҳәаахьчаҩцәа ргәыҧ.
17 Ноиабр 2017
126
Аҭыжьымҭаҿы:Зыргылара иаҿу аобиектқәа ргәаҭаразы. Усутә визитла Аҧсны даҭааит Лев Кузнецов.

17 Ноиабр 2017
119
Гиви Аиба ҩынҩажәа шықәса инарзынаҧшуа Аҟәатәи аботаниктә баҳча напхгара аиҭон.
17 Ноиабр 2017
125
Уи хықәкыс иамоуп Аҧсни Нхыҵ –Кавкази еидызкыло азеиҧш культуратә аинформациатә , агуманитартә қәыҧшылара арҕәҕәара амеханизмқәа аус рыдулара .
17 Ноиабр 2017
145
Уи хациркит Басараиа имҩаду аҿы иҟоу аҩнеихагылақәа фба рҿы иқәдыргылаз алифтқәа русушьа агәаҭара ала.
Загрузка плеера
Алаҳәарақәеи адныҳәаларақәеи
АГТРК