Урыстәылатәи ателеканал «НТВ» аҿы имҩаҧысуа ашәаҳәаразы ахәыҷқәа реицлабра далахәуп 11 шықәса зхыҵуа Валериа Адлеиба.

23.02.2017
875

Урыстәылатәи ателеканал  «НТВ»  аҿы имҩаҧысуа ашәаҳәаразы ахәыҷқәа реицлабра далахәуп 11 шықәса зхыҵуа Валериа Адлеиба. Лара Очамчыратәи ашкол-интернат дааӡамҭоуп. Ааигәа Очамчыра араион ахадара аҿари аспорти рыҟәша еиҿнакааит Аҧснытәи ашәаҳәаҩ қәыҧш лыдгыларазы акциа.

Ақалақь уахьналало амшын аҧшаҳәаҿы игылоуп Валериа Адлеиба лсахьа зну абанер. Иара убраҟа еиҿкаан ашәаҳәаҩ қәыҧш лыдгылара иазку акциа. Аиҿкааҩцәа ирҳәоит Валериа Адлеиба дара рзы дышгәадуроу , агәыҕрагьы аадырҧшуеит дызлахәу ашәаҳәаратә еицлабраҿы аиааира шылго ала.

Валериа Адлеиба илыдгыларц, лгәы шьҭырхырц арахь иааит хыҧхьаӡара рацәала Очамчыратәи ашкол-интернат ааӡамҭацәа. Дара ирҳәоит ргәы хыҭ-хыҭуа рҩыза лықәгылара ишазыҧшу.

Валериа Адлеиба аҵара ахьылҵо ашкол-интернат амузыка арҵаҩы Лика Ҵәыџь-ҧҳа иазгәалҭеит, лара ашәаҳәараҿы абаҩхатәра ҷыда шлылоу. Ашкол аҿы лҩызцәа зегьы бзиа дырбоит. Ашәаҳәарахь илымоу абзиабара лҵара ианыҧшуам, аихьӡара бзиақәа аалырҧшуеит.

Валериа Адлеиба ателеканал «НТВ» аҿы ашәа лҳәараны дыҟоуп март ҧшьба рзы.

А.Қорсаиа,А.Маланиа, АТ


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
Алаҳәарақәеи адныҳәаларақәеи
АГТРК