Аҳазалхратә еилакаҿы имҩаҧысит ҩнызқьи жәаф шықәсазтәи русура алҵшәақәа ирызкыз аилатәара.

24.02.2017
400

2016 шықәса рзы адәныҟатәи атауареикəыршара иаҭныҵит 24 миллиарди, 550 миллион мааҭ иреиҳаны. Ҩнызқьи жәохәтәи ашықәс арбагақәа ирҿырҧшны уахәаҧшуазар, ари, ҩ- миллиардк рыла еиҳауп. Абри аҩыза арбагақәа ааган аҳазалхратә еилак аҿы имҩаҧысыз ҩнызқьи жәаф шықәсазтәи аихшьаала аҟаҵара иазкыз аилатәараҿы. 

Аколлегиа аусура иалахәын Аҧсны Ахада иусбарҭа аиҳабы ихаҭыҧуаҩ Адгәыр Лышәбеи, Аҧыза- министр ихаҭыҧуаҩ, афинансқәа рминистр Дмитрии Серикови, Аҧсны ахада Иусбарҭа аекономика аҟәша аиҳабы Ахра Арсҭааи. Аҳәаа иахырго атауарқәа реикәыршара ҩажәихәба процент рыла ишышьҭыҵызгьы, ахашәалеи аныхтәи ирыбжьоуп жәаха миллиард мааҭ еиҳаны. Уи уаанӡеиҧш уажәгьы, аҳәаа иахыганы арахь иҭаргалоу атауарқәеи, Аҧснынтәи Урыстәылаҟа аҭиразы иргоуи, мҽхакылеи хкылеи акырӡа иахьеиқәымшәо иахҟьеит. Арахь иаарго ирго аасҭа еиҳауп. Аҳазалхразы аҳәынҭқарратә еилакы анаҧҵаз инаркны аизгақәа рхыҧхьаӡара есааира еизҳауеит.

Аҳәынҭқарратә биуџьет ашьҭыхра аҳазалхратә еилакы ахықәкы хадақәа иреиуоуп. Аҳазалхратә рбагақәа акырынтә рышьҭыҵра абзоуроуп ианар акы ҩнызқьи жәаф шықәса рзы амчра зауз, “иназыцҵоу ахәҧсазы” азакуан. Иара аусура ианалага инаркны аҳаза алхраҿы иҟоу арбагақәа ҩынҩажәи фба процент рыла ахарҭәаара алыршахеит. Абиуџьет иҭалар ауп ҳәа иазҧхьагәаҭаз, аҳәаа иахырго атауарқәа рхашәала аихшьаалатә аамҭазы иартәар акәын 87 миллион мааҭ, аха уи ахыҧхьаӡара аҟынтәи еизгаз 50 миллион роуп. Аханатә иарбаз 87 миллион ахь иалан араса аҳәаа ахыгара аҟынтә еизыргар акəыз 67 миллион мааҭ аҳаза. . Аха, аҳәаа иахыгаз ҩ-нызқьи аашәи ҩынажәи жәеиза тонна роуп. Ари, арбагақәа анырра ӷәӷәа рнаҭеит.

Аколлегиаҿы иқәгылоз ирҳәеит, иҳаҩсыз ашықәса азы араса ахә шамамыз. Убри инамаданы, иаргьы имаҷны ишыҭииз. Насгьы ахә акаҳара зыхҟьаз ҳәа иалкаан агәыларатә ҳәынҭқаррақәа рҿы аҽаҩра бзиа ахьыҟаз. Аҳазалхратә еилакы ахантәаҩы Даур Кобахьиа иҳәеит, аилак аихшьаалақәа рҿы еилыкка ишарбоу Аҧсны аҳәаақәа ирхыгаз араса шмаҷу. Убри аҟынтә жәаа-ҩажәа нызықь тонна ҭиин ҳәа џьоукы-џьоукы ирҳәо аҵаҵӷәы шамам. Ари аҩыза аҽаҩра зынза иҳауӡом иҳәеит иара. Иара убасгьы аекспорттә хашәала ахьеиҵахаз ахҟьеит ҩнызқьи жәаф шықәса аҩныҵҟа арацәа аҳәаа зынӡа иахьахыгамызгьы. Аҧыза-министр ихаҭыҧуаҩ, афинансқәа рминистр Дмитри Сериков иҳәеит, жәалагалак аҳасаб ала аҳазалхратә еилакы аусзуҩцәа ишрабжьиго Аҧсны аҳәаақәа аҩбагьы ирхысуа атауарқәа зегьы зҿлымҳара дула ирызнеины ашәҟәы иҭаргаларац. Аекономика ашьҭыхра зыбзоуроу ахыҧхьаӡарақәа заа разгәаҭаразы ихымҧадатәуп астатистикатә рбагақәа зегьы рымазаара иҳәеит иара. Убри аан ,Аҧсны ахада иусбарҭа аиҳабы ихаҭыҧуаҩ Адгәыр Лышәба иазгәеиҭеит, аихшьаалатә аамҭа аҩныҵҟа аҳазалхратә еилакы имҩаҧнагаз аусурақәа шмаҷым, аха ишыҟоу гхақәак. Урҭ аамҭа кьаҿк иалагӡаны ишаҧыхтәу. Иара иҳәеит, Аҧсны ахада иҟынтә аҳәынҭқарратә усбарҭақәа зегьы адҵа шырзықәыргылоу- ахашәала ашьҭыхра. Уи ауп иалзыршо аекономика аизҳарагьы. Ари азҵаараҿы аҳазалхратә еилакы ихадароу аҭыҧ ааннакылоит. Аколлегиа аилатәараҿы ирзааҭгылан атауарқәа аҳәаа рахыгараан иаарҧшу аилагарақәа ртәгьы. Урҭ реиҳарак атауарқәа ашәҟәы рҭамгалара иазкуп. Аколлегиаҿы ирзааҭгылан егьырҭ азҵаарақәагьы.

Елана Лашәриа, Саид Агәхаа, АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
23 Ноиабр 2017
109
22 Ноиабр 2017
15
22 Ноиабр 2017
17
Ҿҳәарас иамазаауеит жәа-шықәса .
22 Ноиабр 2017
18
Абри атәы рҳәеит Аҧсны Амшынеиқәафымцамч иаҵанакуа афымцаҭиира аҟәша ахаҭаранакцәа.
21 Ноиабр 2017
152
Аҭыжьымҭаҿы:Афестиваль « КУНАКИ»   аусура  хнаркəшеит, аха  агран – при  занаршьаша   аусумҭа  ҳәа  акагьы  рзалымхит.
Загрузка плеера
Алаҳәарақәеи адныҳәаларақәеи
АГТРК