Сынтәа шәышықәса ҵуеит Аҧсны Жәлар рпоет Баграт Шьынқәба диижьҭеи.

24.02.2017
950

Сынтәа шәышықәса ҵуеит Аҧсны Жәлар рпоет Баграт Шьынқәба диижьҭеи. Убри инамаданы ҳазну ашықәс апоет ду ишықәсны иҧхьаӡоуп.Тҟәарчалтәи актәи абжьаратә школ аҟны имҩаҧысит аҧсуа литература апатриарх ирҿиара иазкыз аицлабра.

Анцәа рҭыҧ ҳәа зыӡбахә наҩхьоу,
Амшын иаҵәа зҿыкәыршоу,
Аҧсынтәыла аҧсуа иџьынџьуп,
Имра аброуп иахьықәлашо!- Иҟалап имаҷҩымзар арҭ ацәаҳәақәа змаҳац. Аҧсны жәлар рпоет, Дырмит Гәлиа ихьӡ зхыу Аҳәынҭқарратә премиа алауреат, академик Баграт Уасил-иҧа Шьынқәба аҧсуа литература аҿиараҿы хәы змаӡам алагала ҟазҵаз, иара дыруаӡәкуп аҧсуа сахьаркыратә литература- иажәеинраалоу ароман ажанр алазгалаз. Ареспубликаҿы ҳазҭоу ашықәс рылаҳәоуп Баграт Шьынқәба  ишықәсны. Кьаршьал Чачхалиа ихьӡ зху Тҟәарчалтәи актәи абжьаратә школ аҟны аиҳабыратә классқәа рыбжьара имҩаҧган Аҧсны жәлар рпоет Баграт Шьынқәба ирҿиара иазкыз аиндаҭлара. Аиндаҭлара шьақәгылан аетапқәа фба рыла.Актәи аетап аҧсшәаҳәара иазкын,акомандақәа ирыдын ргәыҧ ахьыӡ аӡыргара,иара убас аҭӡықьаад ахцәажәара. Иааркьаҿны ашколхәыҷқәа азааҭгылеит ашәҟәыҩҩы иҧсҭазаареи ирҿиаратә мҩеи. Иара убас ирыҧхьеит ажәеинраалақәа,инарыгӡеит Баграт Шьынқәба иажәақәа рыла ишьақәгылоу аҧсуа ашәақәа.
   Кьыршьал Чачхалиа ихьӡ зху абжьаратә школ аҧсуа абызшәеи алитературеи рырҵаҩы Елена Қәачахьиа  илҳәеит ,аҧхьаҟагьы ргәы ишҭоу Баграт Шьынқәба ирҿиара иадҳәалоу аусмҩаҧгатәқәа реиҿкаара.
Аконкурс аҩбатәи ахәҭа аҟны алахәылацәа дҵас ирыман асахьаркыратә литература аҟынтәи иаагоу аҳәоу морфологиала аилыргара. Акомандақәа рыдҵақәа рынагӡашьа ахә ршьон аӡбаҩцәа.
Аконкурс аетапқәак рҟны акомандақәа рлахәылацәа Баграт Шьынқәба иажәеинраалақәа ирыҧхьеит,инарыгӡеит иашәақәа.

Аиндаҭлара аҵыхәтәаны ажәа рыман аӡбаҩцәа, дара акомандақәа ибзиан рхы шаадырҧшыз азгәарҭеит,иара убас иҭабуп ҳәа рарҳәеит аҵара-ааӡара знапы алаку арҵаҩцәа.

Аицлабра ахыркәшамҭаз уи иалахәыз акомандақәа иранашьан аҳаҭыртә бҕьыцқәа.  

А.Шьакаиа,Д.Ҳашыг, АТ.


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
25
30 шықәса рыҩныҵҟа Платон Бебиа ироман аҧҵаразы аматериалқәа еизигон,хәышықәса аҩра даҿын.
31
Убри инамаданы, Аҧсны Ашәҟәыҩҩцәа реидгыла еиҿнакааит ашәҟәыҩҩы игәаларшәара иазкыз ахәылҧаз.
44
Аҭыжьымҭаҿы:Ианҭаха ашьҭахь 143 медаль «Аиааиразы». Аҧсны Ахада аҳамҭақәа рнапаҿы ириҭеит иҭахаз афырхацәа рҭаацәа.
47
Ари ацәыргакәҵа еизнагеит жәлар рҟазара знапы алаку аҧышәа змоу рыдагьы, иахьа уажәраанӡа зхы ӡырзымгац, аха зус бзиабарала иазнеиуа аҿар.
Алаҳәарақәеи адныҳәаларақәеи
АГТРК