Шәи ҩажәеихәба шықәса ҵит еицырдыруа акультура аусзуҩы, арҵаҩ ду Кондрат Ӡиӡариа диижьҭеи.

24.02.2017
591

Шәи ҩажәеихәба  шықәса ҵит еицырдыруа акультура аусзуҩы, арҵаҩ ду Кондрат Ӡиӡариа диижьҭеи. Уи акыр шықәса напхгара аиҭон Аҟәатәи аҳәынҭқарратә лицеи –интернат, илагала дуун акымкәа абиҧарақәа реиҵааӡараҿы. Кондрат Ӡиӡариа ихьӡ зху алицеи-интернат аҟны имҩаҧысит ииубилеи  иазкыз ахәылҧаз.
Арҵаҩ  ду  афольклорҭҵааҩ ,Кондрат Фиодор-иҧа Ӡиӡариа диижьҭеи 125 шықәса аҵра инамаданы,  иара ихьӡ зху Аҟәатәи  аҳәынҭқарратә лицеи -интернат аҟны имҩаҧысит агәалашәаратә хәылҧазы. Ахәылҧаз иалахәын, Аҧсны аҵара аминистрра ахаҭарнакцәа, аҳәынҭқарратә университет арҵаҩцәа.

Ашколхәыҷқәа инарҵауланы иазааҭгылеит афольклорҭҵааҩ  дызнысыз иҧсҭазааратә мҩа,хаҭала  иахцәажәеит еиуеиҧшым аамҭақәа рзы ҳаҧсуа культура арҿиаразы Кондрат Фиодор-иҧа инапы злакыз аусқәа. Ахәылҧаз аҿы ажәеинраалақәа ирыҧхьеит,  ашәақәеи,  акәашарақәеи  нарыгӡеит  ахәыҷқәа.
  К. Ӡыӡариа еиҧш иҟаз аҵеицәа ирыбзоуроуп ҳхатәы бызшәа  аиқәырхареи иахьа иамоу аҿиареи. Убри аҟынтә ас еиҧш иҟоу ахәылҧазқәа реиҿкаара ҳҿар рааӡараҿы акырӡа ицхыраагӡахоит, ҳәа азгәалҭеит Аҧсны аҵареи аҵарадырреи рминистр ихаҭыҧуаҩ Медеиа Ченгелиа

Кондрат  Ӡиӡариа, имариамыз аамҭақәа рзы иреиҕьыз атрадициақәа  аҿар ирылаиааӡон, уи ҳара иахьа уажәраанӡагьы ҳусураҿы   хшыҩзышьҭра  азаҳуеит, лҳәеит ашкол интернат адиректор  Лариса Наҟәаҧиа
К. Ӡиӡариа иҵаҩцәа еснагь дрымадан,  дрыцхраауан . Ашкол аушьҭымҭацәа еиҳау аҵараиурҭахь ианҭалоз дрывагылан. Аҵаҩцәа ркультура ашьҭыхреи, рдунеихәаҧшра ашьақәыргылареи, рҟны К.Ӡиӡариа илиршаз маҷым.  

Кондрат Ӡиӡариа раҧхьаӡатәи аҧсуа шәақәа ранҵаҩы - акомпозитор Ковач дицырхырааны,  ашьаҭа икит аҧсуа етнографиатә хор. Уи иарҵабыргуеит  ижәлар рахь имаз абзиабара, ижәлар рҧеиҧш лашеи, реизҳазыҕьареи рзы  ихи- иҧси, идырреи дшырмеигӡоз. Апатриот лаша К.Ф.Ӡиӡариа,  ихьӡ хьынбанла аҧсуа жәлар ркультура аҿиара аҭоурых аҟны ианызаауеит.  

Алицеи-интернат аҵаҩцәеи арҵаҩратә еилазаареи иазгәарҭоит К.Ф.Ӡиӡариа ихьӡ изызҳауа абиҧарақәа ишрымардало.

Хамидан Гәымба, Асҭамыр Гәажәба ,АТ


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
21 Ииун 2018
53
Аҭыжьымҭаҿы:Избан амшын аҭалара зрыцҳарахаз?. Актулара злоу анҵамҭа.
21 Ииун 2018
31
Аҟәа иазгәарҭеит  Урыстәыла  Абжьаҟазаратә Мчқәа ҳтәыла  ралагалара амш.  
20 Ииун 2018
95
Аҭыжьымҭаҿы:Аиубилеитә рыцхәқәа рымҩаҧгара аҽазыҟаҵара иазкны Аҧсны Ахада аилацәажәара мҩаҧигеит.
20 Ииун 2018
86
Убри азы аӡбамҭа идикылеит Аҧсны аҵареи аҭҵаарадырреи рминистр Адгәыр Какоба.
Загрузка плеера
Алаҳәарақәеи адныҳәаларақәеи
АГТРК