Терент Ҷаниа 80 шықәса ихыҵра инамаданы, апоезиатә хәылҧазы мҩаҧган ААУ аҟны.

24.02.2017
532

Ашәҟәыҩҩы, ажурналист, Аҧсны акультура зҽаҧсазтәыз аусзуҩы Терент Ҷаниа  ҧшьынҩеижәа шықәса ихыҵра инамаданы, апоезиатә хәылҵазы мҩаҧган Аҧснытәи аҳәынҭқарратә университет аҟны.  Аиҧылараҟны ирзааҭгылон  апоет ирҿиара, ирыхцәажәон иажәеинраалақәа. Астудентцәеи аинтеллегенциа ахаҭарнакцәеи реиҧылара мҩаҧысит  аныҳәатә ҭагылазаашьа  аманы.

Аҧсуара, аҧсадгьыл абзиабара, ауаҩра, ацқьара- абарҭ роуп изызку  апоет Терент Ҷаниа   иажәеинраалақәа.

Ҩынҩеижәи жәабатәи ашықәсқәа рҽеиҩшамҭаз апоет илитературатә ҟазара ааҧшуа иалагеит. Раҧхьатәи иажәеинраалақәа адунеи рбоит зқьы жәшәи ханҩеижәи хәба шықәсазы. Терент Михаил-иҧа Ҷаниа ипоезиа еиҳаракгьы илирикатәуп.  Ахәылҧаз аҟны еизаз зегьы апоет дырзаҧхьеит аҵыхәтәантәи аамҭақәа рзы ииҩыз акы-ҩба  иажәеинраалақәа.

Апоет иажәеинраалақәа ирылхуп  ҩажәи жәохә инарзынаҧшуа ашәақәа.  Иара дравторуп  ҩажәи хәба апрозатә шәҟәқәа. Аныҳәатә гәалаҟазаара зцыз аиҧылара аартуа, Аҧснытәи аҳәынҭқарратә университет афилологиатә факультет адекан Арда Ашәба иҳәеит, астудентцәеи арҿиаратә усзуҩцәеи  реиҧыларақәа акыр шаҵанакуа,  ихатәроу аҧсуа поетцәа ражәеинраалақәа  аҿар ирдыруазар шахәҭоу.
Аҧсуа литература акафедра аиҳабы  Ахра Анқәаб  иҳәеит, Терент Ҷаниа дшыруаӡәкыу  асахьаркыратә ажәа ааҧсара ҟамҵаӡакәа  амаҵ азызуа.  

Терент Ҷаниа ипоезиа шыласугьы, аҵакы ҵаулоуп.  Иахьатәи аиҧыларала иубарҭоуп апоет аҿар дшырзааигәоу ,  аҿаргьы иара бзиа дшырбо. Актәи акурс астудент  Милена Дараселиаҧҳа дзыҧхьаз апоет иажәеинраала «Сгәазырҳага, сыҧсынра» шьахәны илыҧхьаӡоит.

Терент Ҷаниа акафедра аусзуҩцәа иҭабуп ҳәа раиҳәеит ас еиҧш иҟаз аиҧылара ахьеиҿыркааз азы.  Сара сыҧсҭазаараҿы ари иаҵанакуа даара ирацәоуп, исхашҭраны сыҟаӡам» - иҳәеит апоет. Ажәеи  ашәеи анеицу аныҳәа иаҳагьы иарҧшӡоит.  Апоет иубилеи идныҳәало аиҧылара хыркәшахеит Кәасҭа Ченгелиа иашәақәа рыла.

Наала Чхьынџьериаҧҳа, Беслан Џьынџьал, АТ.


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
18 Ианвар 2018
113
17 Ианвар 2018
109
Аҭыжьымҭаҿы: Иаарту аицәажәара. Аҧсны ахадеи Гагра арион активи реиҧылара.
17 Ианвар 2018
97
Аҧсуа ҳәынҭқарратә аҿартә театр актиорцәеи уи ақәыргылаҩцәеи аспектакль аус адулараан ирҧылоз ауадаҩрақә ртəы иазааҭгылеит апресс-конференциаҿы.
17 Ианвар 2018
98
Абиуџьети , ашәахтәи, акредити рзы аилак имҩаҧнагаз аиҧылара иалахәын аусдкылаҩцәа.
17 Ианвар 2018
87
Уи инақәыршәаны Аҧсны атәылауаа зегьы ҩышә-нызқь рҟынӡа аҧара кредитла иргартә алшара роуеит .
17 Ианвар 2018
108
Гагра имҩаҧысит атәыла Ахадеи, аиҳабыреи, Жәлар реизара адепутатцәеи, ауаажәларреи злахәыз аизара.
16 Ианвар 2018
136
Загрузка плеера
Алаҳәарақәеи адныҳәаларақәеи
АГТРК