Аҟәатәи аџьармыкьаҿы аҭира иалагеит зыҧсоу ҭоу аҧҟыш.

24.02.2017
739

Аҟәатәи аџьармыкьаҿы аҭира иалагеит зыҧсоу ҭоу аҧҟыш. Уи рааӡоит  Мҷышьҭатәи акалмаҳааӡарҭа анхамҩаҿы. Уаанӡа аахәаҩцәа  акалмаҳа мацара акәызҭгьы  ирыдыргалоз, уажәшьҭарнахыс аҭира иалагеит зыҧсы ҭоу  аҧҟышгьы. Аҧсыӡ анырҭиуаз аамҭазы аџьырмыкьаҿ иҟан ҳҭыхратә гәыҧгьы.

Ари амашьына аҧсыӡ абзиабаҩцәа,  аахәаҩцәа шьҭа ирдыруеит, еснагь иазыҧшуп. Абар шьҭа шықәсык инацны Мҷышьҭатәи аҧсыӡааӡарҭа анхамҩа Аҟәатәи аџьармыкьахь иааганы ирҭиуеит акалмаҳа, иахьа раҧхьаӡа акәны иааргеит даҽа ҧсыӡхкыкгьы – аҧҟыш. Аҧсыӡааӡарҭаҿы ҩажәа тонна рҟынӡа аҧҟыш ааӡаны ирымоуп аҭиразы, аахәаҩцәа макьана цқьа ирыӡдырым ари аҧсыӡ хкы агьама, аха  анхамҩа аусзуҩцәа агәра ргоит аҧҟышгьы згәаҧхо шырацәаҩхо.

Кьылак акалмаҳа ҧшьышәи ҩынҩажәи жәаба мааҭ иаҧсазар, кьылак аҧҟыш - ҩышәи ҩажәи жәаба мааҭ иаҧсоуп. Зыкапан еиуеиҧшым зыҧсы ҭоу  аҧсыӡқәа, амашьына иҭыганы, хаз игылоу агәыблаақәа ирҭарҵоит, уаҟа  аахәаҩ  игәаҧхаз аҧсыӡ алхны изыркапануеит. Иҳәатәуп, зыҧсы ҭоу аҧсыӡ аазхәарц зҭаху шырацәоу, амашьына ааины ишаагылалак ауаа адеизалоит, аӡәырҩы иазгәарҭоит амшын иҭоу аҧсыӡ аҵкыс, ари иаҳа ишеиҕьаршьо.

Иахьазы Аҟәаҟа аҭиразы иааган хынҩажәи жәаба кьыла акалмаҳаи, ҩажәи жәаба кьыла аҧҟыши. Ҩсааҭк ирылагӡаны акалмаҳа зегьы ҭиын, аҧҟыш акәзар, уигь рацәак аанымхеит. Мҷышьҭатәи акалмаҳааӡарҭа аусзуҩцәа алшара роур,  ргәы иҭоуп ес-хәаша зыҧсы ҭоу аҧсыӡ аџьырмыкьахь иааганы аҭира.

Альбина Жьиҧҳа, Беслан Чхьынџьериа, АТ









Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
37
Аҭыжьымҭаҿы:Аныҳәатә мшқәа рзы ашәарҭадара аиҿкааразы. Атәыла азинхьчаратә усбарҭақәа рхаҭарнакцәа абрифинг мҩаҧыргеит.
13
Аусмҩаҧгатә рхы аладырхәит ашәҟәыҩҩцәа, ауаажәларратә усзуҩцәа, астудентцәа, ашколхəыҷқəа.
13
Ааигәа ақаҭран ақәҵара хыркәшан Алашарбага аҳаблеи Алада Ешыреи еимаздо амҩеи, Имам Шамиль имҩеи.
13
Акциа зҽалазырхәуа зегьы аизара иалагоит Самсон Ҷанба ихьӡ зху Аҧсуа драматә театр  аҿаҧхьа.
13
Атәыла азинхьчаратә усбарҭақәа рхаҭарнакцәа абрифинг мҩаҧыргеит.
Алаҳәарақәеи адныҳәаларақәеи
АГТРК