Ажурналистцəа рзы аицлабра.

27.02.2017
648

2017  шықәсазы иреиҕьу ажурналистә усумҭазы, иара убас ҳџьынџьуаа рҭоурыхтә  ҧсадгьыл ахь рыхынҳәра иазку аматериал аҧҵаразы Аҧсны ажурналистцәа Реидгыла аицлабра рыланаҳәеит. Аконкурс ахь ирыдыркылоит аҧсышәалеи урысшәалеи  иҩу,  иҳәынҭқарртәиу иҳәынҭқарратәыми амассатә информациа ахархәагақәа рҿы аус зуа ажурналистцәа русумҭақәа.

Аҧсны ажурналистцәа ирыланаҳәаз аицлабра аҧҟарақәа рахь ииасаанӡа, ҳтәыла Арепатриациазы аҳәынҭқарратә еилакы ахантәаҩы ажурналистцәа зегьы рзаанаҭтә ныҳәамш рыдиныҳәалеит.   Вадим Ҳаразиа иҳәеит, ажурналист иусура аҭакҧхықәара ду зцу заанаҭны ишыҟоу. Аҧсны ажурналистцәа Реидгыла ахантәаҩы  Руслан Ҳашыг  иазгәеиҭеит, ари амш аҧсуа журналистика аҭоурых аҿы акыр зҵазкуа хҭысны ишыҟалаз.

«Ахьышьҭрахь», – абас ахьӡуп ажурналистцәа Реидгылеи ҳџьынџьуаа рыҧсадгьыл ахь рыхынҳәразы аилакыи ирыларҳәаз аицлабра. Ҳазҭоу ашықәс декабр акынӡа ажурналистцәа зегьы, иҳәынҭқарратәиу иҳәынҭқаррратәым амассатә информациатә хархәагақәа русзуҩцәа рхы аладырхәыр рылшоит аконкурс ҳџьынџьуаа рҭоурыхтә ҧсадгьыл ахь рырхынҳәра иазкыу.  

Аҧсны ажурналистцәа Реидгыла ахантәаҩы иҳәеит, арепатриациатә еилакы инанагӡо аусура ҳмилаҭ аҿиаразы акырӡа зҵазкуа ак акәны ишыҟоу,   иазгәеиҭеит   аусумҭақәа рҿы иаарҧшызарц ииҭахыу .

Иарбанзаалак амассатә информациа ахархәага аредакциа аконкурс ахь инанашьҭуеит иреиҕьу аматериалқәа хҧа иреиҳамкәа. Аконкурс аихшьаалақәа рыҟаҵаразы еиҿкаахоит ажиури. Иреиҕьу ҳәа иалкаахо ажурналисттә  усумҭақәа рзы иаҧҵоуп аҧаратә ҳамҭақәа. Аҧаратә ҳамҭақәа рыла иалкаахоит иара убас ҩнызқьи жәибыжь шықәса рзы   иреиҕьу ажурналисттә усумҭагьы. Б. Шьынқәба иҳәамҭа «Ажәа амалқәа зегьы ирмалуп» ҳәа дивизс иҟаҵаны Аҧсны ажурналистцәа реидгыла ирыланаҳәоит даҽа еицлабракгьы.

Аицлабра ахықәкы хада – амассатә информациа ахархәагақәа русзуҩцәа рзаанаҭтә ҟазара ашьҭыхра. Аматериалқәа рыдыркылоит аҧсышәалеи урысшәалеи,  еиуеиҧшым ажурналистика ажанрқәа ирыҵаркуа. Ари аицлабрагьы хыркәшахоит декабр аказы.

Альбина Жьиҧҳа, Саид Агәхаа,АТ.




Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
21 Ииун 2018
111
Аҭыжьымҭаҿы:Избан амшын аҭалара зрыцҳарахаз?. Актулара злоу анҵамҭа.
21 Ииун 2018
67
Аҟәа иазгәарҭеит  Урыстәыла  Абжьаҟазаратә Мчқәа ҳтәыла  ралагалара амш.  
20 Ииун 2018
113
Аҭыжьымҭаҿы:Аиубилеитә рыцхәқәа рымҩаҧгара аҽазыҟаҵара иазкны Аҧсны Ахада аилацәажәара мҩаҧигеит.
20 Ииун 2018
148
Убри азы аӡбамҭа идикылеит Аҧсны аҵареи аҭҵаарадырреи рминистр Адгәыр Какоба.
Загрузка плеера
Алаҳәарақәеи адныҳәаларақәеи
АГТРК