Иҳаҩсыз ашықәс азы Тҟәарчал ақалақь аҟны ахархәарахь ирыҭан аспорт- зҩыдаратә комплекс.

27.02.2017
667

Иҳаҩсыз ашықәс азы Тҟәарчал ақалақь аҟны ахархәарахь ирыҭан аспорт- зҩыдаратә комплекс. Уи еиҭашьақәыргылан Урыстәыла Аҧсны иазыҟанаҵо афинанстә цхыраара  иабзоураны.

Анапылампыл ,амҵәышәымпыл, ашахмат, уҳәа аспорт хкқәа зегь рыла рҽазыҟарҵоит ари ахыбраҿы.Нелли Булиа  анапылампыл агәыбылра лкит жәиҧшь шықәса анылхыҵуаз. Ианлаамҭаз лхы алалырхәхьан  хыҧхьаӡара рацәала аиндаҭларақәа,далан СССР анапылампыл азы акоманда. Азыҟаҵаҩыс аус луеит ҩажәа шықәса  инарзынаҧшуа.Уажәы лара иазыҟалҵоит  ҩ- гәыҧк - аиҵбыратәи аиҳабыратәи. Урҭ рҟны зҽазыҟазҵо аҭыҧҳацәа рхыҧхьаӡара маҷым. Нелли Булиа лажәақәа рыла, дара изныкымкәа рхы рыладырхәхьеит ареспубликатә хәмаррақәа,  аҧхьахәтә ҭыҧқәагьы ааныркылахьеит.

Иара абри азал аҟны ауп рҽахьазыҟарҵо амҵәышәымпыл ахәмарыҩцәагь. Дмитри Мышәба кыр шықәса ҵуеит  амҵәышәымпыл азы зыҟаҵаҩыс аус иуеижьҭеи.Иара иҳәеит, ишеиҿкаау  аҭыҧҳацәеи арҧарцәеи ргәыҧқәа. урҭ ирылоу рхыҧхьаӡара  ҩажәи жәаҩык рҟынӡа инаӡоит.

Ауаҩы ихшыҩ аус азыруа, спорт хкны иҧхьаӡоуп ашахмат. Ҳтәылаҿы ари ахәмарра аҿиара амоуп.Тҟәарчалтәи аспорт зҩыдаратә зал аҟынгьы  иҟоуп ашахмат асра рҽахьазыҟарҵо ауада. Дмитри Мышәба иазгәеиҭеит,гәыҧҩык ашахмат ахәмарыҩцәа рхы шаладырхәыз «Москва опен», иара убас егьырҭ аицлабрақәагьы, иҟоуп узхыҽхәаша алҵшәақәагьы.

Аспорт зҩыдаратә комплекс еиҭашьақәыргылоуп ҳаамҭа иақәшәо, ара иҟоуп алшарақәа зегьы аспорт аҽазыҟаҵаразы. Ари ахыбраҿы еснагь аус ауеит   аҳақьымцәа руадагьы. Убри инаҷыданы,  ақалақь  аҟны аус руеит  астадионқәа ҩба,иара убас мчыбжьқәак раҧхьа  акультуратә ҩны аҟны иаартыз   зхы иақәиҭу ақәҧаразы азал аҿы рҽазыҟарҵоит ҩажәи жәаҩык инарзынаҧшуа арҧарцәа.

А.Шьакаиа,Д.Ҳашыг, АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
20 Февраль 2018
101
19 Февраль 2018
123
Аҭыжьымҭаҿы:Имҩаҧысит Жәлар реизара асессиа изаамҭанытәым аилатәара.
19 Февраль 2018
137
Иара еиҿкаан АҞәа иҟоу «Москва аҩни» араион ахадареи рымч ала.
19 Февраль 2018
154
Иазгәаҭаны ирымоуп х-километрак рҟынӡа амҩа аҟаҵара.
19 Февраль 2018
129
Ааҧынтәи асессиа актәи аилатәараҿы Аконституциатә усӡбарҭа ахәбатәи аӡбаҩыс далхын Алиса Бигәаа.
16 Февраль 2018
149
Аҭыжьымҭаҿы:Аҟәатәи араионтә еизара адепутатцәа араион ахада икандидатура иадгылеит.
16 Февраль 2018
152
Аспециалистцәа ражәақәа рыла, апальма зфо абжы ҟаҧшь уажәнатә иаанкыламзар, егьырҭ аҭыҧқәа рахь ииасыр алшоит.
Загрузка плеера
Алаҳәарақәеи адныҳәаларақәеи
АГТРК