Очамчыра имҩаҧысит Аҧсны Раҧхьатәи Ахада Владислав Арӡынба игәалашәара иазку карате-киокусинкаи азы жәларбжьаратәи атурнир.

27.02.2017
751

Аҧсшьарамшқәа рзы Очамчыра имҩаҧысит Аҧсны Раҧхьатәи Ахада Владислав Арӡынба игәалашәара иазку карате-киокусинкаи азы жәларбжьаратәи атурнир. Иара еиҿкаан Очамчыра араион ахадара аҿари аспорти русқәа рзы аҟәша амчала. 

Ас еиҧш аицлабрақәа сынтәа ҩынтәуп Очамчыра имҩаҧыргоижьҭеи. Иазгәаҭатәуп атурнир амҽхак есышықәса аҽшарҭбаауа. Уажәтәи аиндаҭларақәа ирылахәыз аспортсменцәа қәыҧшцәа рхыҧхьаӡара шәҩык иреиҳан. Ааҧхьара рыман ақалақьқәа Шәача, Ростов-на- Дону ареспублика Ҟрым рҟынтәи акаратистцәа. Аспортсменцәа ҿарацәа еицлабуан ҩажәи жәаха акапантә категориақәа рҟны. 

Аицлабрақәа ирылагаанӡа араион акультура аҟәшаҿы еиҿкаау ахаҧшьгаратә коллективқәа рҟазара ддырбеит. Агимн арҳәаны ишьҭыхын аҳәынҭқарратә бираҟ. Аспорт азы аҳәынҭқарратә еилакы ахантәаҩы аспортсменцәа ақәҿиарақәеи аманшәалареи рзеиҕьеишьеит. Акарате - киокусинкаи азы афедерациа ахада Витали Ҷыҭанаа иазгәеиҭеит, аиҧш зеиҧшу аицлабрақәа аҵак ду шрымоу изызҳауа аҿарацәа ари аспорт хкы радыҧхьаларазы. Аицлабрақәа мҩаҧысуан акыр аинтерес рыҵаны. Атурнир иалахәыз жәеиза команда рахьынтә актәи аҭыҧ ааныркылеит АҞәатәи аспортсменцәа, аҩбатәи Очамчыраа, ахҧатәи Агәыӡера аҳабла ахаҭарнакцәа. 

А. Корсаиа, А. Маланиа,АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
21 Ииун 2018
111
Аҭыжьымҭаҿы:Избан амшын аҭалара зрыцҳарахаз?. Актулара злоу анҵамҭа.
21 Ииун 2018
67
Аҟәа иазгәарҭеит  Урыстәыла  Абжьаҟазаратә Мчқәа ҳтәыла  ралагалара амш.  
20 Ииун 2018
113
Аҭыжьымҭаҿы:Аиубилеитә рыцхәқәа рымҩаҧгара аҽазыҟаҵара иазкны Аҧсны Ахада аилацәажәара мҩаҧигеит.
20 Ииун 2018
148
Убри азы аӡбамҭа идикылеит Аҧсны аҵареи аҭҵаарадырреи рминистр Адгәыр Какоба.
Загрузка плеера
Алаҳәарақәеи адныҳәаларақәеи
АГТРК