Масленица аныҳəа мҩаҧган Очамчыратәи аҩбатәи абжьаратә школ аҿы

27.02.2017
400

Ачгара ду аҧхьа иазгәарҭоит масленица ҳәа изышьҭоу аныҳәа. Иара иалкаау аамҭак амаӡам, амшаҧы бжьы-мчыбжьа шагыу ауп ианақәшәо. Ари аныҳәа Урыстәыла адагьы иазгәарҭоит Европа атәылақәа жәпакы рҟны. Убас иара мҩаҧган Очамчыратәи аҩбатәи абжьаратә школ аҿы . Уи аҧшьыргеит Аҟәа иҟоу Москва аҩныи, Очамчыра араион ахадареи, аурысцәа рхеилак Очамчыреи Галыи рраионтә ҟәшақәеи. 

Масленица - ҭоурыхла акыр шықәса зхыҵуа аныҳәақәа иреиуоуп. Иара даара алахҿыхра аҵоуп. Аныҳәа мҩаҧысуеит бжьымшы рыҩныҵҟа. Убри аамҭазы ауаа еиҭанеиааиуеит, сасра иныҟәоит. Аныҳәа ачыс хкқәа иреиуоуп ачаџь. Акәацлыхқәа аишәа иқәырҵаӡом. Ари аныҳәа Очамчыра абар хышықәсоуп еиҿыркаауеижьҭеи. Аҟәа иҟоу “Москва аҩны” аиҳабы Зоиа Баутина иазгәалҭеит, Масленица ҳәа изышьҭоу аныҳәа Аҧсны егьырҭ араионқәа рҿгьы мҽхакы ҭбаала амҩаҧгара адгылара шаҭахо. 

Очамчыра имҩаҧгаз аныҳәа иалахәын хыҧхьаӡара рацәала ашколхәыҷқәа. Дара гәахәарыла ирыдыркылон араҟа еиҿкааз ақәгыларақәа, Аныҳәа аиҿкааҩцәа имҩаҧыргоз еиуеиҧшым аицлабрақәагьы рхы рыладырхәуан. Очамчыра араион ахадара ахьӡала аныҳәа иалахәыз дрыдныҳәалеит араион ахада ихаҭыҧуаҩ Вероника Озган. Аныҳәа аиҿкааҩцәа ирҳәеит Масленица Очамчыра ақалақь аҿы амҩаҧгара традициа бзиахап ҳәа агәыҕра шрымоу.

 А. Корсаиа, А. Маланиа,АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
23 Ноиабр 2017
109
22 Ноиабр 2017
15
22 Ноиабр 2017
17
Ҿҳәарас иамазаауеит жәа-шықәса .
22 Ноиабр 2017
18
Абри атәы рҳәеит Аҧсны Амшынеиқәафымцамч иаҵанакуа афымцаҭиира аҟәша ахаҭаранакцәа.
21 Ноиабр 2017
152
Аҭыжьымҭаҿы:Афестиваль « КУНАКИ»   аусура  хнаркəшеит, аха  агран – при  занаршьаша   аусумҭа  ҳәа  акагьы  рзалымхит.
Загрузка плеера
Алаҳәарақәеи адныҳәаларақәеи
АГТРК