Ишҧеиҿкаау акандидатцәа злахәу аҧсуа телехәаҧшрала есыуаха ишиашо ицо аефирқәа?

28.02.2017
671

Ишҧеиҿкаау акандидатцәа злахәу аҧсуа телехәаҧшрала есыуаха ишиашо ицо аефирқәа? Уи ҳтелехәаҧшцәа еиуеиҧшым азҵаарақәа рызцәырнагоит. Ҳкорреспондент Наала Қаҩҧҳа игәалҭон аефир азы азыҟаҵарақәа шымҩаҧысуа. Аҧсуа телехәаҧшра астудиаҿы ишиашо ицо аефир иалагаанӡа аҽазыҟаҵарақәа мҩаҧысуеит. Астудиа еиқәдыршәоит, аоператорцәа ркамерақәа ықәдыргылоит алашара иацклаҧшуеит. Зегь дырмазеиуеит астудиа иаҭаауа асасцәа рықәгыларақәа ҧырхага амамкәа имҩаҧысырц. Иҳәатәуп , ишиашо ицо аефир аиҿкаара имаҷымкәа ауадаҩрақәагьы шацу. Насгьы ааҧхьара змоу акандидатцәа зегьы аефирахь ианымааиуагьы ҟалалоит. Иааидкыланы астудиахь имҩахыҵыз адепутартахь акандидатцәа рхыҧхьаӡара иахьазы хынҩажәа процент рҟынӡа инаӡоит. Иазгәаҭатәуп , акандидат ишиашо ицо аефир ихы алаимырхәырц закуанла азин шимоу. Иара убас лассы – лассы ицәырҵлоит азҵаара ,избан акандидатцәа реиҳараҩык аҧсшәеи аурысшәеи еилаҵаны изцәажәо ҳәа. Сынтәатәи аефирқәа егьырҭ излареиҧшым, маҷк аҧсахрақәагьы алагалоуп. Иаҳҳәап , уажәраанӡа акандидат изкны аинформациа нарҭбааны иаҧхьозҭгьы , сынтәа уи дыркьаҿит. Насгьы алхратә комиссиа хадеи аҧсуа телехәаҧшра ахадареи еицырыӡбеит адепутатрахь акандидатцәа зегьы еицырзеиҧшу азҵаарақәа рҭак ҟарҵартә еиҧш алшара рзаҧырҵарц. Убри азыҳәан иӡбан Аҧсны актуалра змоу , хра злоу азҵаарақәа - аполитикатә , аекономикатә уҳәа ақьаад ианҵаны, уи азыҳәан иазыӡбаз аурна аҟынтәи иҭыганы рҭакқәа ҟарҵаларц. Иазгәаҭатәуп , апарламент ахь адепутатраз акандидатцәа зегьы ирзыҧҵәоу аефиртә аамҭа шеиҧшу. Апарламент ахь акандидатцәа ишиашо ицо аефир аҿы рықәгыларақәа мҩаҧысуеит есыҽны, ҩажәиак сааҭ рзы, аинформациатә дырраҭара Амшеикәшара анаҩс. Аефирқәа ирыцҵахоит арыцхә март жәабанӡа. Н.Ақаҩба, Р. Ломиа,АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
19 Февраль 2018
63
Аҭыжьымҭаҿы:Имҩаҧысит Жәлар реизара асессиа изаамҭанытәым аилатәара.
19 Февраль 2018
45
Иара еиҿкаан АҞәа иҟоу «Москва аҩни» араион ахадареи рымч ала.
19 Февраль 2018
65
Иазгәаҭаны ирымоуп х-километрак рҟынӡа амҩа аҟаҵара.
19 Февраль 2018
48
Ааҧынтәи асессиа актәи аилатәараҿы Аконституциатә усӡбарҭа ахәбатәи аӡбаҩыс далхын Алиса Бигәаа.
16 Февраль 2018
110
Аҭыжьымҭаҿы:Аҟәатәи араионтә еизара адепутатцәа араион ахада икандидатура иадгылеит.
16 Февраль 2018
100
Аспециалистцәа ражәақәа рыла, апальма зфо абжы ҟаҧшь уажәнатә иаанкыламзар, егьырҭ аҭыҧқәа рахь ииасыр алшоит.
Загрузка плеера
Алаҳәарақәеи адныҳәаларақәеи
АГТРК