Ҳазҭоу ашықәс маи мзазы ахархәарахьы ирыҭахоит Иреиҳаӡоу Аусӡбарҭа ахыбра ҿыц.

28.02.2017
489

Ҳазҭоу ашықәс маи мзазы ахархәарахьы ирыҭахоит  Иреиҳаӡоу Аусӡбарҭа ахыбра ҿыц. Аргыларатә усурақәа хацыркын 2012 шықәса рзы,  2014 рзы   урҭ  мҩаҧызгоз афирма анапынҵақәа акапиталтә ргыларатә усбарҭа ианаҭеит.   Уажәазы иаанхаз амаҷ ауп.  Аргылаҩцәа ражәақәа рыла, аусурақәа  рымҩаҧгаразы ирзыҧҵәаз аамҭа рыҽҭарыгӡоит.

Шықәсқәак раҧхьа ари аҭыҧ абна ахыиааны иҟан. Ҩажәа шықәса рыҩныҵҟа изызҳаз ажыц ана ара аҵлақәа алагылахьан. Аргылаҩцәа аусурақәа напы ддыркырц азы зегьы ираҧхьагылан аҭыҧ арыцқьара. Араҟа иқәыргаз агәам мацара ҩынҩажәи жәаба машьына иреиҳан. Анаҩс ирылаган аргыларатә усурақәагьы. Ари аҭыҧ аҿы Иреиҳаӡоу аусӡбарҭа ахыбра аибашьра ҟалаанӡагьы иҟан, аибашьраан иара ааха ҕәҕәа аҭан, аибашьра ашьҭахь уаҩы дыҩналартә иҟамызт. Апроект аус адырулеит х-ҩык архитекторцәа. Ахыбра аплан аҧсахрақәа алагалан. Иацҵан уаанӡа иҟамыз ахәҭак.

Апроекттә-сметатә шәҟəқәа инарықәыршәаны, ахыбра аиҭашьақәыргыларазы иазҧхьагәаҭан ҧшьынҩажәи ааба миллион мааҭ. Аха, уи раҧхьа апроект анышьақәдыргылоз-ҩнызқьи жәаҩа шықәса рзы ауп. Уи аахыижьҭеи адоллар шьҭыҵит, аргыларатә маҭәахәқәа рыхә кырынтә еиҳахеит, аргылара иазыҧҵәаз аҧара акәзар иацымлаӡет. Убри аҟынтә аргылаҩцәа рзы ирзоужьыз аҧара аҭаӡара ауадаҩрақәа ацын.  Аусурақәа зегьы агәаҭарақәа ирхысуеит, арахь лассы-лассы имҩахыҵуеит  Иреиҳаӡоу Аусӡбарҭа аӡбаҩцәа. Дара ражәалагалақәа ҳасаб рырҭоит.

Иреиҳаӡоу Аусӡбарҭа ахыбра ҿыц аҿы иҟоуп шәкы иреиҳаны аусурҭатә уадақәа. Иааидкыланы ахыбра зегьы хә-нызықь метра ҧшьырқца аҵанакуеит. Араҟа иҟоуп аусӡбарҭатә залқәа хҧа, аҩналарҭа хадақәа ҩба, иара убасгьы амра ибзианы аҩнаҷҷара алзыршо ахыб. Аргылаҩцәа ражәақәа рыла, уи рыҧсахырц ргәы иҭоуп,  избан акәзар уажәтәи амцхә иарлашоит, ирҭахуп еиҳа еиқәароу ала аҧсахра. Иазгәаҭатәуп,  маҷк ауадаҩрақәа цәырызгаз акәны ишыҟаз абаандаҩцәа аусӡбарҭахь излаарго аҩналарҭа. Избан акәзар, уи раҧхьатәи ахыбра аплан аҿы зынӡа иарбаӡамызт.

Рышьақәыргылара хдырқәшахьеит абылаҽацәыхьчареи, авидеохылаҧшыгақәеи рсистемақәа. Иааидкыланы араҟа ҩынҩажәи жәаба иреиҳаны авидеохылаҧшыгақәа кнаҳауп. Ажәакала, мызки бжаки рыла аҩныҵҟатәи аусурақәа зегьы хырқәшахоит. Анаҩс иалагоит  аҩналарҭақәа иаарыкәаршаны  адәахьала ахаҳә ақәҵара. Аргылаҩцәа ражәақәа рыла,  аиҭашьақәыргыларатә усурақәа зегьы хырқәшахоит маи мзанӡа.

Елана  Лашәриа,  Беслан Џьынџьал, АТ.


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
18 Ноиабр 2017
23
17 Ноиабр 2017
87
Аҭыжьымҭаҿы:Зыргылара иаҿу аобиектқәа ргәаҭаразы. Усутә визитла Аҧсны даҭааит Лев Кузнецов.

17 Ноиабр 2017
91
Гиви Аиба ҩынҩажәа шықәса инарзынаҧшуа Аҟәатәи аботаниктә баҳча напхгара аиҭон.
17 Ноиабр 2017
88
Уи хықәкыс иамоуп Аҧсни Нхыҵ –Кавкази еидызкыло азеиҧш культуратә аинформациатә , агуманитартә қәыҧшылара арҕәҕәара амеханизмқәа аус рыдулара .
17 Ноиабр 2017
98
Уи хациркит Басараиа имҩаду аҿы иҟоу аҩнеихагылақәа фба рҿы иқәдыргылаз алифтқәа русушьа агәаҭара ала.
17 Ноиабр 2017
80
Аҳәынҭқарратә ҳәааҿы иара диҧылеит Аҧыза-министр Беслан Барцыц.
16 Ноиабр 2017
172
Аҭыжьымҭаҿы:Акаҭа ахаҧеит. Лыхны ақыҭан икыуп аҩнатә ҧсаатә ҭаха рызымҭоз агыгшәыг.
Загрузка плеера
Алаҳәарақәеи адныҳәаларақәеи
АГТРК