Очамчыра араион Лашькьындар ақыҭа иалсуа аӡиас Аҽырӡы аҧшаҳәа арҕәҕәаразы аусурақәа хацыркуп..

28.02.2017
821

Мышқәак раҧхьа Очамчыра араион Лашькьындар ақыҭа иалсуа аӡиас Аҽырӡы аҧшаҳәа арҕәҕәаразы аусурақәа хацыркын. Аӡкырҭақәа рыҟаҵара напы аркуп ақыҭа анапхгареи, анхацәеи араион ахадарахь иҟарҵаз аҳәара иабзоураны. 

Лашькьындар ақыҭа иалсуа аӡиас аҧшаҳәа арҕәҕәара анхацәа рзы апроблема хадақәа ируакын. Акырџьара аӡиас аҧаҩқәа рыбганы ақыҭа иалсуа амҩа иазааигәахеит. Ашәарҭара ыҟан ааҧынтәи аӡхыҵрақәа раан зҳәаақәа ирҭыҵуа аӡиас ауааҧсыра рыҩнқәа ирыҵалоит ҳәа. Ақыҭа анапхгареи анхацәеи араион ахадарахь аҳәара ҟарҵеит ари азҵаара аӡбараҿы ацхыраара рырҭарц азы. 

 Араион анапхгара иҟаз ауадаҩра атәы атәыла анапхгара рышҟа ирҳәеит. Аӡиас аҧшаҳәаҿы ахырҕәҕәарҭақәа дыргылараны иҟоуп ҧшьыџьара. Иааидкыланы, идырҕәҕәо аҧшаҳәа аура аашә - метра рҟынӡа инаӡоит. Уажәазы аусурақәа мҩаҧысуеит аӡы ахырхарҭа аҧсахразы. Араҟа аус зуа атехника ҷыда амчхара акыр идууп. Убри азы аусурақәагьы ласны имҩаҧысуеит, дара еиҵазырхо ҳәагьы акагьы ыҟам. Ааигәа иара убасгьы акырӡа иацхраан Ҷлоу ақыҭа Дәаб аӡиас иху ацҳагьы. Араҟа ацҳа ахы аӡы иҵнаӡәӡәаахьан. Ацҳа ахы рҕәҕәаны ашьапы ҭадырҭәеит, аӡиас аҧшаҳәа арҕәҕәаразы аусурақәа мҩаҧыргеит. Лашькьындар имҩаҧысуа аусурақәа рхыркәшара азгәаҭоуп жәамш рыҩныҵҟа.

 А. Корсаиа, А. Маланиа, АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
28
Аҭыжьымҭаҿы:Ахырхарҭақәа жәпакы рҟны аусеицуразы еиқәышаҳаҭхеит. Аҧсныи Ҟрыми реиҳабырабжьаратә комиссиақәа актәи реилатәара.
36
Иара Аҧсны амилаҭтә олимпиатә еилакы аҿы  адныҳәаларақәа идикылон
29
Убри инамаданы имҩаҧган афонд ахаҭарнакцәа злахәыз апресс-конференциа.
45
Апроект авторс дамоуп ашәаҳәаҩ, акомпозитор, Хьыбла Мықәҧҳа.
Алаҳәарақәеи адныҳәаларақәеи
АГТРК