Аҧсны аҳҭны қалақь ахадара еихыршьаалеит иҳаҩсыз ашықәсазтәи русурақәа рылҵшәа.

01.03.2017
557

Аҧсны аҳҭны қалақь ахадара еихыршьаалеит иҳаҩсыз ашықәсазтәи русурақәа рылҵшәа. Иазгәаҭан ирзарбаз аекономикатә дҵақәа акыр инарыцҵаны ишынагӡаз. АҞәа ареспублика ақалақьқәа зегьы иреиҳауп уааҧсыралеи аекономикатә лшарақәеи рыла. Араҟа имаҷым ахашәала аазышьҭуа анаплак дуқәа реиҧш, амаҷқәагьы. 

Леон Кәарҷиа иазгәеиҭеит аҳҭны қалақь аҟны аус шыруа аа-нызқьҩык инарыцны. Дара рахьтә аӡәа-ӡәала бжьаратәла есымза ирызшәан жәохә нызқь мааҭ инарыцны ауалафахәы. Ҩ- нызқьи жәохә шықәса рзы ари ахыҧхьаӡара жәаха нызқь ракәын иартәоз. Ақалақь аҿы аус руеит ахашәала бзиагьы аарышьҭуеит абасеиҧш иҟоу анаплакқәа Аҧсны аҩқәеи, аӡқәеи, ауарашршырҭатә наплакы Роснефт, Премиум, Флагман, аминералтә ӡқәа рҭыжьырҭа анаплакы , Аҟәафони, А-мобаили. Аизараҿы иҳәан Аҟәеи Урыстәыла ақалақьқәеи аимадара бзиа шрыбжьоу. Ақалақь анапхгара азҿлымҳара ҷыда азыҟарҵоит аҿар рҵарадырреи, ргәабзиареи,  маха- шьахала иҕәҕәаны рызҳареи реиҿкаара аус.

Лиудмила Адлеиба инарҭбааны дазааҭгылеит шықәсык иалагӡаны лара напхгара ззылуа ахырхарҭақәа рҟны еиҭакрақәас иҟоу ртәы. Иазгәалҭеит аҵареи агәабзиарахьчареи русбарҭақәа русзуҩцәа ианаамҭаз ауалафахәы шырзыршәоз. Аҟәа иӡбатәу апроблемақәа ируакуп акоммуналтә нхамҩақәа рҭагылазаашьа. Ари азҵаара иаци иахьеи ракәӡам ианцәырҵыз. Дара раҧыхра имаҷымкәа аҧара ақәхарџьтәуп. Дмитри Аҳәба хәҭаа- хәҭаала дрылацәажәеит акоммуналтә усбарҭа иаҵанакуа анхамҩақәа русушьа шеиҿкааз атәы. Аҳҭны қалақь аҿы акыр иҵарны иқәгылоуп ауааҧсыра нхарҭала реиқәыршәара азҵаара. Анхарҭатә усбарҭа аиҳабы Сергеи Матосиан иҳәеит, ҩнызқьи жәаф шықәса рзы анхарҭа ҳҭахыуп ҳәа шәи жәаҩа- ҩык арзаҳалқәа шаларҵаз. Дара рахьтә ҧшьынҩажәи – жәаҩа ҩык нхарҭала еиқәыршәоуп. Ҳәарада иҟоуп анхарҭатә усбарҭа иаҵанакуа азҵаарақәа рҟны иӡбатәу. Убас шакәугьы ақалақь абиуџьет аҟнытә аҩнқәа хыбын, еиҭашьақәыргылан аӡымҩангагақәеи, амҩадуқәеи. 

Ақалақьтә ҧсҭазаара иқәнаргыло азҵаарақәа еицаҳаӡбоит адепутатцәеи ҳареи ҳаицҿакны иҳәеит , Адгәыр Ҳаразиа. Иара иазгәеиҭеи,т ақалақь ду аҧсҭазаара апроблемақәагьы маҷымкәа ишцәырнаго. Адгәыр Ҳаразиа иҳәеит, ақалақь аҿы ашәҟәы иҭагалоу аиуристтәи , хазхаҭалатәи ахаҿрақәа зегьы иахәҭоу ашәахтә анырымшәо шыҟоу, зны- зынла рхашәала ақьаад ишадмырбо. Арҭ азҵаарақәа рҭыҧ иқәҵахароуп сынтәа, - иҳәеит аҳҭны қалақь ахада.

 Д.Инаҧшьба, А. Агәхаа, Кәасҭа Ҧарулуа, АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
16 Август 2018
105
Аҧсны Ахада, Атәылахьчара аминистрра аколлектив дыдирдырит Аштаб Хада аиҳаб ҿыц Васили Луниов.
16 Август 2018
109
Мызкы инарзынаҧшуа Тҟәарчал ақалақь Џьанҭоу аҳаблаҟны ажрақәа мҩаҧыргоит Аҧсныи Урыстәылеи рархеологцәа.
16 Август 2018
120
Имҩаҧысит ҳтәыла еиуеиҧшым араионқәа рҟынтә ауаажәларратә еиҿкаарақәа злахәыз аиҧылара.
16 Август 2018
97
Васили Луниов Аҟәаҟа даанӡа, Алжир арратә бжьгаҩыс дыҟан.
15 Август 2018
89
15 Август 2018
71
Араҟа еизгаз аҧара афонд« Ашана »иахыҧхьаӡалахоит .
Загрузка плеера
Алаҳәарақәеи адныҳәаларақәеи
АГТРК