Гнесинаа рыхьӡ зху Академиа аушьҭымҭа, Аҧснытәи аҳәынҭқарратә филармониа асолист, Кристина Ешба лконцерт мҩаҧысит Аҟәа.

01.03.2017
698

Гнесинаа рыхьӡ зху Академиа аушьҭымҭа, Аҧснытәи аҳәынҭқарратә филармониа асолист, Кристина Ешба лконцерт мҩаҧысит Аҟәа.     Аоператә шәаҳәаҩ қәыҧш аҧсуа хәаҧшцәа рзы иналыгӡеит Чаиковскии имузыкала иҩу  аромансқәа.

Ари аконцерт азы апрограмма еиқәлыршәеит лара ашәаҳәаҩ қәыҧш. Кристина Ешба Аҧснытәи аҳәынҭқарратә филармониа дасолиступ, аха убри аамҭаз ҳтәыла асцена хадаҿы лхатә концерт мҩаҧылымгацызт. Ҷыдала аҧсуа хәаҧшыҩцәа рзы Кристина еизылгеит бзиа илбо еицырдыруа Чаиковскии иромансқәа.

Асценаҿы Кристина  ацхыраара лылҭон апианино арҳәаҩы, Шәачатәи афилармониа аиҳабы. Валериа Анфиногенова изныкымкәа арахь даахьеит,   Аҧсныи Урыстәылеи ркультуратә сезонқәа аҳәаақәа ирҭагӡаны аҩ-тәылак рмузыкантцәа еиуеиҧшым асценақәа рҿы иқәгылахьеит, аха ас еиҧш апрограмма ду апианино арҳәаҩи аоператә шәаҳәаҩи еицынарыгӡеит раҧхьаӡа акәны. Валериа Анфиногенова ҳаиҿцәажәараан иазгәалҭеит, аҧсуа шәаҳәаҩцәа рҟазара шыҳараку, урҭ гәахәарыла ишырзыӡырҩуа.

Жәаф романс алирикеи адрамеи зныҧшуа, Ааҧыни абзиабареи, ауаҩы изцәырҵуа еиуеиҧшым ацәаныррақәа ирызкуп. Ахәаҧшцәа ашәақәа иргәылархалон.

Альбина Жьиҧҳа, Ҭемыр Гогохьиа ,АТ



Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
16 Август 2018
105
Аҧсны Ахада, Атәылахьчара аминистрра аколлектив дыдирдырит Аштаб Хада аиҳаб ҿыц Васили Луниов.
16 Август 2018
109
Мызкы инарзынаҧшуа Тҟәарчал ақалақь Џьанҭоу аҳаблаҟны ажрақәа мҩаҧыргоит Аҧсныи Урыстәылеи рархеологцәа.
16 Август 2018
120
Имҩаҧысит ҳтәыла еиуеиҧшым араионқәа рҟынтә ауаажәларратә еиҿкаарақәа злахәыз аиҧылара.
16 Август 2018
97
Васили Луниов Аҟәаҟа даанӡа, Алжир арратә бжьгаҩыс дыҟан.
15 Август 2018
89
15 Август 2018
71
Араҟа еизгаз аҧара афонд« Ашана »иахыҧхьаӡалахоит .
Загрузка плеера
Алаҳәарақәеи адныҳәаларақәеи
АГТРК