Имҩаҧысит Аҧсны Жәлар Реизара апарламент аилатәара.

02.03.2017
540

Аҧсны Жәлар Реизара апарламент изаамҭанытәиу аилатәараҿы ирзааҭгылан азҵаарақәа быжьба. Урҭ рахьтә аилатәараҿы ацәажәарақәа рацәаны иахылҿиааит Гәдоуҭа араион  Арсаул ақыҭа анкьатәи ахьӡ Приморск азыргьежьра азҵаара. Уи  акыр ианалацәажәа  ашьҭахь,  адепутатцәа азакуан апроект  рыдыркылеит.

Жәлар Реизара адепутатцәа реилатәара иалагеит амшхәаҧштә актәи азҵаара- ақалақь аҿы аргыларатә усурақәа ҳәаақәызҵо акодекс апроект ахәаҧшрала. Уи инақәыршәаны иазгәаҭан иара ишалнаршо аргыларатә усурақәеи, аҭыҧантәи анапхгараҭаратә усбарҭақәеи русеицура азинтә шьаҭа змоу  аҧҟарақәа рҭагӡара. Ари апроет ҧшьы-ҧхьарак ирыхрыжьраны иҟоуп, уажәы иара аҩбатәи аҿы ирыдыркылеит. Иара убасгьы акраамҭатәи ахцәажәара анаҩс, актәи аҧхьараҿы ирыдыркылеит ҳтәыла  аҭоурых-культуратә ҭынха ахьчара иазку азакуан аҧсахрақәа алагалара.  Ари ариашара еиҳаркгьы  аҭоурыхтә ҵакы змоу ажәытә хыбрақәа реиқәырхара ацхраара хықәкыс иамоуп. Жәлар Реизара ахантәаҩы ихаҭыҧуаҩ Валери Кәарҷиа иажәақәа рыла, ари азакуан цхыраагӡоуп аҭоурыхтә баҟақәа аҧхасҭа рыҭара алмыршаразы.
Жәлар Реизара адепутат Беслан Гәбаз дзыхцәажәаз "абџьар азы азакуан”апроект ҵакы хадас иамоуп ауаа рыҧсҭазаарақәа ашәарҭара аҭамыргылареи, ргәабзиареи, рмазареи ахьчара. Иара убасгьы аҧсабареи, аҧсабаратә мазареи реиқәырхара. Азакуан еиқәыршәан жәларбжьаратәи анормақәа ҿырҧшыгас иҟаҵаны.Ари азҵааразы ргәаанагарақәа рҳәеит адепутатцәа.Ахра Бжьаниа иазгәеиҭеит, ари азакуан апроект акырынтә ахарҭәаарақәа шаларгалахьоу. Уажәтәи аҿы азҵаарақәа зегьы еиҳа  игәылырҭәааны иаарҧшуп ҳәа шиаҧхьаӡо.

Убри аан ашәардаҭареи ахьчареи рзы апарламенттә еилакы ахантәаҩы Фазлыбеи Аҩӡба ааҧхьара ҟаиҵеит ари азакуан апроект актәи аҧхьараҿы ирыдыркыларц азы. Адепутат Ахра Бжьаниа иакәзар, ажәалагала ҟаиҵеит азҵаара иаразнак аҩбатәи аҿгьы иахәаҧшырц иагьрыдыркыларц азы. Аха, Жәлар Реизара ахантәаҩы Валери Бганба иҳәеит, ари азҵаара иҵегь ишазыгьежьуа апарламент ахәбатәи ааҧхьара аусуразы иазыҧҵәоу аамҭа аҩныҵҟа имҩаҧыргараны иҟоу аилатәарақәа руак аҿы. Адепутацәа еицҿакны ирыдыркылаз азҵаарақәа рыбжьара иҟоуп Аҧсны азакуанҧҵаратә актқәак рыхәҭаҷқәак еиҭакрақәак рылагара. Иара убасгьы маӡалатәи абжьаҭарала дшьақәдырҕәҕәеит амилаҭтә банк анапхгара иалаҵаразы зыӡбахә ҳәаз  Адгәыр Агрба.

Аимак аиҿак ахылҿиааит уажәаҧхьагьы ахәаҧшразы иқәдыргылахьаз. Аха, ирзымыӡбаӡакәа иахыго иааргоз Гәдоуҭа араион Арсуал ақыҭа уаанӡатәи ахьӡ Приморск азыргьежьра азҵаара.

Адепутат Дмитри Гәынба иҳәеит, иара шьҭызхыз аҭыҧантәи ауааҧсыра шракәу. Дара ишырҭаху рқыҭа аҭоурыхтә хьӡы азыргьежьра. Убри аан  Жәлар Реизара ахантәаҩы ихаҭыҧуаҩ Валери Кәарҷиа иазгәеиҭеит, дшаҿагыло ари азҵаара. Иара иажәақәа рыла Арсаул ҧсыуахьӡуп, уи аҧсахра аҭахӡам.
Адепутат Ахра Кәакәасқьыр иҟаиҵаз ажәалагала адепутат Дмитри Гәынба мап ацәикит. Иҳәеит ииашам ҳәа шыиҧхьаӡо хынтәны ахәаҧшразы иқәдыргылахьоу апроект Жәлар Реизара афбатәи ааҧхьара иаӡбарц азы ааныжьра. Убри аан адепутат Алмас Џьапуа иазгәеиҭеит, доусы игәаанагаразы азин шимоу, аха ари азҵаара алацәажәара мыцхәы ишеиҵыхцәоу.

Ус иагьыҟаҵан , абжьаҭаразы иқәыргылаз азакуан аиҳараҩык рыдгыларала ишьақәырҕәҕәан. Абас ала, иахьарнахыс ақыҭа Арсаул уаанӡатәи ахьӡ Приморск азыргьежьын. Аилатәара анахдыкқәша анаҩс, адепутатцәа зегьы рфотосахьа еицҭырхит.

Елана Лашәриа, Беслан Џьынџьал, АТ.



Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
20 Ииун 2018
79
Аҭыжьымҭаҿы:Аиубилеитә рыцхәқәа рымҩаҧгара аҽазыҟаҵара иазкны Аҧсны Ахада аилацәажәара мҩаҧигеит.
20 Ииун 2018
47
Убри азы аӡбамҭа идикылеит Аҧсны аҵареи аҭҵаарадырреи рминистр Адгәыр Какоба.
20 Ииун 2018
77
Урҭ аҭыҧқәа ргәаҭаразы дырҭааит аҳҭнықалақь ахада Адгәыр Ҳаразиа.
20 Ииун 2018
45
Ҷыдала иаҧҵаз аусуҩтә гәыҧ ари азҵаара анҭырҵаа, еилкаахеит Аҧсны атәылауаа рзинқәа реилагара аҭыҧ шамоу.
20 Ииун 2018
49
Убас,. Гагра араион Алаҳаӡыхь ақыҭаҿы иҟоу агәамеизгарҭа ауадаҩрақәа акыр рызцәырнагоит ааигәа инхо ауааҧсыра.
Загрузка плеера
Алаҳәарақәеи адныҳәаларақәеи
АГТРК