Иури Воронов ихьӡ зху Аҟәатәи ахҧатәи абжьаратә школ аҿы, 2012 шықәса раахыс имҩаҧысуа аремонттә усурақәа мызқәак рыҩныҵҟа ихыркәшахоит.

02.03.2017
603

Иури Воронов ихьӡ зху Аҟәатәи ахҧатәи абжьаратә школ аҿы, 2012 шықәса раахыс имҩаҧысуа  аремонттә  усурақәа мызқәак рыҩныҵҟа ихырқәшахоит.  Ахыбра  шьаҭанкыла еиҭашьақәыргылахоит  ҳаамҭа иақәшәо ашәага- загақәа  рыла. Сентиабр аказы абжьаратә ҵараиурҭа ахыбрахь ршьаҿа еихыргараны иҟоуп фышәҩык инарзынаҧшуа аҵаҩцәа.

Лавренти Бериа, Фазиль  Искандер, Иури Воронов еиуеиҧшым аамҭақәа рзы еицырдыруа ауаа Аҟәатәи ахҧатәи абжьаратәи ашкол аҿы аҵара рҵон. Иара ргылан зқьи жәшәы шықәса рзы. Ахыбра аҭоурых беиа амоуп, уи зныкымкәа  абылрақәа ахнагахьеит, аҩныҵҟа акәзар, ауадақәа реишьҭагылашьеи, ауадабжьаратә ҭыӡқәа  рыргылашьеи аҧсахрақәа ирхысхьеит. Аха, ҧсахрада иаанхоит шәи-жәибжь шықәса зхыҵуа аҭоурыхтә-архитектуратә ҵакы зму ари ахыбра ахәҭак. Хәышықәса ицоз  аиҭашьақәыргыларатә усурақәа  раан   аҭоурыхтә хаҿы шамоу иааныжьын. Амала,   акраамҭа ирыӡбон ахыбра аҧхьа иамоу ихыгьежьаау адәылҵырҭа зларшәыша  аҧшшәы. Аргылаҩцәа реилацәажәарақәеи, урыстәылатәи аҟазацәа рыҽрымадареи рнаҩс иӡбан, уи ашкәакәа цқьала ашәра. Избан акәзар, ижәытәу ақьырмыт зҿыкәыршоу ахыбрақәа ирнаало ҳәа иҧхьаӡоу ашкәакәа ауп. Адәахьала аҭоурыхтә хаҿы еиқәырхазҭгьы, ахыбра аҩныҵҟа  шьаҭанкыла зегьы ҧсахын.

Аусурақәа хацдыркит  ихадаратәқәоу ҳәа иҧхьаӡоу аҭыӡқәа зегьы рырҕәҕәарала. Избан акәзар, урҭ агәаҭарақәа ианрыхрыжь еилкаахеит  изҵо аидара рзымачҳакәа еилаҳар  шауа. Ажәак ала, ашәарҭара зцыз аҭыӡқәа рҕәҕәан, иахьа урҭ быжь баллк иҟоу адгьылҵасра рычҳартә иҟаҵоуп. Ашкол  ахыбраҿы иҟоуп хаҭалатәи  афымцаеихшага,  абылра аҽацәыхьчареи, авидеохылаҧшыгақәеи рсистемақәа, иара убасгьы  шәи ҩажәи хәба  рҧхага. Ауадақәа рхыҧхьаӡара иацҵан. Хазы иҟаҵоуп акомпиутертә уада,  уажәы аусурақәа хдырқәшоит аспортзал аҿы. Иури Воронов ихьӡ зху Аҟәатәи ахҧатәи абжьаратә школ аҿы  иҟоуп ҩажәа класстә уада, уадак ҩажәи ааҩык аҵаҩцәа рҭыҧ амоуп. Аха, араҟа арҵаратә процесс  ҽынлатәии  шьыбжьонтәии  ҳәа  еихшоуп. Убри инамаданы, аҵаҩцәа рхыҧхьаӡарагьы еиҳахоит. Ахыбраҿы аремонт цонаҵы, аҵаҩцәа ажәеизатәи ашкол  ахь ииаган.  Актәи аихагылаҿы иҟоуп акрыфырҭа, уаҟа уажәы ааигәоуп ианышьқәдыргыла аҳәаанырцәынтәи иаагаз аҳауа еикәшара алзыршо асистема. Аҳәынҭқарратә еилахәыра “Аҧсныргылара” адҵала аусурақәа мҩаҧызго аилак аиҳабы Алмысхан Аӡынба иажәақәа рыла,  арахь  лассы-ласс ааҧхьара рырҭон ашкол аиҳабыреи арҵаҩратә еилазаареи. Аусурақәа рынагӡараан ҳасаб рызун урҭ ражәалагалақәа зегьы.

Адәахьтәи аусурақәагьы уажәшьҭа реиҳарак   нагӡоуп.  Ашкол ахыбра иаакәыршаны  ишьҭарҵо адәахьтәи ақьырмыт иалгарц  акгьы рыгым. Аанда ҟарҵахьеит, иқәдыргылахьеит    абыркьылқәгьы. Жәамш рыҩныҵҟа икарыҧсоит аҳаскьын ажәла,    арҭ адгьыл ҿаҵақәа рҿы  мчыбжьқәак рыҩныҵҟа иара еишьылӡа иазҳар ауп. Нас иаанхо  аилыргаратә усурақәа заҵәык роуп. Араҟа иазгәаҭоуп зылшарақәа ҧку рзы ахаларҭагьы. Иара убасгьы иҳәатәуп, ахыбра ҿыц аҿы ишыҟоу аҩналарҭақәа жәба. Уаанӡа иҟаз быжьба  ирыцҵаз ҩба заҵәык ракәын. Алмысхан Аӡынба иажәақәа рыла, амцаҽацәыхьчаратә ҧҟарақәа инарықәыршәаны, ашәарҭараан адәылҵра арманшәаразы аҩналарҭақәа рацәазар ауп.  Абас ала аргылаҩцәа ирзыҧҵәаз аамҭа рыҽҭарыгӡеит. Аусурақәа зегьы рхырқәшара анаҩс, напы аркхоит ауадақәа  ирҭахыу    ҩнымаҭəала реиқәыршәара.

Елана Лашәриа, Саид Агәхаа, АТ



Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
18 Ианвар 2018
65
17 Ианвар 2018
65
Аҭыжьымҭаҿы: Иаарту аицәажәара. Аҧсны ахадеи Гагра арион активи реиҧылара.
17 Ианвар 2018
59
Аҧсуа ҳәынҭқарратә аҿартә театр актиорцәеи уи ақәыргылаҩцәеи аспектакль аус адулараан ирҧылоз ауадаҩрақә ртəы иазааҭгылеит апресс-конференциаҿы.
17 Ианвар 2018
57
Абиуџьети , ашәахтәи, акредити рзы аилак имҩаҧнагаз аиҧылара иалахәын аусдкылаҩцәа.
17 Ианвар 2018
47
Уи инақәыршәаны Аҧсны атәылауаа зегьы ҩышә-нызқь рҟынӡа аҧара кредитла иргартә алшара роуеит .
17 Ианвар 2018
68
Гагра имҩаҧысит атәыла Ахадеи, аиҳабыреи, Жәлар реизара адепутатцәеи, ауаажәларреи злахәыз аизара.
16 Ианвар 2018
94
Загрузка плеера
Алаҳәарақәеи адныҳәаларақәеи
АГТРК