2016 шықәсазтәи русура алҵшәақәа еихыршьаалон Аҧсны Апрокуратура Хада аколлегиа аилатәара аҟны.

03.03.2017
329

2016 шықәсазтәи русура алҵшәақәа еихыршьаалон Аҧсны Апрокуратура Хада аколлегиа аилатәара аҟны. Уи далахәын аҧыза- министр ихаҭыҧуаҩ, аҩныҵҟатәи аусқәа рминистр Аслан Кобахьиа. 

Апрокуратура аусзуҩцәа рнапынҵа хадақәа ируакуп азакуан анагӡашьа ахылаҧшра аҭара. Иҳаҩсыз ашықәс азы ари аус аганахь ала иҟарҵаз маҷым. Георги Аршба убсагьы инарҭбааны далацәажәеит аҭакҧхықәратә маҵзурақәа ирхагылоу рганахь ала апрокуратура иҟанаҵаз агәҽанҵарақәа ртәы. Апрокурор хада ихаҭыҧуаҩ иазгәеиҭеит, иҳаҩсыз ашықәс азы хәышә- ҩык инареиҳаны ашшыҧхьыӡқәеи, арзаҳалқәеи ишрыхәаҧшыз.Дара ирыхәҭаз аҭак ҟаҵан. Ажәахәҟаҵаҩы ҷыдала дазааҭгылеит Аҧсны ауаажәларра рыҩныҵҟа анырра ҕәҕәа змаз ацәгьоурақәа рзы аусҭҵаарақәа шымҩаҧгаз атәы.

Аҧсны апрокурор хада ихаҭыҧуаҩ Ешсоу Какалиа иқәгылараҿы имӡеит, апрокуратура аусзуҩцәа рганахь ала ацәгьоурақәа ашәҟәы рҭамгалара, даҽакала иуҳәозар рыҵәахра афактқәа аҭыҧ шрымоу. 

Аҧсны Иреиҳаӡоу аусӡбарҭа ахантәаҩы Зураб Агәмаа дазааҭгылеит апрокуратура аусзуҩцәеи дареи русура аимадара зеиҧшроу атәы.

Аҧыза- министр ихаҭыҧуаҩ аҩныҵҟатәи аусқәа рминистр иҳәеит, ацәгьоурақәа рыҵәахра апрактика аҟәыҵра аҭахны ишыҟоу. Избанзар араҟа иҟало зегьы ирдыруеит. Убри анаҩсгьы асеиҧш ахымҩаҧгашьа апрокуратура аҳаҭыр ланарҟәуеит. Аслан Кобахьиа ажәалагала ҟаиҵеит, Апрокуратура Хада аҟны иаҧҵазарц аусҭҵааҩцәа рзанааҭтә дырра ашьҭыхразы аинститут. Уи акыр ицхыраагӡахон иҭырҵаауа аусқәа рхаҭабзиара аиҕьтәраҿы. Аминистр иҳәеит, аҵыхәтәантәи аамҭазы анаркотикатә маҭәашьарқәа зҭиуа раанкыларазы амилициа аусзуҩцәа ирылдыршахьоу шмаҷым. Ари аус ҳаҧхьаҟагьы ишацҵахо. Мышқәак раҧхьа иаанкылаз ҩыџьа аҳәса ирымырхит ҩынҩажәи ааба грамм аметадон. Ари ахыҧхьаӡара анаркотикатә маҭәашьарқәа здызкыло зықьҩык ирызхон. Аминистр апрокуратура аусзуҩцәа рышҟа ааҧхьара ҟаиҵеит, атәылауаҩ шәҟәы ҿыцқәа ауааҧсыра рыҭара аан азакуанеилагара ҟамлартә, ари аус ахылаҧшра дырҕәҕәарц. 

Аҧсны апрокурор хада Зураб Ачба иқәгылараҿы иазгәеиҭеит, апрокуратура аусзуҩцәа ирылшаз шмаҷым, аха ҳаҧхьаҟа иҟаҵатәугьы шырацәоу. Ҷыдала дазааҭгылеит Жәлар Реизарахь адепутатцәа ралхра иацу аусқәа рцашьа ахылаҧшра шырҕәҕәоу, азакуанеилагара ҟамларц азы. Аколлегиа аилатәара аихшьаалақәа рыла, ирыдыркылаз ақәҵараҿы иарбоуп апрокуратура аусура аиҕьтәразы ахырхарҭақәа.

Д.Инаҧшьба, Алықьса Агәхаа, АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
17 Ианвар 2018
32
Аҭыжьымҭаҿы: Иаарту аицәажәара. Аҧсны ахадеи Гагра арион активи реиҧылара.
17 Ианвар 2018
21
Аҧсуа ҳәынҭқарратә аҿартә театр актиорцәеи уи ақәыргылаҩцәеи аспектакль аус адулараан ирҧылоз ауадаҩрақә ртəы иазааҭгылеит апресс-конференциаҿы.
17 Ианвар 2018
24
Абиуџьети , ашәахтәи, акредити рзы аилак имҩаҧнагаз аиҧылара иалахәын аусдкылаҩцәа.
17 Ианвар 2018
18
Уи инақәыршәаны Аҧсны атәылауаа зегьы ҩышә-нызқь рҟынӡа аҧара кредитла иргартә алшара роуеит .
17 Ианвар 2018
36
Гагра имҩаҧысит атәыла Ахадеи, аиҳабыреи, Жәлар реизара адепутатцәеи, ауаажәларреи злахәыз аизара.
16 Ианвар 2018
71
16 Ианвар 2018
56
Уи иахҟьаны иҧсҭазаара далҵит Узбекистан атәылауаҩ.
Загрузка плеера
Алаҳәарақәеи адныҳәаларақәеи
АГТРК