Зылшарақәа ҧкыу руаажәларратә хеидкыла иаҵанакуа ареабилитациатә центр еиҭа ашәқәа аанартит.

03.03.2017
330

Зылшарақәа ҧкыу  руаажәларратә хеидкыла иаҵанакуа ареабилитациатә центр еиҭа ашәқәа аанартит. Ҿыц еиҭашьақәыргылоу ауада еиқәыршәоуп иахьатәи аамҭа иақәшәо амыругақәа рыла. Зылшарақәа ҧку ахәыҷқәа, аибашьра аветернацәа, ирымоуп алшара ргәабзиара аиҭашьақәыргылараз. Ареабилитациатә центр аартра далахәын Аҧсны агәабзиарахьчара аминистр Андзор Гоов.

Абар шьҭа ҩажәа шықәса ҵуеит  зылшарақәа еицаку руаажәларратә хеидкыла аус ауеижьҭеи.  Аџьынџьтәылатә еибашьра аветеранцәа рыбзоурала иаартыз ахеилак инанагӡоит еиуеиҧшым апрограммақәа, зылшарақәа ҧку ауаа ацхыраара рыҭаразы. Раҧхьа инаргылан  ихымҧадатәиу ак акәны иҟоуп ргәабзиара аиҭашьақәыргылара ахьрылшо ацентр аҟазаара.  Уи ахатә хыбра амамызт, еиуеиҧшым аамҭақәа рзы аус ауан, ақалақь аҿы. Иахьа ҩаҧхьа аребилитациатә центр аусура хацнаркит, шьҭа зылшарақәа еицаку руаажәларратә хеидкыла ахыбраҿы. Даур Латариа ахеидкыла аусура ианалагаз аахыс араҟа дыҟоуп. Иаар изы АИС ҧсеиқәырхагак иаҩызахеит.

Ареабилитациатә центр аҿы зылшарақәа ҧку ауаа ргәабзеиразы иҷыдоу абаҩарҵәыра ҟарҵоит, уи азы дара цхыраагӡас ирымоуп еиуеиҧшым амыругақәа, рымаха-рышьаха аус азыруша ала.
Иҳәатәуп, ас еиҧш хәыда-ҧсада агәабзеирашьақәыргыларатә центр уаҳа ишыҟам. Арахь иаауеит ҳтәыла еиуеиҧшым араионқәа рҟынтә аибашьра аветернацәа, амҩатә машәырқәа ирықәшәаз, мамзаргьы ихәыҷы аахыс   зылшарақәа ҧку ауааҧсыра, араҟа дара ироуеит ргәабзиаразы ихәарҭоу ацхыраара.

Ареабилитациатә центр  аартраҿы Зылшарақәа еицаку руаажәларратә хеидкыла  аиҳабы Алхас Тхагушев игәалаиршәеит, аханатә русура анхацдыркуаз ирымаз алшарақәа ртәы. Иҭабуп ҳәа реиҳәеит ҩажәа шықәса раахыс русураҿы ацхыраара рызҭоз. Ареабилитациатә центр ҩаҧхьа ашәқәа аартуп, арахь иааир рылшоит згәабзеира еиҭашьақәзырыгларц зҭаху зегьы.
Альбина Жьиҧҳа, Беслан Чхьынџьериа,АТ.
  



Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
17 Ианвар 2018
32
Аҭыжьымҭаҿы: Иаарту аицәажәара. Аҧсны ахадеи Гагра арион активи реиҧылара.
17 Ианвар 2018
21
Аҧсуа ҳәынҭқарратә аҿартә театр актиорцәеи уи ақәыргылаҩцәеи аспектакль аус адулараан ирҧылоз ауадаҩрақә ртəы иазааҭгылеит апресс-конференциаҿы.
17 Ианвар 2018
24
Абиуџьети , ашәахтәи, акредити рзы аилак имҩаҧнагаз аиҧылара иалахәын аусдкылаҩцәа.
17 Ианвар 2018
18
Уи инақәыршәаны Аҧсны атәылауаа зегьы ҩышә-нызқь рҟынӡа аҧара кредитла иргартә алшара роуеит .
17 Ианвар 2018
36
Гагра имҩаҧысит атәыла Ахадеи, аиҳабыреи, Жәлар реизара адепутатцәеи, ауаажәларреи злахәыз аизара.
16 Ианвар 2018
71
16 Ианвар 2018
56
Уи иахҟьаны иҧсҭазаара далҵит Узбекистан атәылауаҩ.
Загрузка плеера
Алаҳәарақәеи адныҳәаларақәеи
АГТРК