Апоет, апублицист, Азеижәтәи ашәышықәсазтәи аҧсуа интеллигенциа инарылукаашаз, Гьаргь Чачба диижьҭеи сынтәа 170- шықәса ҵит.

03.03.2017
360

Апоет, апублицист, Азеижәтәи ашәышықәсазтәи аҧсуа интеллигенциа инарылукаашаз, Гьаргь Чачба диижьҭеи сынтәа 170- шықәса ҵит. Убри инамаданы, агәаларшәаратә хәылҧазы мҩаҧган Мықәтәи абжьаратә школ аҿы. Уаҟа иазгәарҭеит даҽа рыцхәкгьы - сынтәа 85 шықәса ҵит ари азеиҧштә ҵараиурҭа Гьаргь Михаил- иҧа ихьӡ ахыуижьҭеи.  

Гьаргь Михаил- иҧа диижьҭеи 170- шықәса аҵра иазкыз аусмҩаҧгатә иалахәын Аҧсны аиҳабыра рхаҭарнакцәа, аинтеллигенциа , аҵарауаа, ауаажәларра, ашколхәыҷқәа. Ахәылҧаз иалагаанӡа уи иалахәыз ашәҭқәа шьҭарҵеит Аҧсны Аџьынџьтәылатә еибашьра аан иҭахаз аибашьцәа рыхьӡ ала Мықә игылоу абаҟа амҵан. Анаҩс иаҭааит Гьаргь Чачба анышә дахьамадоу Мықәтәи ауахәама. Аҳ иҧа Гьаргь - аҧсуа жәлар абас ишьҭан аҵыхәтәантәи Аҧсны Аҳ Ҳамыҭбеи иҧа Гьаргь Чачба . Иара диит ЛЫхны иҟаз Аҧсны аҳцәа раҳҭынраҟны, сентиабр 17, 1846 шықәсазы, аа- шықәса ихыҵаанӡа иаб иаҳҭынра дааӡеит. Анаҩс, дзыхшаз азыразны, Қәҭешьтәи агуберниа ахада иара иахь днеиҧхьоит, дагьахиҧхьаӡалоит иара инапы аҵаҟа иҟаз агимназиа. Иҵара даналга , 17 шықәса зхыҵуаз Аҧсны аҳ иҧа адиутантс дидикылеит, Қарҭ итәаз, Кавказтәи аурысқәа рыр рнапхгаҩы. Гьаргь Чачба 18- шықәсагьы ихыҵуамызт , аҭырқә аинрал Омер- ҧашьа ар иманы Аҧсны даныӡхыҵыз. 31 шықәса ихыҵуан Аҧсны иалырцахьаз Аҳ иҧа Гьаргь ашьаарҵәыратә еибашьрақәа рнаҩс, амшын ианӡхырҵаз. Абарҭқәа зегьы ахызаҵәқәа реиҧш игәаҵаҕара иаламларц залшомызт зыуаажәлар рхьаа зхьааз Гьаргь Чачба . Уи ахьаа ицын иҧсҭазаара зегьы. Ус шакәыз дырҵабыргуеит ижәлари иҧсадгьыли ирызку иҩымҭақәа ирнубаало ахьаацәгьа , уи иажәеинраала ҟаимаҭқәа иреиуоу « Уарада» ацәаҳәақәагьы.

Гьаргь Михаил- иҧа Чачба диижьҭеи 170- шықәса аҵра иазкыз ахәылҧаз аартуа, Мықәтәи абжьаратә школ адиректор Мераб Асланӡиа иазгәеиҭеит, ас еиҧш ауаҩы лаша Мықәтәи ашкол ихьӡ ахьаху дара рзы шгәадуроу. Ахәылҧаз аҟны ашколхәыҷқәа исахьаркны ирыҧхьон Гьаргь Чачба иажәеинраалақәа, иара убасгьы инарыгӡон дара ирылху ашәақәа. Аусмҩаҧгатә иалахәыз асасцәа иҭабуп ҳәа рарҳәеит, асеиҧш ҩаӡара ҳаракыла ахәылҧаз еиҿызкааз. Гьаргь Михаил- иҧа Чачба ихьӡ аҧсуа литературеи акультуреи иузаҟәымҭхо ирыдҳәалоуп. Иара игәалашәара азы ихьӡ зху ашкол аҟны аҧхьаҟагьы иазгәаҭоуп еиуеиҧшым ауснагӡатәқәа.

 А. Корсаиа, А. Маланиа.АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
19 Ианвар 2018
67
Аҭыжьымҭаҿы:Анцәа аӡы иӡаахра.  Аҧсны ақьырсианцәа иазгәарҭеит аныҳәа хадақәа ируаку.
19 Ианвар 2018
94
“ Қьалашьбеи” иахәаҧшырц еизаз ауаа, аспектакль гәахәарыла ирыдыркылеит, рыгәгьы арҧшааит .
19 Ианвар 2018
161
Шәҩык автоинспекциа аусзуҩцәа злахәыз ареидқәа мҩаҧган мызкы иалагӡан, акциа алҵшәақәа ҳасаб рзуны агәаҭарақәа ирыцҵазарц азыӡбан.
19 Ианвар 2018
57
Уи мҩаҧигеит Аҧсны Аишахаҵаратә уахәама аиҳабы Аб Бассариан Аҧлиа
19 Ианвар 2018
59
Аиҳараҩык уахь инеиуеит Иҧшьоу Василиск иӡыхьцқьа аҟнытә аӡы ргарцаз.
18 Ианвар 2018
198
Загрузка плеера
Алаҳәарақәеи адныҳәаларақәеи
АГТРК