Апоетесса Лиолиа Тəанҧҳа диижьҭеи 65 ш. ҵит.

03.03.2017
391

  Аҧснытәи аҳәынҭқарратә университет аҧсуа литература акафедра Владимир Анқәаб ихьӡ зху аҧсуа литература акабинети Иван Папаскьыр ихьӡ зху амилаҭтә библиотекеи еицымҩаҧыргеит      аҧсуа поетесса Лиолиа  Тәанҧҳа диижьҭеи хынҩажәи хәба шықәса аҵра иазкыз  агәаларшәаратә хәылҧазы.  Уи иалахәын ашәҟәыҩҩцәа, ауажәларратә усзуҩцәа, астудентцәеи   апоетесса лырҿиара абзиабаҩцәеи.

Гәыкала аҧсуа поезиа бзиа избоз, аҧсуа жәлар ирзышәаҳәоз апоетесса Лиолиа Тәанҧҳа лгәалашәаратә хәылҧазы алагеит минуҭктәи аҿымҭрала. Анаҩс астудентцәа азааҭгылеит  апоетесса лыҧсҭазааратә мҩеи еиуеиҧшым аамҭақәа рзы лнапы злакыз аусқәеи ртәы.

Лиолиа Тәанҧҳа  ажәеинраалақәа рыҩра нап алыркит аинститут данҭаз аамҭазы.  Раҧхьаӡатәи  лажәеинраалақәа рнылеит    агазеҭ «Аҧсны ҟаҧшьи»,  ажурналқәа «Алашареи», «Амцабзи». Анаҩс, 1981 шықәсазы   иҭыҵит «Ашамҭаз» захьӡу лажәеинраалақәа реизга, 2001 шықәсазы иҭыҵит  лышәҟәы «Аҳақашәа».

Апоетесса Лиолиа Тәанҧҳа лыҧсы  ҭазҭгьы, 65 шықәса лхыҵуан. Аха  иаалырҟьаны лыдунеи аҧсахра, ҳмилаҭтә литература лацәыӡра, ҳажәлар  рзы, хаҭала лара дыздыруаз зегьы рзы хьаа духеит, -  лҳәеит  апоетесса  Инна Ҳашҧҳа

Ажәа ҟәандала Лиолиа Тәанҧҳа дигәалаиршәоит Аҟәатәи аҳәынҭқарратә  арҵаҩратә институт, агеографиатә факультет аҟны аҵара лыцызҵоз, иахьа Иван Папасқьыр ихьӡ зху амилаҭтә библиотека  аиҳабыс иҟоу Борис Ҷолариа.  Иара еиҭеиҳәеит, ианстудентцәаз аамҭазы Нхыҵ Кавказ апрактика ианахысуаз, Чегет зыхьӡу 4011 м. иҳараку ашьхара Лиолиа лыда астудентцәа аӡҕабцәа аӡәгьы шызхамлаз.
Убасҵәҟьа гәыблыла Лиолиа Тәанҧҳа дылгәалалыршәоит аамҭала Дырмит Гәлиа иҩны-амузеи аҟны аус лыцызуаз «Аҧснытәи  анацәа рхеилак аиҳабы Гәыли Кьычба. Лара илҳәеит, Лиолиа Тәанҧҳа лажәеинраалақәа даараӡа ауаҩы ишизааигәоу, урҭ рахьтә лымкаала бзиа ишылбо ажәеинраалақәа  "Сшьауардынкуа", "Март мза ҵәыуоит".  Ҷыдала дахцәажәеит ажәеинраала «Аиааира». Уи Кәасҭа Ченгьелиа иазиҩыз амузыка анацхраа, аиааира иазықәҧоз ҳажәлар гимнк еиҧш ирзыҟалеит.

Зыжәлар рлахьынҵа иазхәыцуаз, изыгәхьааз апоетесса лыҧсҭазаара ҿахымҵәазҭгьы, аҧсуа поезиаҟны илыллыршашаз рацәахон,-ҳәа азгәарҭон агәаларшәаратә хәылҧазы иалахәыз.

Хамидан Гәымба, Михаил  Братухин,АТ.



Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
16 Ианвар 2018
8
16 Ианвар 2018
8
Уи иахҟьаны иҧсҭазаара далҵит Узбекистан атәылауаҩ.
16 Ианвар 2018
11
Аиубилиар имшира идиныҳəалеит Аҳәынқарра ахада Рауль Ҳаџьымба.
16 Ианвар 2018
12
Аизараҿ дықәгылеит Аҧсны Ахада Рауль Ҳаџьымба.
12 Ианвар 2018
27
12 Ианвар 2018
47
Урҭ раҧырҟəҟəааразы Гудоуҭа араион аҟны арахə агəыр рыларҵоит.
12 Ианвар 2018
19
Аҧсны анаукақәа р-Академиаҿы аҵарауаҩ ииубилеи идырныҳәаларц еизеит иколлегацәа.
Загрузка плеера
Алаҳәарақәеи адныҳәаларақәеи
АГТРК