2016 шықәсазтәи ареспубликатә биуџьет анагӡашьа иалацәажәаны ишьақәдырҕәҕәеит Аҧсны Ахада Рауль Ҳаџьымба ихантәаҩрала имҩаҧысыз аиҳабыра реилазаара аилатәара аҟны.

06.03.2017
822

2016 шықәсазтәи ареспубликатә биуџьет анагӡашьа иалацәажәаны ишьақәдырҕәҕәеит Аҧсны Ахада Рауль Ҳаџьымба ихантәаҩрала имҩаҧысыз аиҳабыра реилазаара аилатәара аҟны. Анаҩс уи нашьҭхоит Жәлар Реизара ашҟа.

Есышықәсатәи ареспубликатә биуџьет акыр ирхьыҧшуп аекономикатә ҟаҵарбарқәеи Урыстәылантәи Аҧсны иаиуа аинвестициатә программа анагӡашьеи. Аиҳабыра реилазаара аартуа , Аҧсны Ахада Рауль Ҳаџьымба иҳәеит, ҩнызқьи жәаф шықәса рзы абиуџьет анагӡаразы иҟаҵаз шмаҷым. Аха ҧхьаҟа уи аизырҳаразы ахархәара рзутәуп иҟоу егьырҭ алшарақәагьы.

Ҩнызқьи жәаф шықәса рзы аҩныҵҟатәи аекономикатә лшарақәа рхархәарала иаарҧшыз аихьӡарақәа маҷмызт иҳәеит аекономика аминистр Адгәыр Арӡынба. Иара хәҭа-хәҭаала дырзааҭгылеит абиуџьет ахашәала азҭо ахырхарҭақәа русура аиҿкаашьа атәы. Иҳаҩсыз ашықәс азы ареспубликатә биуџьет анагӡара шалыршахаз атәы инарҭбааны далацәажәеит аҧыза- министр ихаҭыҧуаҩ , афинансқәа рминистр Дмитрии Сериков. Иара хәҭа-хәҭаала дырзааҭгылеит аҵарадырра,акультура, агәабзиарахьчара, амчратә усбарҭақәа уҳәа русзуҩцәа руалафахәы ашәара шеиҿкааз. Иҳәеит, Урыстәылатәи аинвестициатә программа анагӡара шымҩаҧысуаз.

Аҧыза- министр ихаҭыҧуаҩ Беслан Ешба ҷыдала далацәажәеит аинвестициатә программа ахырхарҭала ареспублика аҟны еиҿкааз аусқәа ртәы. Аҧсны Ахада Рауль Ҳаџьымба ҩнызқьи жәаф шықәса рзтәи ареспубликатә биуџьет анагӡашьа дазааҭгыло иҳәеит, иалыршоу аҟаҵарбақәа шмаҷым. Аха ҳаҧхьаҟа иҟоу алшарақəа ахархәара шрызутәу. Ҩнызқьи жәаф шықәсазтәи ареспубликатә биуџьет ианахцәажәа анаҩс, аиҳабыра реилазаара алахәылацәа уи рыдыркылеит еицҿакны. Аиҳабыра реилазаара аилатәараҿы убасгьы ирылацәажәеит афондқәа рбиуџьет анагӡашьеи , егьырҭ азҵаарақәеи.

 Д.Инаҧшьба, А. Агәхаа, Б. Џьынџьал,АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
8
Раҧхьатәи азҵаара азкын Алашарбага аҳаблаҿ иҟоу агәамкажьырҭа апроблема ӡбашьас иарҭаз .
31
30 шықәса рыҩныҵҟа Платон Бебиа ироман аҧҵаразы аматериалқәа еизигон,хәышықәса аҩра даҿын.
41
Убри инамаданы, Аҧсны Ашәҟәыҩҩцәа реидгыла еиҿнакааит ашәҟәыҩҩы игәаларшәара иазкыз ахәылҧаз.
Алаҳәарақәеи адныҳәаларақәеи
АГТРК