Аҧсныи Қырҭтәылеи рыбжьара аус зуаз агәаҭарҭа- аушьҭырҭатә ҭыҧқәа даҽа ҩба русура аанкылан март хәба рзы.

06.03.2017
434

Аҧсныи Қырҭтәылеи рыбжьара аус зуаз агәаҭарҭа- аушьҭырҭатә ҭыҧқәа даҽа ҩба русура аанкылан март хәба рзы. Аҧсны аҩныҵҟатәи аусқәа рминистр Аслан Кобахьиа хаҭала арҭ аҭыҧқәа дырҭааны игәеиҭеит.

Анаҩс аусутә ныҟәара аихшьаалақәа ҟаҵо, аҧыза- министр ихаҭыҧуаҩ, аҩныҵҟатәи аусқәа рминистр иҳәеит, шьҭарнахыс Аҧсныи Қырҭтәылеи еимаздо Егры ацҳа ду аҿы иҟоу аҳәынҭқарратә ҳәаа заҵәык шакәу. Аҩныҵҟатәи аусқәа рминистрра иаҵанакуа амчратә усбарҭақәа рхаҭарнакцәа рыла ишьақәгылаз аделегациа имҩаҧнагоз агәаҭарақәа хацыркын Гал араион Набакьиатəи аушьҭырҭатә ҭыҧ ала. Набакьиа ақыҭан имаҷымкәа ауааҧсыра нхоит. Аха ари аҭыҧ аҿы Аҧсныи Қырҭтәылеи рҳәаа иахысуа дара рымацара ракәӡам. Аҳәаахьчаҩцәа ирымоу ахыҧхьаӡарақәа рыла амш аҩныҵҟа аҳәаа иахысуан зықьҩык инарзынаҧшуа, уахь иалоуп Аҧсныҟа иаауаз реиҧш Қырҭтәылаҟа ицозгьы. Ари аҭыҧ агәаҭарҭатә - аушьҭырҭатә ҭыҧ шадыркуа азы ажәабжь ауааҧсыра ирылаҵәахьан. Ҧыҭҩыкгьы Қырҭтәыла аганахь ала игыланы иҧшын. Иубаратәы иҟан апункт аркра дара агәынамӡара ҕәҕәа шрызцәырнагаз. Убри аан аҩныҵҟатәи аусқәа рминистр Аслан Кобахьиа иҳәеит, уажәшьҭарнахыс аус зуа ацҳаҿы иҟоу агәаҭарҭа-аушьҭырҭатә ҭыҧ заҵәык шакәу. Еизаз иреилиркааит ишашьцылахьаз еиҧш ианырҭаху ишырҭаху аҳәаа рахысра азҵаара арҭ агәаҭарҭақәа рыла уаҳа ишамуа. Урҭ уажәшьҭарнахыс иаркуп.

Ақырҭцәа ирыцыҧшны игылан Европатәи ахеидкыла аҟынтəи анаҧшцәагьы. Аҩныҵҟатәи аусқәа рминистр дара рыҟазаара ахықәкы дазҵааит. Убри аан урҭ ирҳәеит, аиҿцәажәарақәа рхы шрыладмырхәуа, ирусу - агәаҭарҭа- аушьҭырҭатә ҭыҧ аркра шымҩаҧысуа ацклаҧшра мацара шакәу. Анаҩс аминистр имҩа хан Отобаиа ақыҭахь. Араҟа рыӡбахә ҳәатәуп амҩақәа рҭагылазаашьа. Ҿыгҳара дула ақаҭран ықәҵан ҩажәи ааба километра рҿы, аусурақәа ирыхҭынҵан шәи ҩынҩажәи жәаба миллион мааҭ инареиҳаны. Аусура аанкылоуп Отабаиа иҟаз аушьҭырҭагьы. Жәохә метра иҟоу ари ацҳа еимыххоит. Еизаны игылаз аҭыҧантәи ауааҧсыра ирҳәеит, ишырҭахым аушьҭырҭатә ҭыҧ аркра, уи дара ауадаҩрақәа шрызцәырнаго. 

Аҩныҵҟатәи аусқәа рминистр Аслан Кобахьиа еизаз ауаа идеилиркааит уаҳа даҽакалагьы ҟалашьа шамам. Аҧсни Қырҭтәылеи реизыҟазаашьақәа ӡбан 1992ш. Уаҳа ҳәатәы ыҟаӡам иҳәеит иара. Аслан Кобахьиа иазгәеиҭеит, Аҧсныи Қырҭтәылеи рҳәаа ахысра зҭаху иаҭаху ашәҟәқәа анеизигалак ашьҭахь Егрытәи ацҳа ала уи еихиҵәар шауа. Анаҩс еицыз Егры ацҳаҿы иҟоу Аҧсни Қырҭтәылеи рҳәаа иаҭааит. Аиҳабыра гәҭакыс ирымоуп араҟа аҳәынҭқарратә ҳәаа иахәҭоу аҭагылазаашьақәа зегьы раҧҵара. Иазгәаҭоуп алеишәа еиҳагьы арҕәҕәара, амилициа аҟәша аусура аиҿкаара. Аҧыз-минитср ихаҭыҧуаҩ, аҩныҵҟатәи аусқәа рминитср агәрагара ааирҧшит ,аҳәынҭқарра ахадара ирыдыркылаз ауснагӡатәқәа Аҧсны Егрытәи аҳәаа арӷәӷәара ишацхраауазы. Ари абираҟ иахьа араҟа ишәыршәыруа икнаҳазарц азы зықьҩыла Аҧсны аҵеицәа ашьа карҭәеит. Ари аҳәаа аҵак ҷыда амоуп, иҳәеит иара.

Гал араион аҩныҵҟатәи аусқәа русбарҭаҿы иҟаҵаз аихшьаалатә еилацәажәараҿы иазааҭгылан иаарласны ихацыркхо Гал араион ауааҧсыра Аҧсны атәылауаҩшәҟәқәа рыла реиқәыршәара азҵаарагьы. Аслан Кобахьиа иҳәеит, уи ҷыдалатәи ахылаҧшра шаҭахо Аҧсны ахадара рганахь ала. Аҧсныи Қырҭтәылеи рҳәааҿы аҭагылазаашьа хылаҧшра аҭаразы амчратә усбарҭақәа рхаҭарнакцәа аусурақәа иааиҧмырҟьаӡакәа имҩаҧыргоит. Уажәшьҭарнахыс уи еиҳагьы ирӷәҕәахоит. 

Елана Лашәриа, Беслан Џьынџьал, АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
18 Ианвар 2018
65
17 Ианвар 2018
65
Аҭыжьымҭаҿы: Иаарту аицәажәара. Аҧсны ахадеи Гагра арион активи реиҧылара.
17 Ианвар 2018
59
Аҧсуа ҳәынҭқарратә аҿартә театр актиорцәеи уи ақәыргылаҩцәеи аспектакль аус адулараан ирҧылоз ауадаҩрақә ртəы иазааҭгылеит апресс-конференциаҿы.
17 Ианвар 2018
55
Абиуџьети , ашәахтәи, акредити рзы аилак имҩаҧнагаз аиҧылара иалахәын аусдкылаҩцәа.
17 Ианвар 2018
45
Уи инақәыршәаны Аҧсны атәылауаа зегьы ҩышә-нызқь рҟынӡа аҧара кредитла иргартә алшара роуеит .
17 Ианвар 2018
66
Гагра имҩаҧысит атәыла Ахадеи, аиҳабыреи, Жәлар реизара адепутатцәеи, ауаажәларреи злахәыз аизара.
16 Ианвар 2018
94
Загрузка плеера
Алаҳәарақәеи адныҳәаларақәеи
АГТРК