Март 6, ашәҟәыҩҩы, аклассик ду Фазиль Искандер даниз амш ауп.

06.03.2017
949

Март  6,  ашәҟәыҩҩы,   аклассик  ду Фазиль  Искандер  даниз  амш ауп. Иара  иҧсы  ҭаны  ирҿиамҭақәа зызкыу  ижәлар   дрылагылазҭгьы,   ҧшьынҩажәи ааба  шықәса    ихыҵуазаарын.   Ашәҟәыҩҩы  ихьӡ анаунагӡатәразы  Аҧсны акультуреи аҭоурых- культуратә ҭынха ахьчареи рминистр Ельвира Арсалыиҧҳа лыдҵаҟаҵарала,  Аҳәынҭқарратә аурыс драматә  театр Фазиль Абдул- иҧа Искандер ихьӡ ахҵоуп.      Иара  абри  акультуратә хәышҭаараҿы      имҩаҧысит   аклассик  игәаларшәара  иазкыз  ахәылҧаз.  Уи  иалахәын  Аҳәынҭқарра  ахада Рауль  Ҳаџьымба,  Фазиль Искандер  ибзиан  дыздыруаз  иҩызцәа, ашәҟәыҩҩцәа,   аҵарауаа.

Ахәылҧаз аазыртыз   рҿаҧхьа  дықәгылеит Д.Гәлиа илитература - мемориалтә музеи  аиҳабы Светлана Қорсиаҧҳа.Уи иазгәалҭеит   ари  ахәылҧаз  лахҿыхралеи , гәаларшәаралеи   имҩасыр  шакəу.  Иахьа  Фазиль  ҳааигәа  дыҟамзаргьы,   имҧсӡо  иҩымҭақәа   есқьаангьы  ҳара  иҳацуп, -  лҳәеит уи.
Фазиль Искандер – зыхьӡ адунеи аҿы еицырдыруа, аҧсуеи аурыси культурақәа цҳаны ирыбжьоу иакәны даанхоит.  Иара  иаҧҵамҭақәа зегьы  шьаҭас ирымоуп  аҧсуа  хаҿсахьа , иара убри алагьы ,адунеи зегьы иахирҵәеит  аҧсуа иҧсҭазаашьа  иламыс, идунеихәаҧшра.

Аҳәынҭқарра  Ахада   Рауль  Ҳаџьымба   иқәгылараҿы  иазгәеиҭеит,  Фазиль  Абдул  -иҧа    аҧсуа  доуҳатә культура  аҿиараҿы  илагала .

Фазиль  Искандер  ихьӡ  Аурыс  драматә  театр   ахҵара  ахшыҩҵак  акрааҵуан   иҟеижьҭеи ,аха   иахьа  уи  ахьалыршахаз  игәадууроуп, -   ҳәа  азгәалҭеит   акультура  аминистр   Ельвира Арсалиа.
Ахәылҧаз аҿы  иқәгылоз    иргәаладыршәон  Фазиль  Абдул -иҧа  ихаҿра , иаҧсшәа ҳәашьа, иуаҩра.
Фазиль  Искандер ирҿиамҭақәа  ирыҧхьахьоу, еиуеиҧшымкәа  ирыдыркылоит,  иҟоуп  изааигәоу,  иҟоуп  изцәыхароугьы. Уи  иаҵоуп афилософиатә ҵаулара.

Аҧсуа  драматә  театр  актиорцәа гәахәара  дула    ирыдыркылеит  атеатр Искандер  ихьӡ  ахҵара.    Аҧхьаҟагьы  ргәы  иҭоуп  уи  иҩымҭақәа ирылхны аҧсуа хәаҧшцәа  ақәыргыламҭақәа рызнагара.
Ахәылҧаз аҿы  ирацәан  агәалашәарақәа . Иҵаулан  уи  иаҵаз  аҧхарра
Фатима Гьергьиаҧҳа , Беслан Чхьынџьериа , АТ  
    



Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
Аҭыжьымҭаҿы:Ианҭаха ашьҭахь 143 медаль «Аиааиразы». Аҧсны Ахада аҳамҭақәа рнапаҿы ириҭеит иҭахаз афырхацәа рҭаацәа.
4
Ари ацәыргакәҵа еизнагеит жәлар рҟазара знапы алаку аҧышәа змоу рыдагьы, иахьа уажәраанӡа зхы ӡырзымгац, аха зус бзиабарала иазнеиуа аҿар.
4
Арҭ ашықәсқәа рыҩныҵҟа, ишҧаҿиоз аекономика аминистрра , иарбан проектқәоу зеиҿкаара алыршахаз? 
4
Ҧхынҷқәын мза 13,1988 ш.рзы Аҧсуа ҳәынҭқаррратә филармониҿы имҩаҧысит «Аидгылара» раҧхьаӡатәи аҧҵаратә еизара ду.
Аҧсны Ахада аҳамҭақәа рнапаҿы ириҭеит иҭахаз афырхацәа рҭаацәа.
Алаҳәарақәеи адныҳәаларақәеи
АГТРК