Аминистрцәа реилазаараҿы имҩаҧысит Алхратә комиссиа аилатәара.

06.03.2017
808

Аминистрцәа реилазаараҿы имҩаҧысит Алхратә комиссиа  аилатәара.  Уаҟа  ирылацәажәан алхрақәа  еиҿкаарыла   рымҩаҧгаразы иазгәаҭоу  аусқәа.

Аҧсны Жәлар реизарахь адепутатраз алхрақәа мҩаҧысуеит Март 12 рзы. Убри инамаданы Аҧсны еиҿкаауп  алхырҭатә ҭыҧқәа.  Алхрақәа рҽны  аусура хацыркхоит асааҭ ааба рзы, ихыркәшахоит асааҭ 20  рзы.   Алхырҭатә ҭыҧқәа рҟны аилагарақәа ҟамларц азы  акандидатцәа зегьы ирыҭахоит алхрақәа рымҩаҧысшьа иацклаҧшуа  ҩыџьа анаҧшыҩцәа,  дара ируалуп шьыжьнаҵы, алхырҭатә ҭыҧ аусура иалагаанӡа абиуллетенқәа рнапы аҵаҩра,- иҳәеит Алхратә комиссиа хада ахаҭарнак  Дмитри Шамба.

Аҧсны алхырҭатә ҭыҧқәа зегьы шәҟәы-быҕьшәы рыла еиқәшәоуп, имазеины иҟоуп алхыҩцәа рсиақәа. Асиаҟны зыхьӡ бжьахаз ҳәа аӡәыр дҟалозар - рыхьӡ ахарҭәааратә сиа иацҵахоит.  Алхратә комиссиа ахада Тамаз Гогиа иҳәеит, алхыҩцәа рбилиутенқәа рхарҭәаара аганахьала аҿыцрақәа акгьы шыҟам,  ак заҵәык алхыҩцәа арманшәаларазы абиуллетен  иану  акандидат изку аинформациа шдыркьаҿыз.

Игәцарактәу –ачымазара еиҧш иҟоу амзыз иахырҟьаны, алхырҭатә ҭыҧ ахь анеира зҭахны уи азы алшара змам,  заа уи азы адырра рзыҟаҵар, акомиссиа алахәылацәа рхала инеиуеит алхыҩ инхарҭа ҭыҧахь.
Алхырҭатә ҭыҧқәа русура ахырқәшара аамышьҭахь , анаҧшыҩцәа алархәны нап адыркуеит абиуллетенқәа рыҧхьаӡара, анаҩс ишаҧу еиҧш, алкаанҵа рышьҭуеит  Алхратә комиссиа хадахьы.
Ҳ. Гәымҧҳа,  Б. Џьынџьал,  А Т





Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
10
Аизара аҟны Аҧсны арратәи аполитикатәи ҧсҭазаараҿы зџьабаа акыр идууз, зыдунеи зыҧсаххьоу иранашьан "Аиааиразы"амедал.
47
Аҭыжьымҭаҿы:Аныҳәатә мшқәа рзы ашәарҭадара аиҿкааразы. Атәыла азинхьчаратә усбарҭақәа рхаҭарнакцәа абрифинг мҩаҧыргеит.
Алаҳәарақәеи адныҳәаларақәеи
АГТРК