Аекономикатә цәгьаурақәа рҿагыларазы Галтәи аџьармыкьаҿгьы агәаҭарақәа мҩаҧган.

07.03.2017
707

Аекономикатә цәгьаурақәа  ралмыршаразы аҩныҵҟатәи аусқәа рминистрра  аусбарҭа  аусзуҩцәа  лассы-лассы изаамҭанытәиу  агәаҭарақәа мҩаҧыргоит  Аҧсны араионқәа зегьы рҿы.  Убас еиҧш иҟоу    аусура  мҩаҧган мышқәак раҧхьа  Галтәи  аџьармыкьаҿгьы.

Галтәи аџьармыкьаҿы шьыжьнаҵы  ауаа  рацәаҩуп. Араион ақыҭақәа зегьы рҟынтәи арахь ауп иахьаауа акрыҭииреи ахәаахәҭреи рзы. Аџьармыкьа араҟа есҽны аус ауӡом, мчыбжьык  мышқәак роуп араҟа ахәаахәҭра анымҩаҧысуа. Аҩныҵҟатәи аусқәа рминистрра иаҵанакуа аекономикатә  цəгьаурақәа ралмыршаразы аусбарҭа аусзуҩцәа акрыҭиҩцәа ргәырҽанӡамкәа ирҭааит. Еиҳаракгьы игәарҭоз арыжәтә џьбареи  аҭаҭынаалыҵи зҭииуаз роуп. Аминисрцәа реилазаара ишьақәнаргылаз ақәҵара еилазгаз авба рыҭан, ахараҧса  ддыршәон. Агәаҭарақәа ирыхрыжьит  ахәшәҭиирҭақәагьы. Ақәҵара инақәыршәаны, анаркотикатә маҭәашьарқәа  маҷӡак иадамхаргьы  злоу ахәшәқәа рыҭира азин ыҟаӡам.

Агәаҭарақәа цон ҩ-сааҭк инарзынаҧшуа. Анаҩс ишеилкаахаз ала, аҭыҧ рыман иакымкәа-иҩбамкәа аилагарақәа. Аекономикатә цәгьаурақәа ралмыршаразы аҩныҵҟатәи аусқәа рминистрра аусбарҭа аусзуҩцәа  азакуанеилагарақәа зегьы ашәҟәы иҭаргалеит, ахараҧса рыдырҵеит ахәаахәҭыҩцәа.
Асеиҧш агәаҭарақәа ари аҭыҧаҿы анаҩсгьы ирыцҵахоит.

Елана Лашәриа, Беслан Џьынџьал, АТ.



Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
8
Раҧхьатәи азҵаара азкын Алашарбага аҳаблаҿ иҟоу агәамкажьырҭа апроблема ӡбашьас иарҭаз .
31
30 шықәса рыҩныҵҟа Платон Бебиа ироман аҧҵаразы аматериалқәа еизигон,хәышықәса аҩра даҿын.
41
Убри инамаданы, Аҧсны Ашәҟәыҩҩцәа реидгыла еиҿнакааит ашәҟәыҩҩы игәаларшәара иазкыз ахәылҧаз.
Алаҳәарақәеи адныҳәаларақәеи
АГТРК