Амармалташьтә пты аҿиара аанкыларазы имҩаҧган "астол гьежь"

07.03.2017
397

Амармалташьтә пты аҿиара аанкыларазы   иҟаҵатәу,   уи шьаҭанкыла  ақәхразы  иарбан   хәшәқәоу  рхы иадырхәар   акəу,   аҧсабара  ианаҭаз  ааха   ахьынӡаҕәҕәоу   уҳәа  азҵаарақәа   жәпакы   ирылацәажәан   имҩаҧгаз   “астол  гьежь”   аҿы.

Уи иалахәын Аҧсны акалақьқәеи араионқәеи рҟынтә ақыҭанхамҩақәа рыҟәшақәа рхаҭарнакцәеи,  аекологцәеи, иара убас жәларбжьаратәи иҳәынҭқарратәым аилак «Амлакра  иаҿагылоу»   ахаҭарнакцәеи.

Аҵыхəтəантəи аамҭазы ақыҭанхамҩа ааха азҭо цəырҵраны иҟалеит амармалташьтə пты ҳəа изышьҭоу ахəаҷа-маҷа. Дара еиҳарак рхыҧхьаӡара рацəоуп аҧхынразы. Урҭ ауааҧсыра ҧырхага рнаҭом, аха ашəаҧыџьаҧи аҵиаақəеи бааҧсыла  иҧхасҭанатəуеит.

Апты шьаҭанкыла рнырҵəара  аекологцəа рҽазыршəахьеит, аха макьана илыҵшəадоуп.
Иахьа имҩаҧгаз “астол гьежь” аҿы иалацəажəан аҧхьаҟа апты амҽхак амырҭбааразы иҟаҵатəу.
Роман Дбар иажəақəа рыла, ас еиҧш аҧхасҭа ҟазҵо апты аҭҵаара ус  имариамхеит. Урҭ рыхккəа еиуеиҧшымызт, уажəааигəоуп ианеилкааха, аҧхасҭа ҟазҵо амармалташьтə пты шакəу.

Иара убас “астол гьежь” аҿы Роман Дбар далацəажəеит аҧхасҭа зырҿио амармалташьтə пты  Мрагыларахьтəи Азиа аҟынтəи ишаауа. Уи хəышықəса раҧхьа Еиду Америкатəи Аштатқəа рҿгьы аҧхасҭа ҕəҕəа ҟанаҵеит, анаҩс Аҧснынӡагьы иааӡеит.

Астолгьежь алахəыла, Аҧсны  иҟоу жəларбжьаратəи иҳəынҭқарратəым аилак “Амлакра иаҿагылоу”   аиҳабы Ервин Блау ишазгəеиҭаз ала, апты еиҳараӡак аҧхасҭа ҕəҕəа анаҭеит Аҧсны мрагыларахьтəи ахəҭа: Гал, Тҟəарчал, Очамчыра, Гəылрыҧшь, Аҟəа араионқәа.

Ари ахәаҷа  азҵаара ианыӡбамха, ашəарҭара ыҟоуп, ҩаҧхьа аҧсабара ааха ду анаҭап ҳəа.   Абас  агәаанагара рымоуп  “астол гьежь” алахәылацәа.

Саид Џьарсалиа, Роберт Ломиа ,АТ


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
17 Ианвар 2018
32
Аҭыжьымҭаҿы: Иаарту аицәажәара. Аҧсны ахадеи Гагра арион активи реиҧылара.
17 Ианвар 2018
21
Аҧсуа ҳәынҭқарратә аҿартә театр актиорцәеи уи ақәыргылаҩцәеи аспектакль аус адулараан ирҧылоз ауадаҩрақә ртəы иазааҭгылеит апресс-конференциаҿы.
17 Ианвар 2018
24
Абиуџьети , ашәахтәи, акредити рзы аилак имҩаҧнагаз аиҧылара иалахәын аусдкылаҩцәа.
17 Ианвар 2018
18
Уи инақәыршәаны Аҧсны атәылауаа зегьы ҩышә-нызқь рҟынӡа аҧара кредитла иргартә алшара роуеит .
17 Ианвар 2018
36
Гагра имҩаҧысит атәыла Ахадеи, аиҳабыреи, Жәлар реизара адепутатцәеи, ауаажәларреи злахәыз аизара.
16 Ианвар 2018
71
16 Ианвар 2018
56
Уи иахҟьаны иҧсҭазаара далҵит Узбекистан атәылауаҩ.
Загрузка плеера
Алаҳәарақәеи адныҳәаларақәеи
АГТРК