Аҧыза- министр Беслан Барцыц Тҟәарчал ақалақь даҭааит.

09.03.2017
770

Аҧыза- министр Беслан Барцыц Тҟәарчал ақалақь  даҭааит.  Уаҟа араион  анапхгареи, аргылаҩцәеи  алархәны   аилатәара  мҩаҧигеит.  Аилатәараҿы аинвестициатә план инақәыршәаны  ҩнызқьи жәаф шықәса рзы  Тҟәарчал ақалақь  аҿы имҩаҧгаз  аусурақәа  ирылацәажәон , иара убас    ари ашықәс  азы  аплан  аҿы  ирзарбоу   ауснагӡатәқәа ирзааҭгылан.
  
Аиҧылараҿы   Аҧыза- министр Беслан Барцыц   иазгәеиҭеит, ҩнызқьи жәаф  шықәса рзы   ТҞәарчал  ақалақь  аҿы   аиҭашьақәыргыларатә   усмҩаҧатәқәа   рзы  аинвестициатә план  иарбаз  аҧарақәа зегьы  ахархәара  шрызуз.   Излазгәаҭаз  ала,  шықәсык иалагӡан Тҟәарчал иҟаҵаз маҷмызт, амҩадуқәа,  аҩнеихагылақәа рхыбқәа рыҧсахра, аҩны  аҵаҟақәа ррыцқьара,  аӡымҩангагақәа рышьҭаҵара  уҳәа  аусурақәа  жәпакы  мҩаҧган.  Ҳаҧхьаҟагьы   ишьҭоу  маҷым иҳәеит, -  Аҧыза- министр.

Аҧыза - министр иазгәеиҭеит,  ҩнызқьи жәибыжь шықәса рзы ахархәарахь ишрыҭатәу ахәыҷбаҳча.  Уи  ауааҧсыра  азыҧшуп, -  ҳәа  азгәеиҭеит Беслан  Барцыц.   Аҧыза- министр  араион анапхгареи, аргылаҩцәеи алархәны имҩаҧигаз  аилацәажәараҿы ишьҭыхыз  азҵаарақәа  маҷмызт.  Аџьармыкьа аҭагылазаашьа, ахәышәтәырҭа  аиҭашьақәыргылара,  амшцәгьақәа  ирыхҟьаны  аӡы иҵнаӡәӡәааз  амҩадуқәа рыҟаҵара  уҳәа     азҵаарақәа жәпакы шьҭыхын.   Аилатәара  ашьҭахь,   Аҧыза-  министр  даҭааны ибеит    Владислав  Арӡынба ихьӡ  зху    амҩаду  аҿы  имҩаҧысуа    аиҭашьақәргыларатә  усурақәа,   еиҳараӡакгьы  ашьаҟауаа   рныҟәарҭа.  Тҟәарчал араион ахада  Аида  Чачхалиаҧҳа иазгәалҭеит,     араҟа  аамҭа  кьаҿк иалагӡаны ишеиҭаҳахо   шә- шьапык  инареиҳаны  аҵлақәа. Ишышьақәргылахо    ауааҧсыра   рыҧсы  ахьыршьо  атәарҭақәа.

Аҭыҧантәи  ауааҧсыра ракәзар,  гәахәарыла ирыдыркылеит   иҟоу  аиҭакрақәа.

Анаҩс  Аҧыза- министр днеиуеит   Тҟәарчалтәи аџьармыкьа.  Араҟа  аиҭашьақәыргыларатә  усурақәа   хынҩажәа шықәса ҵуеит имҩаҧырымгеижьҭеи. Арахь  хәаахәҭра  ҳәа иаауа  ауааҧсыра    рхыҧхьаӡара  маҷым. Аха,  аџьармыкьа  аҭагылазаашьа ахьыуадаҩу  аҟынтә,   ауааҧсыра  егьырҭ  араионқәа рахь  хәҳахәҭра ицо иалагеит.

Уажәы ижәбо     ацҳа    амшцәгьақәа  раан  аӡы  иҵнаӡәӡәааит.  Иахьа   араҟа   аҭагылазаашьа    уадаҩуп.    Ацҳа  ахы  анҵнашәаа  аамҭазы,  - хышә  ҭӡы инарзынаҧшуа ақалақь  ауааҧсыра    рымҩа  аркхоит. Аҧыза- министр иҳәеит, аамҭа  кьаҿк  иалагӡаны  ацҳа  ҿыц  шыҟаҵахо.

Анаҩс  Аҧыза- министр    даҭааит     Тҟәарчал ақалақь  аҿы  ҩнызқьи жәиҧшь  шықәса  рзы   иргылаз ахәыҷбаҳча  «АМРА» . Уи ианаамҭаз ахахәарахь иахьрыҭамыз иахҟьаны,   ҩаҧхьа   аиҭашьақәргыларатә  усурақәа аҭахыуп. Араҟа  Аҧыза- министр адҵа  ҟаиҵеит аамҭа  кьаҿк иалагӡаны    аусурақәа хацдыркырц.

Абасала, Тҟәарчал ақалақь аҩныҵҟа аиҭашьақәыргыларатә усурақәа мҩаҧысуеит,  аргылаҩцәа    изларҳәо ала,    урҭ   ирзыҧҵәоу  аамҭа  рыҽҭаргӡоит.Аҧхьаҟагьы  иазгәаҭоу  маҷым.

Ф.Гьергьиаҧҳа,  Ҭемыр Гогохьиа , АТ.



Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
21
30 шықәса рыҩныҵҟа Платон Бебиа ироман аҧҵаразы аматериалқәа еизигон,хәышықәса аҩра даҿын.
31
Убри инамаданы, Аҧсны Ашәҟәыҩҩцәа реидгыла еиҿнакааит ашәҟәыҩҩы игәаларшәара иазкыз ахәылҧаз.
42
Аҭыжьымҭаҿы:Ианҭаха ашьҭахь 143 медаль «Аиааиразы». Аҧсны Ахада аҳамҭақәа рнапаҿы ириҭеит иҭахаз афырхацәа рҭаацәа.
45
Ари ацәыргакәҵа еизнагеит жәлар рҟазара знапы алаку аҧышәа змоу рыдагьы, иахьа уажәраанӡа зхы ӡырзымгац, аха зус бзиабарала иазнеиуа аҿар.
Алаҳәарақәеи адныҳәаларақәеи
АГТРК