60 -тәи ашықәсқәа рзы иҵаҵаз ацрыҵмҩангагақәа ажәит.

09.03.2017
591

Аҟәа ақалақь аҿы лассы- лассы  ацрыҵмҩангагақәа   ирхырҟьаны  ауааҧсыра    еиуеиҧшым   ауадаҩрақәа  рызцәырҵуеит. Ари азҵаара проблеманы   иҟоуижьҭеи  акрааҵуеит.
60 -тәи ашықәсқәа рзы иҵаҵаз ацрыҵмҩангагақәа ажәхьеит,  убри аҟынтә  реиҳараӡак ҧсахтәуп. Мышқәак раҧхьа аҧсуа телехәаҧшра аредакциахь аҳәара ҟаҵан Аҟәа, Басариа ихьӡ зху амҩаду аҿы ишьақәгылаз аҭагылазаашьа  аҭыхразы.

Ольга Назарова ари аҭыҧ аҿы дынхоит аибашьра ашьҭахьтәи ашықәсқәа зегьы рыҩныҵҟа. Лара илгәалашәаӡом ари амҩаду аҿы асеиҧш ауадаҩрақәа уаанӡа аҭыҧ рыманы. Басариа ҧшьынҩажәи жәаба рҿы игылоу «ихынаау» ҳәа изышьҭоу аҩны аиҭашьақәыргылара  ашьҭахь ауп, уи ааига ахатәы ҩнқәа ирыҩноу  анхацәа ауадаҩрақәа анрызцәырҵыз. Анаҩс ишеилкаахаз ала, ацрыҵмангагақәа  амҩаҿы иҵазаап, аргыларатә маҭәахәқәа ныҟәызгоз амашьына хьанҭақәа урҭ аҧхасҭа ҕәҕәа рырҭеит. Ӡынгьы ҧхынгьы араҟа аӡытҟәа ҭоуп. Ольга Назарава лажәақәа рыла, лара арзаҳалқәа алалҵахьеит ари азҵаара аӡбара иацхраарц зылшо аусбарҭақәа зегьы рҿы, аха макьаназы имҩаҧыргхьоу аусурақәа зегьы аамҭалатәиуп.  Амҩа аҭагылазаашьа цәгьоуп, ажрақәа дууп, ҭыҧ-ҭыҧа дара амҩа аҭбаара зегьы рымҽхаркуеит. Урҭ ҭәуп ацрыҵӡыла. Ҳәара аҭахәума, уи афҩы бааҧс шахылҵуа. Аҧҳәыс илҳәоит,  лыҩны ҭиины  даҽа ҭыҧк ахь диасырц шылҭаху, аха ари аҩыза аҭыҧ аҿы уи аӡәгьы иааихәаӡом. Иишаҵәҟьаны, аӡы ҟьашь ацарҭа анамоулак, ашҭа иҭалоит, амшцәгьақәа раан зыҩаӡара шьҭыҵуа аҩарӡи ацрыҵи еилаланы ашәхымс аҟынӡа иааиуеит.  Басариа ҧшьынҩажәи жәаба анхацәа рымчқәа рыла ирылшаӡом, амҩа ацхраара, убри аҟынтә аҳәара ҟарҵоит адгылара рырҭарц азы. Иазгәаҭатәуп, ари аӡаҩа уажәы ишмаҷу, хымш раҧхьа ақалақь акоммуналтә усбарҭа аусзуҩцәа уи дрыцқьеит. Аҟәа ақалақь акоммуналтә усбарҭа аиҳабы Дмитри Аҳәба иажәақәа рыла,  ацрыҵмҩангагақәа аӡы рзымышьҭуа  ишәаҳан. Ҳәара аҭахәума, иажәхьоу  акоммуникациақәа ауааҧсыра икарыжьуа агәам амҩангара ишазкым, убри аҟынтә агәам  иашәаҳауеит. Аҵыхәтәантәи арыцқьараан акьантыжә анҭырга анҩас, аӡы ацара иалагеит.  Дмитри Аҳәба иазгәеиҭоит, ацрыҵмҩангагақәеи, ацрыҵеизакырҭатә ҵеџьқәеи рзы ауадаҩрақәа шыҟоугьы, аиҳарак урҭ  анхацәа ирыхҟьаны ауп ишхыҵуа. Избан акәазр, дара ирбалакь рҭарыжьуеит.

Аҟәа ақалақь акоммуналтә усбарҭа аусзуҩцәа иааиҧмырҟьаӡакәа аусурақәа мҩаҧыргоит аҳҭнықалақь ахаҿра аиҕәтәра, ауаҧсыра ркоммуналтә зҵаарақәа рыӡбаразы, анхаратә-бзазаратә ҭагылазаашьақәа рырманшәаларазы. Убас ақалақь иахьаҵанакуа зегьы реиҳа ауаа рацәа ахьеиланхо Аҳабла Ҿыц аҿы ихацыркуп амҩақәа рыҟаҵара. Аусурақәа мҩаҧнагон ақалақь аргыларазы аусбарҭа, Агрба имҩаду аҿы ишьҭаҵан ақаҭран. Араҟа амҩа ҕәҕәалаҵәҟьа иҧҽын, аиашазы мышьынала акәым шьапылагьы анысра уадаҩын. Иара убасгьы уажәы аусурақәа мҩаҧысуеит аҩбатәи ахагьыжьырҭа ҳәа иахьашьҭоу аҭыҧ аҿгьы. Макьана амҩа азганк ауп ақаҭран зқәырҵахьоу. Аҳабла Ҿыц ала иалаган агәамҭаҧсарҭа ҿыцқәа рыргыларагьы. Уаанӡатәиқәа ҧсахын ахҩақәа зхашәо, араӡынҧшшәы змоу еиҧшу рыла. Раҧхьазы иаахәаны иааган шәи ҩажәа.

Иара убасгьы иҳәатәуп, уажәы ишымҩаҧысуа аусурақәа амҩақәа рҿықәқәа ақаҭран рықәҵаразы. Иазгәаҭатәуп, ақалақь ахаҿра арҧшӡаразы амҩадуқәа рҿықәқәа реиҭашьақәыргылара аҵак ду шамоу. Уи анҩасгьы, ашьаҟауаа рнеи-ааира арманшәалоит. Ари аусура анасҩгьы иацҵахоит.
Аҳҭнықалақь акоммуналтә усбарҭа аиҳабы Дмитри Аҳәба иажәақәа рыла, ари уажәы имҩаҧысуа ауп, аха зхацыркра азгәаҭоу аусурақәа еиҳагьы ирацәоуп, насгьы урҭ  рымҽхак ҭбаауп. Уахь иаҵанакуеит аибашьра ашьҭахь зныкгьы еиҭашьақәыдмыргылац амҩадуқәа ақаҭран рықәҵара, аӡымҩангагақәа рыҧсахра, ацрыҵмҩангагақәа ррыцқьара. Ауааҧсыра рымаҵ аурзы иҳалшо зегьы ҟаҳҵоит, иҳәеит иара.

Елана Лашәриа, Беслан Џьынџьал, АТ.  


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
18 Ианвар 2018
75
17 Ианвар 2018
77
Аҭыжьымҭаҿы: Иаарту аицәажәара. Аҧсны ахадеи Гагра арион активи реиҧылара.
17 Ианвар 2018
71
Аҧсуа ҳәынҭқарратә аҿартә театр актиорцәеи уи ақәыргылаҩцәеи аспектакль аус адулараан ирҧылоз ауадаҩрақә ртəы иазааҭгылеит апресс-конференциаҿы.
17 Ианвар 2018
67
Абиуџьети , ашәахтәи, акредити рзы аилак имҩаҧнагаз аиҧылара иалахәын аусдкылаҩцәа.
17 Ианвар 2018
57
Уи инақәыршәаны Аҧсны атәылауаа зегьы ҩышә-нызқь рҟынӡа аҧара кредитла иргартә алшара роуеит .
17 Ианвар 2018
82
Гагра имҩаҧысит атәыла Ахадеи, аиҳабыреи, Жәлар реизара адепутатцәеи, ауаажәларреи злахәыз аизара.
16 Ианвар 2018
106
Загрузка плеера
Алаҳәарақәеи адныҳәаларақәеи
АГТРК