1998 шықәса рзы Тҟәарчал аусура иалагеит агәыҳалалратә фонд «Аҿар рхеидкыла».

09.03.2017
472

Агәыҳалалратә фонд «Аҿар рхеидкыла»   аус ауеижьҭеи  19 шықәса ҵуеит.  Ирацәоуп ари аамҭа иалагӡаны ацхыраара зауз ахәыҷқәа.

1998 шықәса  рзы Тҟәарчал аусура иалагеит агәыҳалалратә  фонд «Аҿар рхеидкыла».  Ари аиҿкаара  аҧшьгарала ақалақь аҟны иаартын зыӡбахә ҳамоу ацентр. Ҳтәылаҿы  уи аамҭазы аус руан  зылшарақәа ҧку ахәыҷқәа   рҽахьырхәышәтәуаз ацентрқәа ҩба  - Гали  Очамчыреи.  

Ацентр  иаҭаауеит   ақалақьи араиони ирыҵаркуа зылшара ҧку ахәыҷқәа.   Ахәыҷқәа  аус рыдырулоит  ааҩык аспециалистцәа;   ииашан ацәажәара азы алагопед, абаҩ арҵәразы абаҩырҵәыратә уада, апсихолог уҳәа аҟазацәа. Ареабилитациатә центр аиҳабы Рита Ажьиба илҳәеит, ацхыраара зҭаху ахәыҷқәа  араион ақыҭақәа рҟынтәи машьынала ишаарго. Иазгәаҭатәуп, ари ахыбраҿы ишеиҿкаау иҷыдоу  асенсортә уада. Уи  ахәыҷы ипсихика ашьақәыргыларазы ицхыраагӡа дууп. Ареабилитациатә хәышәтәырҭа аиҳабы илҳәеит, зылшара ҧку ахәыҷқәа аҳәаанырцәҟа  ргара мамзаргьы,  аспециалистцәа арахь раагара аус   ишацхраауа ауаажәларратә - гәыҳалалратә фонд «Аҧсны»

Ареабилитациатә хәышәтәырҭа аспециалистцәа  иаҳзеиҭарҳәеит, русура шышьақәгылоу атәы. Шьорена Гвиниашвили занааҭла  дыпсихологуп,   лҧышәа аизырҳаразы  лхы рылалырхәхьеит жәларбжьаратәи атреннигқәа. Шьорена  илҳәеит, ацентр ахь иныҟәо ахәыҷқәа акатегориақәа хҧа рахь ишаҵанакуа. Уи зылшара ҧку, аДЦП чымазара змоу  шракәу.

  Ацәажәара зцәыуадаҩу   анбанқәа цқьа иззымҳәо, ҧшьышықәса инаркны жәаа шықәса рҟынӡа зхыҵуа ацхыраара рылҭоит ацентр аҟны   Ҳанифа Џьонуаҧҳа.  Лара илҳәеит, лусура аҟны лхы ишалырхәо иҷыдоу аметодика. Аус луеит есыҽны, амчыбжь иалагӡан ацхыраара рылҭоит жәаҩык рҟынӡа ахәыҷқәа.
Ари ареабилитациатә центр аҟны ахәыҷқәа ацхыраара рырҭоит егьырҭ ахырхарҭақәа рылагьы. Ахәышәтәырҭа аиҳабыра ирҳәеит, русураҿы     ишрыдгыло араион ахадарагьы. Аҧхьаҟа   ацентр аҳәаақәа рырҭбаара азгәарҭоит уи аҧшәмацәа.

Асмаҭ Шьакаиа, Саид Агәхаа,  АТ


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
16 Ианвар 2018
10
16 Ианвар 2018
10
Уи иахҟьаны иҧсҭазаара далҵит Узбекистан атәылауаҩ.
16 Ианвар 2018
13
Аиубилиар имшира идиныҳəалеит Аҳәынқарра ахада Рауль Ҳаџьымба.
16 Ианвар 2018
14
Аизараҿ дықәгылеит Аҧсны Ахада Рауль Ҳаџьымба.
12 Ианвар 2018
27
12 Ианвар 2018
49
Урҭ раҧырҟəҟəааразы Гудоуҭа араион аҟны арахə агəыр рыларҵоит.
12 Ианвар 2018
19
Аҧсны анаукақәа р-Академиаҿы аҵарауаҩ ииубилеи идырныҳәаларц еизеит иколлегацәа.
Загрузка плеера
Алаҳәарақәеи адныҳәаларақәеи
АГТРК