Аҳабла ҿыцтәи алхратә ҭыҧ хада актәи алхырҭатә ҭыҧ

12.03.2017
639

Аҳабла ҿыцтәи  алхратә ҭыҧ хада актәи алхырҭатә ҭыҧ аҿы шьыжьнаҵы иааџьаушьартә ауаа рацәан. Ауааҧсыра ааиуан атәылауаҩ иуалҧшьа анагӡаразы. Актәи алхратә ҭыҧ  хадаҿы ркандидатурақәа ықәыргылоуп хә-ҩык акандидатцәа, ари алхырҭатә ҭыҧ аҿы рыбжьы рҭииуеит зқьи фышәи быжьҩык алхыҩцәа.Алхрақәа ирхылаҧшуеит  акандидатцәа рҟынтә анаҧшцәа. Асааҭ жәба рзы еилагара ҳәа акгьы ашәҟәы иҭагалаӡамызт.

Аҳабла ҿыцтәи аҩбатәи алхратә ҭыҧ хада иаҵанакуа алхырҭатә ҭыҧ аномер ҩба ашәқәа аадыртаанӡагьы шьыжьнаҵы зыбжьы зҭиирц зҭахыз ааихьан. Уи аамҭазы алхратә комиссиа ахаҭарнакцәеи  акандидатцәа рҟынтәи анаҧшцәеи аҵыхәтәантәи аҽазыҟаҵарақәа мҩаҧыргон. Араҟа алхыҩцәа рхыҧхьаӡара ҩ-нызықьҩык инарзынаҧшуеит.

Иазгәаҭатәуп,  ауааҧсыра иаадырҧшуа активра араҟагьы ишыҳараку.Ауаа ирҳәоит, арҭ алхрақәа ишрыдырҳәало ҳтәыла ҧхьаҟатәи аҧеиҧш. Дара ибзианы еилыркаауеит аҳәынҭқарраҿы иреиҳау азакуанҧҵаратә орган иааннакыло аҭыҧ.Убри аҟынтә гәцаракрыла иазнеиуеит арҭ алхрақәа.
Араҟа шьыжьнаҵы агәалаҟазаара бзиа ыҟан. Иқәгылоу акандидатцәа аҩыџьагьы агәаларшәагатә фотосахьақәа еицҭырхуан, аманшәалара рзеиҕьеибашьон.

Ажәытә ҳабалаҿы иҟоуп алхратә ҭыҧ хада акы, уи ахҧатәи ауп. Иара иаҵанакуа алхырҭатә ҭыҧқәа руак-аҩбатәи аҿы ишьақәгылеит агәаран.  Аамҭак азы амчратә усбарҭақәа рхаҭарнакцәа ашә илагылеит зегь еицымыҩналарц азы.

Елана Лашәриа, Ельдар Дамиров, АТ.


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
5
Ари ацәыргақәҵаҿы асахьақәа ахәшьара рырҭон зҧышәа ҳараку асахьаҭыхҩцәа.
9
Урҭ рҟны еуеиҧшым атемақәа ирылацәажәон Аҧсныи Урыстәылеи рхаҭарнакцәа .
7
Ари ашықәсазы аицлабраҿы иқәыргылан аноминациақәа ааба.
49
Абарҭ азҵаарақәа ирызкын Ауаажәларатә палатаҿы имҩаҧгаз аилатәара .
Алаҳәарақәеи адныҳәаларақәеи
АГТРК