Гал араион аҟны иҟоу алхырҭатә ҭыҧқәеи, Тамшьи, Аӡҩыбжьеи.

12.03.2017
363

Араионқәа рҿы аус зуа ҳкорреспондентцәа излаарыцҳауа  ала,  уажәтәи  аамҭазы    Гагра,  Гәдоуҭа, Гал, Тҟәарчал, Очамчыра    араионқәа рҿы   алхрақәа  активла имҩаҧысуеит. Урҭ рымҩаҧысшьа иахылаҧшуеит   аҳәаанырцәтәи анаҧшцәа.  Макьаназы  аилагарақәа  ҳәа   акагьы  ашәҟәы иҭагалам.   Ҳҳкорреспондент Даур Инаҧшьба  шьыжьнаҵы  дырҭааит   Гал  араион иҟоу  алхырҭатә ҭыҧқәеи,   Тамшьи, Аӡҩыбжьеи.

Галтәи аҩажәи жәохәтәи алхырҭатә ҭыҧ хада иаҵанакуеит алхратә ҭыҧқәа ҩба. Дара руак ақалақь аҟны иаартын. Шьыжьнаҵы абжьыҭара инеиуаз рхыҧхьаӡара рацәан узҳәом. Асааҭ жәба рзы алхырҭатә ҭыҧахь инеихьаз ҩажәаҩык иреиҳан. Алхрақәа рцашьа иахылаҧшуеит ааҩык акандидатцәа рхаҭарнакцәа.

Иааидкыланы Аҧсны Жәлар Реизара ашҟа адепутатцәа ралхра азин рымоуп ҳәа асиа ианҵоуп фышәи ҩажәаҩык. Дара Аҧсны атәылауаҩы ишәҟәы змоу роуп.

Галтәи аҩбатәи алхырҭатә ҭыҧ аартуп Мхәыр ақыҭан. Араҟа абжьыҭара азин рымоуп ҳәа асиа иануп ҩышәҩык инарыцны. Шьыжьнаҵы асааҭ жәаба рзы абжьыҭарахь иааихьан ҩажәи аӡәҩык. Иҟан абжьыҭара иааиуаз, аха азин зырымҭоз. Избанзар дара рышәҟәқәа ишахәҭаз еиҧш еиқәшәамызт. Араҟагьы акандидатцәа зегьы рҟнытә анаҧшыҩцәа ыҟан. Иазгәаҭатәуп, Аҧсны Жәлар Реизара ашҟа алхрақәа рымҩаҧгара аҽны Гал араион алхырҭатә ҭыҧқәа рҟны амилициа аусзуҩцәа рмаҵзуратә уалҧшьақәа шынарыгӡо. Тамшьтәи аҩажәижәеизатәи алхырҭатә ҭыҧ хадала Жәлар реизарахь адепутатразы кандидатцәас иқәгылоуп хҩык. Асааҭ жәеиза рзы араҟа бжьыҭара инеихьан хынҩажәаҩык инарыцны. Иааидкыланы, Тамшь инхо ҧшьышәҩык алхрақәа аҽрылархәра азин рымоуп. Алхрақәа рцашьа иахылаҧшуеит акандидатцәа рхаҭарнакцәа.

Тамшь еиҧш Аӡҩыбжьагьы аҵанакуеит аҩажәи жәеизатәи алхырҭатә ҭыҧ хада. Араҟагьы ианаамҭаз алхырҭатә ҭыҧ аусура иалагеит. Иҟоуп акандидатцәа рҟнытә анаҧшцәа. Асааҭ жәеиза рзы Аӡҩыбжьаа шәҩык инарыцны рыбжьы рҭихьан.

Аҧсны Жәлар Реизара ашҟа адепутатцәа ралхра рхы аладырхәыр рылшоит хәышәи ҩынҩажәи жәаҩык инарыцны, абжьыҭара азин змоу ауааҧсыра.

Д. Инаҧшьба .А. Агәхаа,АТ


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
19 Ианвар 2018
67
Аҭыжьымҭаҿы:Анцәа аӡы иӡаахра.  Аҧсны ақьырсианцәа иазгәарҭеит аныҳәа хадақәа ируаку.
19 Ианвар 2018
94
“ Қьалашьбеи” иахәаҧшырц еизаз ауаа, аспектакль гәахәарыла ирыдыркылеит, рыгәгьы арҧшааит .
19 Ианвар 2018
161
Шәҩык автоинспекциа аусзуҩцәа злахәыз ареидқәа мҩаҧган мызкы иалагӡан, акциа алҵшәақәа ҳасаб рзуны агәаҭарақәа ирыцҵазарц азыӡбан.
19 Ианвар 2018
57
Уи мҩаҧигеит Аҧсны Аишахаҵаратә уахәама аиҳабы Аб Бассариан Аҧлиа
19 Ианвар 2018
59
Аиҳараҩык уахь инеиуеит Иҧшьоу Василиск иӡыхьцқьа аҟнытә аӡы ргарцаз.
18 Ианвар 2018
198
Загрузка плеера
Алаҳәарақәеи адныҳәаларақәеи
АГТРК