Маҷаратəи алхырҭаҭə ҭыҧ хада

12.03.2017
617

Шьыжьнаҵы арахь иааиз  анаҧшыҩцәа иахәҭаз агәаҭарақәа анымҩаҧырга ашьҭахь, асааҭ ааба  рзы алхырҭатә ҭыҧ аусура иалагеит.  Араҟа абжьаҭаразы  асиа иарбоу алхыҩцәа рхыҧхьаӡара  зқьи фышә ҩык рҟынӡа  инаӡоит .

Алхырҭатә ҭыҧқәа зегьы рҟнеиҧш араҟагьы алхырҭатә процесс амҩаҧысшьа хылаҧшра арҭон  акандидатцәа рҟынтә анаҧшыҩцәа. Урҭ ражәақәа рыла, алхырҭатә ҭыҧ аартреи   абжьыҭареи мҩаҧысуеит закуанеилагарада.

Алхырҭатә ҭыҧ Хада  аномер ҩажәеи фба , афбатәи алхырҭатә ҭыҧ   Драндатәи абжьаратә школ ахыбраҿ иҟоуп. Араҟа   ашьыжь асааҭ жәба рзы  зыбжьы азҭахьаз алхыҩцәа  рхыҧхьаӡара ҧшьынҩажәи хҩык   рҿынӡа инаӡахьан. Ари алхырҭатә ҭыҧ аҿы жәлар реизарахь адепутатраз акандидатцәа  рхыҧхьаӡара  ҧшьҩык ыҟоуп.  Сиала Алхырҭатә ҭыҧ  аҿы иарбоуп зқьы жәиҧшьҩык алхыҩцәа.

Амш зегь аҩныҵҟа алхырҭатә ҭыҧқәа  ирҭаауеит жәларбжьаратәи анаҧшыҩцәа. Алхыҩцәа рааишьа алхырҭатә ҭыҧқәа зегьы рҟны еиҧшымызт, џьара маҷк ихьысҳахазаргьы, реиҳарак рҿы алхыҩцәа рацәан.
Ҩажәиҧшьбатәи Ҧшьаҧтәи алхырҭатә ҭыҧ  Хада   аҧшьбатәи алхырҭатә ҭыҧ  Бигәаа ихьӡ зху Гәылрыҧшьтәи абжьаратә школ  ахыбраҿ иҟоуп. Араҟа абжьыҭара азин рымоуп аашәи ҩажәеи ааҩык ауааҧсыра. Ашьыжь асааҭ жәаба рзы зтәылауаҩратә уалҧшьа назыгӡаз алхыҩцәа рхыҧхьаӡара ҩынҩажәеи жәыбыжьҩык рҟынӡа инаӡон.

Абжьыҭара бзианы имҩаҧысуеит Ақыҭа Баслаҭа ахадара ахыбраҿ иҟоу ҩеижәихҧатәи  алхырҭатә ҭыҧ Хада    актәи алхырҭатә ҭыҧ  аҿы . Араҟа  жәлар реизарахь адепутатраз акандидатцәа ҧшьҩык ықәгылоуп.   Алхратә сиа иарбоу зқьи ҩышәҩык ауааҧсыра  рахьынтә асааҭ жәеиза рзы рыбжьы рҭихьан ҩышәҩык.  
  Иахьа  ҳара ҳазҭааз алхырҭатә ҧыҧқәа зегьы рҿы алхрақәа еилагарада имҩаҧысуан.

Ҳамидан Гәымҧҳа, Асҭамыр Гәажәба, А Т


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
163
Аҭыжьымҭаҿы:Данҭаха ашьҭахь ҩажәи хәба шықәса рнаҩс. Ахьӡ-аҧша апарк аҿы анышә дамардеит Аҧсны Афырхаҵа Ирина Гоцериӡе.
165
Аҟәа араион Иашҭхәа ақыҭан инхо ауааҧсыра хымыз инареиҳаны ӡыда иҟан, аӡынашьҭыгақәа ахьыблыз иахҟьаны.
53
Аусурақәа мҩаҧнагон аҳәынҭқарратә еилахәыра «Аҧснымашьынамҩа».
Алаҳәарақәеи адныҳәаларақәеи
АГТРК